SAN LUCAS 17:24 - Chatino Tataltepec

²⁴ Se'i̱ ti ntyiji'i̱ xee tyi'yu nu lo'o ndyubi, pana tyaca̱' ña'a̱ ngu' xee bi' tyucui nde cua̱; jua'a̱ caca lo'o na' nu lijya̱a̱ cha' caca na' ñati̱, nu lo'o tyalaa tsa̱ bi' lo'o ña'a̱ ngu' jna' cha' ca̱a̱ na' chaca quiya'.

SAN LUCAS 17:24 ပူးပေါင်းရင်းမြစ်များ

SAN MATEO 24:27

Ñi'ya̱ laca lo'o ndyubii xee tyi'yu tyucui ña'a̱ nde cua̱, ña'a̱ lcaa ñati̱ ji'i̱ li'; jua'a̱ caca lo'o ca̱a̱ na' chaca quiya', la cui' na' nu cua nda Ni 'na lijya̱a̱ cha' caca na' ñati̱.

SAN MATEO 24:30

Li' nde cua̱ tyu'u tucua cuayá' nu sta na' nu cua nda Ni 'na lijya̱a̱ cha' caca na' ñati̱. Lye tsa caca xñi'i̱ ti' lcaa ñati̱ chalyuu nu ndi'i̱ cua ña'a̱ ca quichi̱ tyi ngu', xi'ya tsa ngu' li'. Lo'o na' nu cua nda Ni 'na lijya̱a̱ cha' caca na' ñati̱ ni, ña'a̱ ngu' 'na cha' lijya̱ na' laja coo nu ndubi tsa ña'a̱; lye xi ña'a̱ caca li', cha' lo'o lcaa juersa 'na ca̱a̱ na' li'.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 26:64

―La cui' laca na' ―nacui̱ Jesús li'―, ñi'ya̱ nu nacui̱ nu'u̱ laca na'. Lo'o chaca cha' cacha' na' ji'i̱ ma̱ juani, cha' nde loo la ña'a̱ ma̱ 'na nu cua nda Ni 'na lijya̱a̱ cha' caca na' ñati̱, nu lo'o tyucua na' la'a tsu' cui̱ ca su ntucua ycui' Ndyosi Sti na', nu lcaa tsiya' ti cña nchca ji'i̱ Ni. Li' ca̱a̱ na' chaca quiya' laja coo nde cua̱.

SAN MATEO 5:15

Lo'o jua'a̱ si cua'a̱ ngu' sca quii' quityee, ná su'ba cuatsi' ngu' ji'i̱ bi' ne' caju̱ li'; cua̱ sta ngu' quityee cha' clyane xee tyucui ña'a̱ ni'i̱ bi'.

1 CORINTIOS 1:8

Ycui' Jesús laca nu cua'ni cha' tyanu tachaa cha' ne' cresiya ji'i̱ ma̱ ña'a̱ cuayá' nu tye chalyuu ji'i̱ ma̱. Lo'o li' ná ntsu'u qui'ya nu sta ycui' Ndyosi hichu̱' ma̱ lo'o ca̱a̱ Jesucristo nu Xu'na na cha' cua'ni cuayá' Ni ji'i̱ ñati̱ chalyuu.

1 TESALONICENSES 5:2

cua laca ngua cuayá' ti' ma̱ cha' ni sca ñati̱ chalyuu, ná jlo ti' ngu' ni tsa̱ ca̱a̱ ycui' nu Xu'na na. Ñi'ya̱ ndyalaa sca nu cuaana to' ni'i̱ ji'i̱ ngu' talya, jua'a̱ cuaana ti ca̱a̱ Jesús.

2 TESALONICENSES 2:2

cha' ná tya'a̱chu̱' ma̱ ji'i̱ cha' tso'o bi'. Ná cutsi̱i̱ ma̱ si nti' ngu' xcutsi̱i̱ ngu' ji'i̱ ma̱: masi chcui' ngu' cuentya ji'i̱ Xtyi'i ycui' Ndyosi, nacui̱ ngu'; masi culu'u ngu' cha' liñi ji'i̱ ma̱, nacui̱ ngu'; masi chcui' ngu' lo quityi nu nda ya lijya̱ slo ma̱, nacui̱ ngu'. Cha' cuiñi laca si ñacui̱ ngu' cha' nde tsa̱ laca nu ca̱a̱ ycui' nu Xu'na na, cha' ná jlo ti' ngu' tsiya' ti.

2 TESALONICENSES 2:8

li' caca yu xña'a̱ bi' loo. Ca tiya' la ca̱a̱ Jesús nu Xu'na na, lo'o li' cujuii Jesús ji'i̱ yu xña'a̱ bi' nu lo'o culutu'u ti Jesús ji'i̱ yu bi' lo'o cui'i̱ nu ntsu'u tu'ba Ni; tye cha' ji'i̱ yu xña'a̱ bi' lo'o ca̱a̱ Jesús, cha' ná talo yu ña'a̱ yu ji'i̱ xee ndubi ji'i̱ ycui' nu Xu'na na.

SANTIAGO 5:8

Lo'o jua'a̱ cu'ma̱ ni, nga'a̱ cha' talo ma̱ tyiquee'; cua'ni nguula ti' tyiquee ma̱, cha' ná tya'a̱chu̱' ma̱ ji'i̱ ycui' Ndyosi, cha' cua ngulala ti ca̱a̱ ycui' nu Xu'na na chaca quiya' nde chalyuu.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.