SAN LUCAS 16:31 - Chatino Tataltepec

³¹ Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN LUCAS 16:31 ပူးပေါင်းရင်းမြစ်များ

SAN LUCAS 16:30

Li' nguxacui̱ nu culiya' bi' cha' ji'i̱: “Tso'o lacua, sti na' Abraham. Pana si tsaa sca ngu' jyo'o re ca su ndi'i̱ ngu', li' culochu̱' ngu' cha' cuxi nu ndyu'ni ngu'.”

SAN LUCAS 17:1

Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o.

SAN JUAN 5:47

pana ná ngusñi ma̱ tsiya' ti cha' nu nguscua jyo'o bi'. Lo'o jua'a̱ ¿ñi'ya̱ cua'ni ma̱ cha' xñi ma̱ cha' nu chcui' na' lo'o ma̱ lacua?

LOS HECHOS 19:8

Lo'o li' ndyaa Pablo ne' laa ji'i̱ ngu' judío cha' chcui' yu cha' ji'i̱ ycui' Ndyosi lo'o ngu', cha' culu'u yu ji'i̱ ngu' ñi'ya̱ nclyo ycui' Ni cña. Ndya'a sna co' nu ngua'ni yu jua'a̱.

LOS HECHOS 26:28

―¿Ha yala ti nti' nu'u̱ cha' caca na' ñati̱ ji'i̱ Jesucristo? ―nacui̱ rey Agripa ji'i̱ Pablo li'.

LOS HECHOS 28:23

Li' ngüiñi cha' ji'i̱ ngu' ni tsa̱ tyu'u ti'i̱ lcaa ngu' slo Pablo. Tsa̱ bi' quiña'a̱ tsa ñati̱ ndyu'u ti'i̱ slo yu. Tyucui tsa̱ ngulu'u yu ji'i̱ ngu'; ngulu'u yu ñi'ya̱ nu nclyo ycui' Ndyosi cña, ñi'ya̱ ngua cha' nu nguscua jyo'o Moisés cuentya ji'i̱ Ni, ñi'ya̱ ngua cha' nu nguscua jyo'o cusu' nu ngua tu'ba ji'i̱ Ni lo quityi lo'o nchcui' ngu' cha' ji'i̱ Jesús.

2 CORINTIOS 4:3

Lo'o li' si ntsu'u ñati̱ nu ñacui̱ cha' tucui tsa ndyu'u cha' tso'o ji'i̱ Jesús nu nchcui' ya lo'o ngu', liñi la ñacui̱ na li' cha' ñati̱ bi' laca nu nguna' ndu'ni, bi' cha' ná nchca cua'a̱ jyaca̱ ñati̱ bi' ji'i̱ cha' bi'.

2 CORINTIOS 5:11

Xqui'ya cha' ndube tsa ti' ya cha' ña'a̱ ycui' Ndyosi ji'i̱ ya, bi' cha' nchcui' tsa ya cha' ji'i̱ Jesús lo'o xa' ñati̱. Tso'o tsa nslo ycui' Ndyosi ji'i̱ ya, ñi'ya̱ ndu'ni sa scaa ya. Lo'o jua'a̱ cu'ma̱, nti' ya cha' liñi tsa ndyuloo ma̱ ji'i̱ ya,