SAN LUCAS 14:24 - Chatino Tataltepec

²⁴ Ndi'ya̱ cha' ta na' lo'o nu'u̱, cha' ni tsaca ngu' nu cua nchcui' na' lo'o tya clyo la, nga'aa cacu ngu' bi' si̱i̱ re 'na tsiya' ti”, nacui̱ xu'na ni'i̱ bi'. Cua ndye cui̱i̱ nu nda Jesús lo'o ngu' li'.

SAN LUCAS 14:24 ပူးပေါင်းရင်းမြစ်များ

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN MATEO 22:8

Li' nchcui' rey lo'o msu ji'i̱ chaca quiya': “Cua ngua'ni cho'o na' scuaa cha' caca ta'a ngujui clyo'o sñi' na'”, nacui̱ rey bi'. “Pana nu ngu' nu cua nchcui' na' lo'o tsa̱ cha' ca̱a̱ ngu' ta'a ca slo na', ná ntaja'a̱ ngu' bi' ca̱a̱, bi' cha' ná cacu ngu' bi' scuaa tso'o nu ntsu'u 'na tsiya' ti.

SAN LUCAS 14:23

Li' nacui̱ ycui' nu xu'na msu bi': “Yaa nu'u̱ nde calle, lcaa tyucui̱i̱, cua'ni nu'u̱ juersa lo'o ngu' cha' tya̱a̱ ngu' ne' ni'i̱ 'na, cha' cha'á̱ ni'i̱ re 'na tyi'i̱ ñati̱.

SAN LUCAS 14:25

Quiña'a̱ tsa ñati̱ ndya'a̱ lo'o Jesús, lo'o li' nchcui' yu lo'o ngu' chaca quiya':

SAN JUAN 3:19

Na cua nda ycui' Ndyosi xee lijya̱ lo yuu, pana ná ntaja'a̱ ñati̱ chalyuu tyi'i̱ su xee bi'. Ntsu'u tsa ngu' nu ndiya la ti' tyi'i̱ ngu' su talya ña'a̱, cha' xña'a̱ tsa ngu' bi'; bi' cha' ntsu'u qui'ya nu ngusta Ni ji'i̱ ngu' bi'.

SAN JUAN 3:36

Lo'o xñi ñati̱ cha' ji'i̱ Jesús, Sñi' ycui' Ndyosi, ná nga'a̱ cha' tye chalyuu tso'o nu ta Ni ji'i̱ ngu' bi'. Pana ñati̱ nu ná taquiya' tsiya' ti ji'i̱ cha' nu nchcui' Jesús, ná ta Ni chalyuu tso'o ji'i̱ ngu' bi'; xcube' tsa Ni ji'i̱ ngu' bi' li'.

SAN JUAN 8:21

Li' xa' nchcui' Jesús lo'o ngu': ―Tsa'a na' ―nacui̱ yu―, li' tsaana ma̱ jna' ca su ndya'a̱ na', pana ná quije na' ji'i̱ ma̱ tsiya' ti ―nacui̱―. Tya lyiji quije na' ji'i̱ ma̱ lo'o cajaa ycui' ma̱ ña'a̱ lo'o cresiya cuxi ji'i̱ ma̱, pana ná caja chacuayá' tsaa ma̱ ca su tyi'i̱ na' li'.

SAN JUAN 8:24

Bi' cha' ni na' ji'i̱ ma̱ cha' cajaa ycui' ma̱ ña'a̱ lo'o cresiya cuxi ji'i̱ ma̱; chañi cha' bi': cajaa ma̱ ña'a̱ lo'o cresiya cuxi ji'i̱ ma̱, si ná jlya ti' ma̱ cha' laca na' ñi'ya̱ nu ni na' ji'i̱ ma̱ cha' laca na'.

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.