SAN LUCAS 15:24 - Chatino Tataltepec

²⁴ cha' ngua ti' na cha' cua ngujuii sñi' na' re, lo'o juani xa' ndyu'u tucua yu; cua nguna' yu ngua ti' na', lo'o xa' ndyalaa yu.” Hora ti nguxana ngua'ni ngu' sca ta'a li'.

SAN LUCAS 15:24 ပူးပေါင်းရင်းမြစ်များ

SAN MATEO 8:22

Li' nguxacui̱ Jesús cha' ji'i̱ yu: ―Tso'o la masi ca̱a̱ lca'a̱ nu'u̱ 'na juani ti ―nacui̱ Jesús ji'i̱―. Tya ntsu'u xi xa' la ñati̱ chalyuu tya'a ma̱ nu taca xatsi' ji'i̱ ñati̱ nu cua ngujuii.

SAN MARCOS 8:22

Lo'o li' ndyalaa ngu' ca nde quichi̱ Betsaida. Hora ti ñaa lo'o ngu' quichi̱ ji'i̱ sca nu cuityi̱' slo Jesús. Ndijña tsa ngu' ji'i̱ yu cha' sta ya' yu hique nu quicha, ngua ti' ngu'.

SAN LUCAS 10:19

Lo'o jua'a̱ cua nda na' chacuayá' ji'i̱ cu'ma̱ cha' sta quiya' ma̱ hichu̱' cuaña, lo'o hichu̱' chuni'i̱; chacuayá' jna' cua'a ma̱ chacuaya' ji'i̱ nu xña'a̱ tsiya' ti. Lo'o jua'a̱ ná ca cuxi ji'i̱ ma̱ tsiya' ti, ni sca cha' cuxi ná tyacua ji'i̱ ma̱ li'.

SAN LUCAS 15:23

Lo'o li' tsaa squi'ya ma̱ chqueru nu ta̱a̱ la cha' cujuii ma̱ ji'i̱ cha' cacu na. Cua'ni na sca ta'a,

SAN LUCAS 15:25

’Jua'a̱ ndyaca cha' lo'o ndyalaa sñi' nu cua cusu' la, ndyalaa yu ndyaa yu cña. Cua tyalaa ti yu toni'i̱ ji'i̱ yu, lo'o ndyuna yu nclya'á ngu' musca, cha' cua laca ndyaca ji̱i̱ lo'o ndyalaa yu.

SAN LUCAS 15:32

Pana juani, tso'o la cha' cua'ni na sca ta'a cha' ndyalaa tya'a nu'u̱ chaca quiya'. Ngua ti' na cha' cua ngujuii yu, pana xa' ndyu'u tucua yu chaca quiya'; cua nguna' yu ngua ti' na, pana ndyalaa yu chaca quiya'. Bi' cha' ndyu'ni na sca ji̱i̱ juani, cha' chaa tsa ti' na.”

SAN LUCAS 15:4

―Nu cu'ma̱ ni, si ntsu'u sca siyento tya'a xlya' ji'i̱ ma̱, lo'o li' nguna' tsaca ji'i̱ ma̱ ―nacui̱ Jesús―, ¿ha ná xtyanu ma̱ ji'i̱ nu quiña'a̱ la tya'a xlya' nu ndyanu taju ti su tso'o ti ndi'i̱ ni' ne' quixi̱'? Lo'o li' tsaa ma̱ tsaana ma̱ ji'i̱ xlya' nu nguna' bi' ji'i̱ ma̱ ña'a̱ cuayá' nu quije bi' ji'i̱ ma̱.

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN LUCAS 9:60

Li' nacui̱ Jesús ji'i̱ yu: ―Tya ntsu'u xi xa' la tya'a ñati̱ ma̱ nu taca xatsi' ji'i̱ nu cua ngujuii; pana nu'u̱ ni, ntsu'u cha' tsaa nu'u̱ lo'o na' cha' chcui' nu'u̱ cha' tso'o ji'i̱ ycui' Ndyosi lo'o ñati̱.

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

ROMANOS 11:15

Nu lo'o ngulaya' Ni ji'i̱ ngu' judío, li' ngua'ni Ni cha' caca stu'ba cha' ji'i̱ ycui' Ni lo'o ngu' xa' tsu'. Tso'o la tsiya' ti caca cha' lo'o quiñi cha' ji'i̱ Ni lo'o ngu' judío chaca quiya', cha' li' caca ji'i̱ lcaa ñati̱ ñi'ya̱ laca si xa' ta Ni chalyuu ji'i̱ ñati̱ nu cua ngujuii.

ROMANOS 12:15

Cua'ni chaa ti' ma̱ lo'o xa' ñati̱, nu lo'o ña'a̱ ma̱ ji'i̱ ngu' cha' chaa ti' ngu' ndi'i̱ ngu'; lo'o jua'a̱ tso'o si caca xñi'i̱ ti' ma̱ lo'o ngu', nu lo'o ña'a̱ ma̱ cha' xñi'i̱ ti ti' ngu' ndi'i̱ ngu'. Cua'ni ma̱ cha' caca stu'ba tyiquee ma̱ lo'o xa' ñati̱.

ROMANOS 6:11

Lo'o jua'a̱ cu'ma̱ ni, ñi'ya̱ si cua ngua'ni tye ma̱ tsiya' ti ji'i̱ cha' cuxi nu ntsu'u ne' cresiya ji'i̱ ma̱, jua'a̱ culacua ti' ma̱; ñi'ya̱ si cua ndyu'ú ma̱ chaca quiya' cha' xcui' cua'ni ma̱ cña ji'i̱ ycui' Ndyosi stu'ba ti lo'o Jesucristo nu Xu'na na, jua'a̱ culacua ti' ma̱.

ROMANOS 6:13

Ni sca ti tsu' ya' ma̱, ni sca ti tsu' quiya' ma̱, ná ta ma̱ ji'i̱ cha' jña nu xña'a̱, cha' ná caca ma̱ msu ji'i̱ nu bi', cha' ná cua'ni ma̱ cha' cuxi lo'o. Xa' ña'a̱ culacua ti' ma̱ juani; ta ma̱ tyucui ña'a̱ ma̱ cha' caca ma̱ cuentya ji'i̱ ycui' Ndyosi, ñi'ya̱ laca si ngujuii ma̱ tsaca quiya', lo'o li' xa' ndyu'ú ma̱ chaca quiya'. Bi' cha' juani nga'a̱ cha' ta ma̱ tyucui ña'a̱ ma̱ cha' cua'ni ma̱ cña ji'i̱ ycui' Ndyosi, laja lo'o ndu'ni ma̱ cha' tso'o ca su ndi'i̱ ma̱.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

1 CORINTIOS 12:26

Lo'o quicha xi sca tyijya̱ na, tyucui ña'a̱ na ti'í li'; lo'o ndaca'a na ji'i̱ sca tyijya̱ na, tyucui ña'a̱ na tso'o nti' na li'. (La cui' jua'a̱ laca ma̱, tyucui ña'a̱ tsaca taju cu'ma̱ nu cua ngusñi cha' ji'i̱ Cristo).

EFESIOS 2:1

Cua nda ycui' Ndyosi chalyuu ji'i̱ ma̱ chaca quiya' xqui'ya cha' cua ndyu'ú Cristo chaca quiya'. Nu ngua tsubi' la, ñi'ya̱ laca si na cua ndye chalyuu ji'i̱ ma̱, jua'a̱ ngua ma̱ xqui'ya qui'ya nu ntsu'u ji'i̱ ma̱ lo'o ycui' Ndyosi, cha' ná ndaquiya' ma̱ tsiya' ti ji'i̱ cha' nu nchcui' ycui' Ndyosi.

EFESIOS 2:5

bi' cha' nda ycui' Ndyosi chalyuu ji'na chaca quiya', xqui'ya cha' cua ndyu'ú Cristo chaca quiya'. Cua ndye chalyuu ji'na ngua ti' na nquicha', xqui'ya cha' ná ndaquiya' na ji'i̱ cha' nu nchcui' ycui' Ndyosi; pana xqui'ya cha' xcui' tya'na tsa ti' Ni ña'a̱ Ni ji'na, bi' cha' cua ngulaá na ji'i̱ nu cuxi, cha' cua ngüityi̱ Ni qui'ya nu ntsu'u ji'na.

EFESIOS 5:14

Bi' cha' ndi'ya̱ nchcui' quityi cusu': Quee ti' cu'ma̱, cha' ñi'ya̱ laca si na laja' ma̱, si na ngujuii ma̱, jua'a̱ laca ma̱ xqui'ya qui'ya nu ntsu'u ji'i̱ ma̱. Nga'aa tyu'u cha' ji'i̱ ma̱ lo'o cha' cuxi, cha' li' taca ta Cristo xee nu tyu'ú ne' cresiya ji'i̱ ma̱. Jua'a̱ nscua lo quityi.

COLOSENSES 2:13

Ñi'ya̱ laca si cua ngujuii ma̱, jua'a̱ ngua cu'ma̱, xqui'ya cha' cua ntsu'u tsa qui'ya ji'i̱ ma̱ lo'o ycui' Ndyosi. Lo'o jua'a̱ ná ngujui ñi'ya̱ nu culacua̱ ycui' Ndyosi ji'i̱ ma̱ li', xqui'ya cha' ná ntsu'u cha' ji'i̱ ma̱ tsiya' ti lo'o Ni nu ngua tyempo bi'. Pana juani cua ngua'ni Ni cha' tyu'ú ma̱ chaca quiya' ñi'ya̱ nu ndyu'ú ycui' Cristo. Cua ngüi'ya Ni cha' clyu ti' ji'na ji'i̱ lcaa qui'ya nu ntsu'u ji'na lo'o Ni.

1 TIMOTEO 5:6

Si'i jua'a̱ ndu'ni nu cuna'a̱ ti'i nu ndyu'ni cua ña'a̱ ca cha', ñi'ya̱ nu nti' ti cresiya ji'i̱ ycui' ngu'; nti' ngu' cha' tso'o ti ndi'i̱ ngu' chalyuu, pana cua tye ti cha' ji'i̱ ngu' bi' cuentya ji'i̱ ycui' Ndyosi.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.

APOCALIPSIS 3:1

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Sardis, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Ndi'i̱ Xtyi'i ycui' Ndyosi lo'o na', bi' laca cati tya'a cui'i̱ lubii nu nda Ni ndyaa tyucui ña'a̱ chalyuu. La cui' jua'a̱ ya' na' ndacui nu cati tya'a cuii ndubi bi'. Cua nda na' cuentya ji'i̱ lcaa ña'a̱ nu ndu'ni ma̱, nacui̱ Ni. Jlo ti' na' cha' ngunu'u̱ cresiya ji'i̱ ma̱, masi nacui̱ ngu' quichi̱ cha' lubii tsa ndu'ni ma̱, nacui̱ Ni.