SAN LUCAS 14:22 - Chatino Tataltepec

²² Ca tiya' la li' nacui̱ nu msu bi' ji'i̱ xu'na: “Cusu'”, nacui̱, “cua ngua'ni na' lcaa cña nu ngulo nu'u̱ 'na, lo'o ña'a̱ ti tya ntsu'u la se'i̱ su tyi'i̱ ngu' ta'a re.”

SAN LUCAS 14:22 ပူးပေါင်းရင်းမြစ်များ

SAN LUCAS 14:21

Lo'o ndyalaa msu slo xu'na chaca quiya', li' lcaa cha' nu nacui̱ ngu' ji'i̱ ndacha' ji'i̱ xu'na. Lye tsa ngunasi̱' xu'na ni'i̱ bi' li'. Lo'o li' nacui̱ yu ji'i̱ msu bi': “Yaa clya nu'u̱ lquichi̱ chaca quiya' cha' chcui' nu'u̱ lo'o ngu' nu ntsu'u nde calle jua, cha' ca̱a̱ ngu' ta'a slo na'. Chcui' nu'u̱ lo'o ngu' ti'i, lo'o ngu' quicha, lo'o ngu' nu cu' quiya', lo'o ngu' cuityi̱', lo'o lcaa ngu' quicha; li' tya̱a̱ lo'o ji'i̱ lcaa ngu' bi' ca nde”, nacui̱ xu'na msu bi'.

SAN LUCAS 14:23

Li' nacui̱ ycui' nu xu'na msu bi': “Yaa nu'u̱ nde calle, lcaa tyucui̱i̱, cua'ni nu'u̱ juersa lo'o ngu' cha' tya̱a̱ ngu' ne' ni'i̱ 'na, cha' cha'á̱ ni'i̱ re 'na tyi'i̱ ñati̱.

SAN JUAN 14:2

Quiña'a̱ tsa su tso'o ntsu'u su tyi'i̱ ma̱ ca slo ycui' Ndyosi Sti na'. Tsa'a na' ca bi' cha' cua'ni cho'o na' su tyi'i̱ ma̱. Ná nchcui' na' lo'o cu'ma̱ jua'a̱, si si'i cha' liñi nu nchcui' na' lo'o ma̱ ―nacui̱ Jesús―.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

COLOSENSES 2:9

Pana nu Cristo bi' ni, ñi'ya̱ laca tyucui ña'a̱ ycui' Ndyosi, jua'a̱ laca yu lo'o ya̱a̱ yu nde chalyuu.

1 JUAN 2:2

Ngua cuxi tyiquee na cuentya ji'i̱ ycui' Ndyosi Sti na, xqui'ya cha' ngua'ni na cha' cuxi; bi' cha' nchcube' Jesucristo cña loo na, cha' qui'ya ycui' yu yabe' nu ntsu'u ji'na xqui'ya cha' cuxi nu ngua'ni na. La cui' jua'a̱ qui'ya Jesucristo yabe' nu ntsu'u ji'i̱ lcaa ñati̱ chalyuu nu tso'o ntsu'u tyiquee ña'a̱ ji'i̱ ycui' Ni.