SAN LUCAS 18:20 - Chatino Tataltepec

²⁰ Cua jlo ti' nu'u̱ lcaa cña nu ngulo ycui' Ndyosi ji'i̱ ñati̱ tya sa'ni la, cha' nu nchcui' quityi ndi'ya̱: “Ná cua'ni ma̱ cha' suba' lo'o clyo'o xa' ñati̱”, nacui̱ quityi bi'. “Ná cujuii ma̱ ji'i̱ tya'a ñati̱ ma̱; ná cuaana ma̱; ná chcui' ma̱ cuentyu ji'i̱ tya'a ñati̱ ma̱; cua'ni tlyu ma̱ ji'i̱ sti xtya'a̱ ma̱, jua'a̱ tucuá ma̱ cha' nu nchcui' ngu' cusu' ji'i̱ ma̱ lo'o ma̱.” Jua'a̱ cha' nu nguxtyanu ycui' Ndyosi ji'na tya sa'ni la.

SAN LUCAS 18:20 ပူးပေါင်းရင်းမြစ်များ

SAN LUCAS 18:19

Li' nguxacui̱ Jesús cha' ji'i̱ yu: ―¿Ni cha' laca nacui̱ nu'u̱ cha' tso'o tsa na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni.

SAN LUCAS 18:21

―Tya lo'o cuañi' na' cua ndaquiya' na' lcaa cha' bi' ―nacui̱ nu qui'yu bi' ji'i̱ Jesús.

ROMANOS 13:9

Tyu̱u̱ lo cña ngulo Ni ji'i̱ ñati̱ nu lo'o nda Ni cha' lo'o Moisés nu ngua sa'ni; ndi'ya̱ nacui̱ Ni: “Ná tyu'u cha' ji'i̱ ma̱ lo'o clyo'o xa' ñati̱”, nacui̱ Ni. “Ná cujuii ma̱ ji'i̱ tya'a ñati̱ ma̱. Ná cuaana ma̱ na nu ntsu'u ji'i̱ tya'a ñati̱ ma̱. Ná tyacui ti' ma̱ na nu ntsu'u ji'i̱ tya'a ñati̱ ma̱”, nacui̱ Ni. Sca ti cuayá' ndyu'u lcaa cha' bi' lo'o chaca cha' nu nchcui' quityi re: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”, nacui̱ Ni.

ROMANOS 3:20

Masi cua'ni na lcaa ca cha' nu nguscua ngu' lo quityi cusu' bi', ná caca ca tso'o tyiquee na cuentya ji'i̱ ycui' Ndyosi lo'o ndyu'ni ti na jua'a̱; tsa bi' ti cña ndu'ni quityi bi', cha' caca cuayá' ti' na cha' ntsu'u tsa qui'ya ji'na cuentya ji'i̱ ycui' Ndyosi.

EFESIOS 6:2

Sca cha' nu nda ycui' Ndyosi lo'o ñati̱ tya clyo, ndi'ya̱ nscua cha' bi': “Cua'ni chi̱ ma̱ loo sti ma̱, loo xtya'a̱ ma̱”. Lo'o li' nda ycui' Ndyosi chaca cha' lo'o na si cua'ni na jua'a̱:

COLOSENSES 3:20

Cu'ma̱ ngu' cuañi' ni, nga'a̱ cha' taquiya' ma̱ cña nu culo ngu' cusu' ji'i̱ ma̱, cha' tso'o tsa nti' nu Xu'na na lo'o ndu'ni ma̱ jua'a̱.