SAN LUCAS 15:10 - Chatino Tataltepec

¹⁰ Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

SAN LUCAS 15:10 ပူးပေါင်းရင်းမြစ်များ

SAN MATEO 10:32

’Lo'o chaca cha' ni: lcaa ñati̱ nu ntsu'u cha' ji'i̱ lo'o na', nu nchcui' cha' jna' lo'o xa' ñati̱, jua'a̱ na', chcui' na' lo'o Sti na' nu ntucua nde cua̱ cha' tya'a tso'o na' laca ñati̱ bi'.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 18:14

Ñi'ya̱ nu ndu'ni nu xu'na xlya' bi', cha' ná chcuna' ni sca xlya' ji'i̱ yu, la cui' jua'a̱ ndu'ni ycui' Ndyosi Sti ma̱ nu ntucua nde cua̱, cha' ná nti' Ni cha' chcuna' chalyuu ji'i̱ ni tsaca ñati̱ xqui'ya cha' cuxi nu ntsu'u ji'i̱. Ná nti' ycui' Ni tsiya' ti cha' tye cha' ji'i̱ ngu', masi sube tsa ngu' nti' ma̱.

SAN LUCAS 12:8

’Ndi'ya̱ nchcui' na' lo'o ma̱ juani: lo'o ná ca tyuju'u ti' ma̱ chcui' ma̱ slo xa' ñati̱ chalyuu cha' laca ma̱ ñati̱ 'na, la cui' jua'a̱ na' nu lijya̱a̱ cha' caca na' ñati̱, ná ca tyuju'u ti' na' chcui' na' cha' laca ma̱ ñati̱ 'na; chcui' na' jua'a̱ ca su tyi'i̱ na' lo'o xca̱ ji'i̱ ycui' Ndyosi nde cua̱.

SAN LUCAS 12:9

Pana si ntsu'u sca ma̱ nu chcui' lo'o xa' ñati̱ cha' ná ntsu'u cha' ji'i̱ tsiya' ti lo'o na', la cui' jua'a̱ na', tacu̱' na' cha' ji'i̱ ñati̱ bi' slo xca̱ ji'i̱ ycui' Ndyosi nde cua̱.

SAN LUCAS 13:5

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa cu'ma̱.

SAN LUCAS 15:11

Nda Jesús chaca cui̱i̱ lo'o ngu' li': ―Ntsu'u sca nu cusu' nu ntsu'u tucua tya'a sñi' qui'yu ji'i̱ yu.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

SAN LUCAS 15:9

Lo'o cua nquije cñi bi' ji'i̱, li' xuti'i̱ nu cuna'a̱ bi' ji'i̱ lcaa tya'a tso'o lo'o ji'i̱ lcaa tya'a nga'a̱ cacua ti, cha' cacha' ji'i̱ ngu' ndi'ya̱: “Ca chaa ti' ma̱ lo'o na' juani, cha' cua nquije cñi nu nguna' bi' jna'”.

SAN LUCAS 7:47

Nde laca cha' nu ndacha' na' jinu'u̱ juani, cha' tso'o tsa ndyu'ni tya'na ti' nu cuna'a̱ cua jna', bi' cha' ca cuayá' ti' na cha' cua ngüityi̱ ycui' Ndyosi qui'ya nu ntsu'u ji'i̱ cho', masi quiña'a̱ tsa qui'ya ntsu'u ji'i̱ cho' ca slo Ni. Pana ñati̱ nu ná lye ntsu'u qui'ya ji'i̱ cha' cuityi̱ ycui' Ndyosi ji'i̱, xti la xi cha' ndube ti' ngu' bi' ña'a̱ ngu' ji'i̱ ycui' Ni ―nacui̱ Jesús ji'i̱ Simón.

LOS HECHOS 11:18

Nu lo'o ndyuna ngu' cha' nu nchcui' Pedro lo'o ngu', nga'aa ngua chcui' tyaala ngu' bi' lo'o Pedro. Li' ngua'ni tlyu ngu' bi' ji'i̱ ycui' Ndyosi. Ndi'ya̱ nchcui' ngu' lo'o Ni li': ―Ndyosi Sti ya, tso'o tsa ndu'ni nu'u̱ lo'o ngu' xa' tsu', masi si'i ngu' judío laca ngu' bi' ―nacui̱ ngu' ji'i̱ ycui' Ndyosi―. Ndu'ni nu'u̱ cha' ca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi'.

LOS HECHOS 5:19

Nu lo'o ngua talya, li' ndyalaa sca xca̱ ji'i̱ ycui' Ndyosi, ngusaala toni'i̱ su ntsu'u ngu' ne' chcua̱ cha' tyu'u ngu' nde liya'. Lo'o cua ngutu'u ngu' nde liya', li' nchcui' xca̱ bi' lo'o ngu':

2 CORINTIOS 7:10

Nu lo'o ndube ti' na ji'i̱ ycui' Ndyosi laja lo'o nga'a̱ na xñi'i̱ ti' na, li' caja ñi'ya̱ xtyanu na ji'i̱ cha' cuxi nu ndyu'ni na; clyaá na ji'i̱ nu cuxi li', nga'aa ntsu'u cha' culacua tsa ti' na li'. Pana ñati̱ nu xñi'i̱ xi ti', nu ná ndube ti' ji'i̱ ycui' Ndyosi ni, ná ntaja'a̱ ñati̱ bi' ca tyuju'u ti' ji'i̱ qui'ya nu ntsu'u ji'i̱; chcuna' chalyuu ji'i̱ ngu' bi' jua'a̱ ti li'.

FILEMÓN 1:15

Ná tyiquee' ngusna yu xi jinu'u̱ cha' tya ta la ycui' Ndyosi ji'i̱ yu cha' tyalaa yu ca slo nu'u̱ chaca quiya', cha' juani tyanu yu slo nu'u̱ tyucui tyempo nu tyi'i̱ yu chalyuu.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.