SAN LUCAS 15:15 - Chatino Tataltepec

¹⁵ La cui' quichi̱ su ntsu'u yu bi' ndyaa yu ne' xña ji'i̱ sca ñati̱; ngulo nu ñati̱ bi' cña ji'i̱ yu, li' ndyaa yu ne' sca lo'o ji'i̱ ñati̱ bi' su ntsu'u cube' ji'i̱, cha' xacu yu ji'i̱ cube' bi' ji'i̱ ngu'.

SAN LUCAS 15:15 ပူးပေါင်းရင်းမြစ်များ

SAN MATEO 7:6

’Cha' lubii nu cuentya ji'i̱ ycui' Ndyosi ni, ná tso'o si tsaa chcui' ma̱ cha' bi' lo'o ñati̱ cuxi nu ná nti' cuna cha' bi' tsiya' ti, cha' ñi'ya̱ nti' xne', jua'a̱ nti' ngu' bi'; su'ba ñasi̱' ma̱ ji'i̱ ngu' cuxi bi', cha' cua'ni lya' ti' ngu' ji'i̱ ma̱ li'. Lo'o jua'a̱ ná tso'o sta ma̱ sca na tso'o nu quiña'a̱ tsa nga'a̱ su ndya'a̱ cube', cha' hora ti satá quiya' ni' na tso'o bi'.

SAN LUCAS 15:13

Cua xtyi tyempo ndyaca, li' ndyujui' nu qui'yu tya cuañi' la lcaa cha' tso'o nu nda sti yu ji'i̱. Lo'o ngujui cñi ndyi'ya yu, ndyaa yu tyijyu' li'. Ca chaca tsu' su ndyalaa yu, li' xcui' na ngua'ni ñu'u̱ ti yu chalyuu ji'i̱ yu; nguliji ñu'u̱ ti yu cñi bi' ji'i̱ yu.

SAN LUCAS 15:14

Pana nu lo'o cua ndye cñi ji'i̱ yu nguliji yu, li' ngua sca jbi'ña tlyu ca loyuu su ndya'a̱ yu; ná ntsu'u na cacu yu, lye tsa ntyute' yu li'.

SAN LUCAS 15:16

Lo'o li' ngua ti' yu si tyaala' la ji'i̱ yu lo'o cacu yu si'yu quixi̱' tya'a nu ndacu cube', cha' ná tucui nda na cacu yu, lo'o jua'a̱ ntyute' tsa yu li'.

ROMANOS 6:22

Pana juani ni, nga'aa caca ji'i̱ nu cuxi bi' culo cña ji'i̱ ma̱, cha' cua ndyatí̱ ma̱ lo cña ji'i̱ ycui' Ndyosi. Chaa ti' ma̱ ndyu'ni ma̱ cña ji'i̱ Ni juani, cha' xcui' na ndi'i̱ ma̱ chalyuu cuentya ji'i̱ ycui' Ni; li' ná nga'a̱ cha' tye chalyuu nu ta Ni ji'i̱ ma̱ lo'o cua ndye lcaa cha'.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.