SAN LUCAS 16:28 - Chatino Tataltepec

²⁸ ca su ntsu'u ca'yu tya'a ngu' tya'a na', cha' chcui' yu lo'o ngu', cha' ná ca̱a̱ ngu' ca nde su ntsu'u na' nchcube' na'.”

SAN LUCAS 16:28 ပူးပေါင်းရင်းမြစ်များ

SAN LUCAS 16:27

Li' tya'na tsa nchcui' nu culiya' bi' lo'o: “Cua'ni nu'u̱ sca cha' tso'o lo'o na', Abraham sti na'”, nacui̱ nu culiya' bi'. “Ta ji'i̱ Lázaro cha' tsaa yu to' tyi sti na',

LOS HECHOS 10:42

Tya li' cua ngulo Jesús cña ji'i̱ ya cha' ta ya cha' liñi ji'i̱ ycui' lo'o ñati̱, cha' cua nda ycui' Ndyosi cña ji'i̱ nu Jesús bi', cha' cua'ni cuayá' yu ji'i̱ lcaa ñati̱ chalyuu, masi nu cua ngujuii, masi nu tya lu'ú.

LOS HECHOS 18:5

Cua ndu'u Silas lo'o Timoteo ca Macedonia, li' ndyalaa ngu' slo Pablo. Lo'o cua ndyalaa ngu' bi', li' lcaa tsa̱ lcaa hora nclyu'u Pablo cha' ji'i̱ Jesús ji'i̱ ngu' judío. Nchcui' yu cha' laca Jesús ycui' Cristo, nu ntajatya tsa ngu' ji'i̱ cha' ca̱a̱ nde chalyuu.

LOS HECHOS 2:40

Tya quiña'a̱ la cha' nchcui' Pedro lo'o ngu' li'. Liñi tsa ngulo yu cña ji'i̱ ngu': ―Xtyanu ma̱ ji'i̱ ñati̱ nu ndu'ni xcui' cha' cuxi ―nacui̱ yu ji'i̱ ngu'.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

LOS HECHOS 20:23

Tsa bi' ti cha' jlo ti' na' cha' lcaa quichi̱ su ndya'a̱ na' nacui̱ ngu' cha' cua tejeya' ti ngu' jna', cha' su'ba ngu' jna' ne' chcua̱; nacui̱ ngu' cha' lye tsa ca quicha ti' na' ca quichi̱ Jerusalén bi'. Tsa lo cua ti cha' jlo ti' na', cha' jua'a̱ laca cha' nu cua nda Xtyi'i ycui' Ndyosi lo'o na'.

LOS HECHOS 20:24

Pana ná ntsi̱i̱ na' xqui'ya cha' nu nchcui' ngu' bi', ná ndu'ni cha' jna' masi cujuii ngu' jna'. Sca ti cha' nti' na', cha' tso'o ti tye cña nu nda ycui' Jesús jna', cha' ta na' cha' tso'o ji'i̱ ycui' Ndyosi lo'o xa' ñati̱, cha' ntsu'u tsa tyiquee Ni ña'a̱ Ni ji'i̱ ñati̱ chalyuu.

LOS HECHOS 23:11

Lo'o ngua talya lye, li' ndyalaa ycui' nu Xu'na na slo Pablo. ―Cua'ni tlyu tyiquee nu'u̱ Pablo ―nacui̱ Ni―. Ñi'ya̱ cua nchcui' nu'u̱ cha' jna' nde quichi̱ Jerusalén re, jua'a̱ ntsu'u cha' chcui' nu'u̱ cha' jna' ca quichi̱ Roma.

LOS HECHOS 26:22

Ná sca nti' na' lo cña re, cha' nxtyucua ycui' Ndyosi jna' lcaa tsa̱ cha' culu'u na' cha' ji'i̱ Ni ji'i̱ lcaa ñati̱, masi ji'i̱ ngu' tlyu, masi ji'i̱ ngu' ti'i. La cui' ti cha' nclyu'u na' ji'i̱ ngu' juani ñi'ya̱ nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni la; cua nguscua ngu' lcaa cha' nu caca nde loo la, lo'o la cui' cha' bi' laca nu nguscua jyo'o Moisés.

LOS HECHOS 28:23

Li' ngüiñi cha' ji'i̱ ngu' ni tsa̱ tyu'u ti'i̱ lcaa ngu' slo Pablo. Tsa̱ bi' quiña'a̱ tsa ñati̱ ndyu'u ti'i̱ slo yu. Tyucui tsa̱ ngulu'u yu ji'i̱ ngu'; ngulu'u yu ñi'ya̱ nu nclyo ycui' Ndyosi cña, ñi'ya̱ ngua cha' nu nguscua jyo'o Moisés cuentya ji'i̱ Ni, ñi'ya̱ ngua cha' nu nguscua jyo'o cusu' nu ngua tu'ba ji'i̱ Ni lo quityi lo'o nchcui' ngu' cha' ji'i̱ Jesús.

LOS HECHOS 8:25

Quiña'a̱ la cha' ji'i̱ ycui' Ndyosi ngulu'u Pedro lo'o Juan ji'i̱ ngu' li', nchcui' ngu' ñi'ya̱ ngua lcaa cha' ji'i̱ Jesús. Lo'o li' ndu'u ngu' ya̱a̱ ngu' nde Jerusalén. Cla'be tyucui̱i̱ nteje tacui ngu' tyu̱u̱ quichi̱ loyuu su cuentya Samaria, ngulu'u ngu' ji'i̱ ngu' lcaa quichi̱ bi' ñi'ya̱ nu ndu'ni lyaá Jesús ji'i̱ ñati̱ chalyuu.

GÁLATAS 5:3

Tya chcui' na' cha' bi' lo'o ma̱ chaca quiya': Lo'o ngulacua̱ ma̱ ñi'ya̱ si laca ma̱ sca ngu' judío, li' ntsu'u cha' cua'ni ma̱ lcaa ña'a̱ cha' nu nscua lo quityi cusu' cuentya ji'i̱ ngu' judío bi'.

EFESIOS 4:17

Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',

1 TESALONICENSES 2:11

Ñi'ya̱ ndu'ni sca ñati̱ lo'o sñi', jua'a̱ ngulu'u ya ji'i̱ ma̱ li': nu lo'o ngua'ni ma̱ cha' tso'o, li' nguxtyucua ya ji'i̱ ma̱; nu lo'o ngua'ni ma̱ cha' cuxi, li' nda ya sca cui̱i̱ lo'o ma̱.

1 TESALONICENSES 4:6

Nga'aa xlyaá ma̱ ji'i̱ nu cuna'a̱ ji'i̱ ngu' tya'a ma̱, masi ji'i̱ clyo'o ngu', masi ji'i̱ sñi' ngu'. Cua nchcui' tsa ya lo'o ma̱ cha' lcaa cha' ña'a̱ ycui' nu Xu'na na; jlo ti' ycui' Ndyosi, lo'o jua'a̱ ntsu'u cha' xcube' Ni ji'i̱ lcaa ñati̱ nu ná taquiya' ji'i̱ cha' bi',