SAN LUCAS 18:14 - Chatino Tataltepec

¹⁴ ’Ndi'ya̱ laca cha' nu nti' na' chcui' na' lo'o ma̱, cha' nu qui'yu nu nclyo cñi cña loo ngu' bi' ni, cua ngüityi̱ ycui' Ndyosi qui'ya nu ntsu'u ji'i̱ yu bi'; tso'o ti tyiquee yu lo'o nguxtyu̱u̱ yu ndyaa yu to' tyi yu. Pana ná ngua ji'i̱ yu fariseo bi' jua'a̱, cha' nu ñati̱ nu tlyu tsa ndu'ni ji'i̱ ycui' ca ti, ntsu'u cha' caca tyuju'u ti' ñati̱ bi' ca tiya' la; pana ñati̱ nu tyuju'u tsa ti' ji'i̱ cha' cuxi nu ntsu'u ji'i̱ juani, ca tiya' la caca tso'o la cresiya ji'i̱ cuentya ji'i̱ ycui' Ndyosi.

SAN LUCAS 18:14 ပူးပေါင်းရင်းမြစ်များ

SAN MATEO 23:12

Ñati̱ nu nti' cha' caca tlyu la cuentya ji'i̱ tya'a ngu', ntsu'u cha' ca tyuju'u ti' ngu' ca tiya' la; pana ñati̱ nu ná ndu'ni tyixi lo'o tya'a ngu', nu ná nti' tyiji̱loo ji'i̱ tya'a ngu', bi' laca nu chañi cha' caca tlyu la cuentya ji'i̱ cu'ma̱.

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN LUCAS 1:52

Cua ngulo'o Ni ji'i̱ ñati̱ tlyu ca su ntucua tlyu ngu' nti' ngu', cua nda Ni su tso'o la cha' tyi'i̱ ngu' ti'i, nacui̱ María.

SAN LUCAS 10:29

Pana nu mstru cha' jo'ó bi' ni, cua nti' yu cha' tyu'u liñi la cha' nu cua nchcui' yu, bi' cha' nacui̱ yu ji'i̱ Jesús: ―¿Tilaca laca tya'a ñati̱ na' lacua?

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

ROMANOS 3:20

Masi cua'ni na lcaa ca cha' nu nguscua ngu' lo quityi cusu' bi', ná caca ca tso'o tyiquee na cuentya ji'i̱ ycui' Ndyosi lo'o ndyu'ni ti na jua'a̱; tsa bi' ti cña ndu'ni quityi bi', cha' caca cuayá' ti' na cha' ntsu'u tsa qui'ya ji'na cuentya ji'i̱ ycui' Ndyosi.

ROMANOS 4:5

Pana nu lo'o jlya ti ti' na ji'i̱ Jesús cha' ngulotsu' yu yabe' nu ntsu'u ji'na, li' taca xquiñi Ni cha' ji'i̱ Ni lo'o na cha' caca tso'o cresiya ji'na, masi ná sca na ndacui Ni ji'na.

ROMANOS 5:1

Jua'a̱ laca lacua; xqui'ya cha' ngusñi ti na cha' ji'i̱ Jesús, bi' cha' cua ngua tso'o cresiya ji'na cuentya ji'i̱ ycui' Ndyosi. Lo'o li' ti̱ ti ndi'i̱ tyiquee na, stu'ba ti ntsu'u cha' ji'na lo'o ycui' Ndyosi xqui'ya Jesucristo nu Xu'na na.

ROMANOS 8:33

Ná tucui taca sta qui'ya ji'na lacua, cha' cua laca ngusubi ycui' Ndyosi ji'na; ycui' Ndyosi laca nu cua ngulo yabe' ji'i̱ lcaa qui'ya nu ntsu'u ji'na.

GÁLATAS 2:16

Pana jlo ti' ya cha' ná taca ca tso'o cresiya ji'i̱ ya cuentya ji'i̱ ycui' Ndyosi, masi ndu'ni ti ya cua ña'a̱ ca cña nu nda jyo'o Moisés cha' cua'ni ya; sca ti si jlya ti' ya ji'i̱ cña nu ngua'ni Jesucristo cuentya ji'na, li' taca ca tso'o cresiya ji'i̱ ya. Bi' cha' lo'o cuare cua ngusñi ya cha' ji'i̱ Jesucristo, cha' taca ca tso'o cresiya ji'i̱ ya cuentya ji'i̱ ycui' Ni, cha' nu jlya ti ti' ya ji'i̱ Jesús, nga'aa si'i xqui'ya cña nu ndyu'ni ya nu nda jyo'o Moisés ji'i̱ ya. Ni sca na ná taca ji'na ca tso'o cresiya ji'na cuentya ji'i̱ ycui' Ndyosi xqui'ya cha' ndaquiya' ti na sca cha' nu nda jyo'o cusu' lo'o na.

SANTIAGO 4:10

Cua'ni ma̱ cha' ca tyuju'u ti' ma̱ nde loo ycui' Ndyosi ji'i̱ qui'ya nu ntsu'u ji'i̱ ma̱, lo'o li' ta Ni sca se'i̱ tso'o la su tyi'i̱ ma̱ ca su ntucua ycui' Ni.

SANTIAGO 4:6

Tlyu la tsiya' ti cha' tso'o nu ndu'ni ycui' Ndyosi lo'o na, cha' xtyucua Ni ji'na. Ndi'ya̱ nscua chaca cha' lo quityi ji'i̱ ycui' Ndyosi: “Ná sca na ta ycui' Ni ji'i̱ ñati̱ nu xcui' tyiji̱loo ji'i̱ tya'a ñati̱ ngu', nti' ngu'; pana quiña'a̱ tsa cha' tso'o ndu'ni Ni lo'o ñati̱ nu tso'o ti ndi'i̱ chalyuu, nu ná ndyu'ni tyucuaa ti' lo'o xa' ñati̱”, nacui̱ quityi bi'.