SAN LUCAS 15:7 - Chatino Tataltepec

⁷ Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

SAN LUCAS 15:7 ပူးပေါင်းရင်းမြစ်များ

SAN MATEO 18:13

Lo'o quije bi' ji'i̱ yu, ca chaa tsa ti' yu li', cha' tso'o tsa ntsu'u tyiquee yu ña'a̱ yu ji'i̱ nu sca ca xlya' nu cua nguna' ji'i̱ yu; pana ná ntsu'u cha' culacua ti' yu ji'i̱ nu jacuayala tyii ntucua caa tya'a xlya' nu ndyanu tso'o ti.

SAN MATEO 3:8

Tso'o lacua, culu'u ma̱ ji'i̱ ya si chañi cha' cua ngulochu̱' ma̱ ji'i̱ cha' cuxi nu ntsu'u ji'i̱ ma̱.

SAN LUCAS 15:10

Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

SAN LUCAS 15:29

Li' nacui̱ yu ji'i̱ sti yu: “Jlo ti' nu'u̱ ni cua lcua yija̱ ndi'i̱ na' ndyu'ni na' cña jinu'u̱, lo'o ni sca quiya' ná ngua'ni xña'a̱ na' lo'o nu'u̱; lcaa cña nu ngulo nu'u̱ 'na, ngua'ni na' ji'i̱. Pana ni sca quiya' ná nda nu'u̱ masi sca chivo piti ti jna' cha' cua'ni na' ta'a lo'o tya'a tso'o na'.

SAN LUCAS 15:32

Pana juani, tso'o la cha' cua'ni na sca ta'a cha' ndyalaa tya'a nu'u̱ chaca quiya'. Ngua ti' na cha' cua ngujuii yu, pana xa' ndyu'u tucua yu chaca quiya'; cua nguna' yu ngua ti' na, pana ndyalaa yu chaca quiya'. Bi' cha' ndyu'ni na sca ji̱i̱ juani, cha' chaa tsa ti' na.”

SAN LUCAS 15:6

tyaa lo'o ma̱ ji'i̱ toni'i̱. Lo'o cua ndyalaa ma̱ to' tyi ma̱, li' xuti'i̱ ma̱ ji'i̱ lcaa tya'a tso'o ma̱ lo'o ji'i̱ tya'a nga'a̱ ti ma̱, cha' ñacui̱ ma̱ ji'i̱ ngu' ndi'ya̱: “Ca chaa ti' ma̱ lo'o ya juani cha' cua nquije xlya' nu cua nguna' ji'i̱ ya”.

SAN LUCAS 15:8

Nda Jesús chaca cui̱i̱ lo'o ngu' li': ―¿Ñi'ya̱ cua'ni sca nu cuna'a̱ nu ntsu'u tii tya'a cñi plata ji'i̱? Si nguna' sca cñi plata bi' ji'i̱, ¿ñi'ya̱ cua'ni li'? Nti' na' cha' cua'a̱ ma' xi quii' cha' culaja tso'o ni'i̱ bi', ña'a̱ cuayá' nu quije cñi bi' ji'i̱.

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

SAN LUCAS 5:32

Lo'o jua'a̱ na', ná lijya̱ na' cha' culana na' ji'i̱ ñati̱ nu nclyacua ti ti' cha' tso'o tsa ycui' ca ngu'; na cua lijya̱ na' cha' chcui' na' lo'o ngu' cuxi, cha' culochu̱' ngu' qui'ya nu ntsu'u ji'i̱ ngu'.

ROMANOS 7:9

Ngua ti' na' cha' tso'o tsa nguti'i̱ na', nu lo'o tya lyiji ca cuayá' ti' na' ni cha' nda cha' cusu' bi'; pana nu lo'o ngua cuayá' ti' na', li' ngua tii na' cha' ntsu'u tsa qui'ya jna'. Na cua chcuna' ti chalyuu 'na ngua li'.