Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.
SAN LUCAS 17:25 - Chatino Tataltepec25 Pana clyo nscua cha' lye tsa chcube' ycui' na'. La cui' jua'a̱ ngu' tya'a quichi̱ tyi na xtyanu ti'i̱ ngu' 'na. အခန်းကိုကြည့်ပါ။ |
SAN LUCAS 17:25
18 ပူးပေါင်းရင်းမြစ်များ
Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;
―Cua'a̱ jyaca̱ ma̱ ―nacui̱ Jesús ji'i̱ ngu' bi' li'―, cua ngusñi na tyucui̱i̱ nde ca'ya juani cha' tsaa na Jerusalén. Cajua taya' ngu' 'na nu cua nda Ni 'na lijya̱a̱ cha' caca na' ñati̱, cha' tsaa lo'o ngu' 'na slo sti jo'ó nu laca loo, slo mstru cha' jo'ó. Cua'ni cuayá' ngu' bi' 'na li'. Chcui' ngu' cha' ntsu'u qui'ya 'na, lo'o jua'a̱ xqui'ya bi' ntsu'u cha' cajaa na'. Li' tsaa lo'o ngu' bi' 'na slo ngu' xa' tsu' nu laca loo ji'i̱ lcaa na.
Lo'o li' nguxana Jesús ngulu'u yu ji'i̱ ngu' ndi'ya̱: ―Ntsu'u cha' ca̱a̱ quiña'a̱ tsa cha' ti'í nu caca ji'i̱ ycui' na', masi ycui' Ndyosi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Nde loo la chcui' tsa ngu' cuentyu jna'; lo'o nu ngu' cusu', lo'o sti jo'ó nu laca loo, lo'o mstru cha' jo'ó ni, lcaa ngu' bi' chcui' ngu' cha' nu cuiñi laca na'. Lo'o jua'a̱ cujuii ngu' jna' li'; pana lo'o tyu'u scua sna tsa̱, li' tyu'ú na' chaca quiya'.
cha' nti' Jesús culu'u la ji'i̱ nu ngu' nu ndyaca tsa'a̱ ji'i̱ laja lo'o ndya'a̱ ycui' ti ngu'. ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Cujuii ngu' bi' jna' li'. Pana lo'o tyu'u scua sna tsa̱ tya lo'o cua ndyujuii ngu' 'na, li' tyu'ú na' chaca quiya' ―nacui̱ Jesús.
Sca se'i̱ ti ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱, cha' tyu'u ti'i̱ ngu' slo yu cha' chcui' yu lo'o ngu': ―Tsaa na nde Jerusalén juani ―nacui̱ yu―, su caca lcaa cña nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, nu nguscua ngu' ji'i̱ cua ña'a̱ ca cha' nu caca 'na, na' nu lijya̱a̱ cha' caca na' ñati̱.
―Na' nu cua nda Ni 'na lijya̱a̱ cha' caca na' ñati̱ ―nacui̱ Jesús―, nscua cha' lye tsa xcube' ngu' jna'. Lo'o la cui' ti xtyanu ti'i̱ ngu' cusu' jna'; lo'o ngu' nu laca loo, lo'o ngu' mstru cha' jo'ó, xtyanu ti'i̱ ngu' jna'. Nga'a̱ cha' cujuii ngu' 'na; pana lo'o tyu'u scua sna tsa̱, li' tyu'ú na' chaca quiya' ca su ntsiya na' cha' nguatsi' na'.
Jua'a̱ ngua cha' caca lcaa cha' nu nguscua jyo'o Isaías lo quityi ji'i̱ ycui' Ndyosi cua sa'ni la: Ndyosi Xu'na na', nacui̱ lo quityi bi' ji'i̱, ná ntaja'a̱ ngu' re xñi ngu' cha' jinu'u̱, cha' nu nda ya lo'o ngu'. Ná ngua cuayá' ti' ngu' tsiya' ti si nu'u̱ ndu'ni cha' tlyu slo ngu'. Jua'a̱ laca cha' nu nscua lo quityi bi'.
ကြော်ငြာတွေ