SAN LUCAS 18:37 - Chatino Tataltepec

³⁷ Li' nacui̱ ngu' ji'i̱ yu cha' Jesús Nazaret bi' lijya̱ tyucui̱i̱ juani.

SAN LUCAS 18:37 ပူးပေါင်းရင်းမြစ်များ

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN LUCAS 18:36

Cha' quiña'a̱ tsa ñati̱ ndañi lijya̱ tyucui̱i̱, bi' cha' nchcuane nu cuityi̱' bi' ji'i̱ xa' ñati̱: ―¿Na ca ndyaca re? ―nacui̱ yu.

SAN LUCAS 18:38

Li' cui̱i̱ tsa ngusi'ya nu cuityi̱' bi': ―Jesús, cha' David ngua jyo'o cusu' jinu'u̱ ―nacui̱ yu―, cua'ni tya'na ti' nu'u̱ jna' ―nacui̱.

SAN LUCAS 2:51

Li' ndu'u nu piti bi' ndyaa nde Nazaret chaca quiya' lo'o ngu' cusu' ji'i̱ yu. Ña'a̱ ti tya ndaquiya' tsa yu ji'i̱ cha' nu nchcui' ngu' bi'. Lo'o jua'a̱ xtya'a̱ yu ni, nchco'o ma' lcaa cha' bi' ne' cresiya ji'i̱.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 19:19

Li' ngulo Pilato cña cha' ndi'ya̱ scua sca cha' hique crusi bi': “Nu nde laca Jesús Nazaret, rey ji'i̱ ngu' judío”. Jua'a̱ cha' nguscua bi'.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

LOS HECHOS 4:10

Cua'a̱ jyaca̱ ma̱ xi lacua. Ta na' sca cha' lo'o ma̱, lo'o lcaa ngu' loyuu re, cha' ycui' Jesucristo laca nu ngua'ni cha' ndyaca tso'o nu quicha re. La cui' Jesús Nazaret nu ndyujuii ma̱ ji'i̱ lo crusi, bi' laca nu cua ngua'ni ycui' Ndyosi cha' ndyu'ú chaca quiya' lo'o ngujuii. Ycui' Jesús bi' nda chacuayá' cha' ngua tso'o quiya' yu re, bi' cha' ndu̱ yu ca nde tso'o ti yu juani.

2 CORINTIOS 6:2

Ndi'ya̱ nchcui' sca cha' nu nscua lo quityi ji'i̱ ycui' Ndyosi sa'ni la: Cua nti' tsa na' cha' cua'ni cho'o na' cresiya ji'i̱ ma̱, nacui̱ ycui' Ndyosi, bi' cha' ntucuá na' cha' ji'i̱ ma̱ lo'o nchcui' ma̱ lo'u̱. Cua nti' na' cha' cua'ni lyaá na' ji'i̱ ma̱, bi' cha' nguxtyucua tsa na' ji'i̱ ma̱. Jua'a̱ nacui̱ ycui' Ndyosi. Lo'o nu juani cua laca tyempo cha' cua'ni cho'o Ni cresiya ji'i̱ ma̱, juani cua laca la cui' tyempo cha' cua'ni lyaá ycui' Ndyosi ji'i̱ ma̱ ji'i̱ nu cuxi.