SAN LUCAS 16:17 - Chatino Tataltepec

¹⁷ ’Ná tlyu cña tye lcaa na nu ntsu'u nde cua̱, jua'a̱ tye tyucui ña'a̱ chalyuu; pana ná tye tsiya' ti ni sca si'yu cha' ji'i̱ lcaa cha' nu cua nda ycui' Ndyosi lo'o na nu ngua sa'ni la.

SAN LUCAS 16:17 ပူးပေါင်းရင်းမြစ်များ

SAN MATEO 5:18

Cha' liñi nda na' lo'o ma̱ juani, cha' ni sca si'yu cha' nu nguscua jyo'o cusu' sa'ni cuentya ji'i̱ ycui' Ndyosi, ná taca cuityi̱ ngu' cha' bi' ña'a̱ cuayá' nu tye chalyuu; chañi cha' caca lcaa ca cha' nu nscua lo quityi ji'i̱ ycui' Ndyosi cua sa'ni la.

SAN LUCAS 21:33

Tye cha' ji'i̱ lcaa na nu ntsu'u nde cua̱, tye cha' ji'i̱ lcaa na nu ntsu'u nde lo yuu, pana ná tye cha' ji'i̱ cha' nu cua nchcui' na' lo'o ma̱; nga'a̱ cha' caca cha' bi'.

ROMANOS 3:31

Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.

1 PEDRO 1:25

Pana scaa cha' nu nchcui' ycui' Ndyosi ni, tyanu cha' bi'; ná quiñu'u̱ cha' bi' tsiya' ti. Jua'a̱ nacui̱ quityi bi'. Lo'o jua'a̱ nu cha' tso'o ji'i̱ ycui' Ndyosi nu ngulu'u ya ji'i̱ ma̱, la cui' cha' bi' laca nu ná quiñu'u̱ tsiya' ti.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.

APOCALIPSIS 21:1

Lo'o li' na'a̱ na' cha' cua ndyaca cucui tyucui ña'a̱ nde cua̱, cua ndye ndya' chaca ba'a chalyuu cucui. Nguliji yu'u lcaa na nu ntsu'u nde cua̱ tya tsubi' la; jua'a̱ chalyuu cusu' re, jua'a̱ tyucui ña'a̱ tyujo'o, nguliji yu'u bi', nga'aa ña'a̱ na' ji'i̱ tsiya' ti.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.