SAN LUCAS 14:21 - Chatino Tataltepec

²¹ Lo'o ndyalaa msu slo xu'na chaca quiya', li' lcaa cha' nu nacui̱ ngu' ji'i̱ ndacha' ji'i̱ xu'na. Lye tsa ngunasi̱' xu'na ni'i̱ bi' li'. Lo'o li' nacui̱ yu ji'i̱ msu bi': “Yaa clya nu'u̱ lquichi̱ chaca quiya' cha' chcui' nu'u̱ lo'o ngu' nu ntsu'u nde calle jua, cha' ca̱a̱ ngu' ta'a slo na'. Chcui' nu'u̱ lo'o ngu' ti'i, lo'o ngu' quicha, lo'o ngu' nu cu' quiya', lo'o ngu' cuityi̱', lo'o lcaa ngu' quicha; li' tya̱a̱ lo'o ji'i̱ lcaa ngu' bi' ca nde”, nacui̱ xu'na msu bi'.

SAN LUCAS 14:21 ပူးပေါင်းရင်းမြစ်များ

SAN MATEO 11:28

Lcaa cu'ma̱ nu nga'aa talo ma̱ cha' ti'i̱ tsa cña nu ntsu'u ji'i̱ ma̱ nde chalyuu, nti' ma̱, ca̱a̱ ma̱ tyu'u cha' ji'i̱ ma̱ lo'o na' juani; ta na' chacuayá' cha' ti̱ ti tyi'i̱ tyiquee ma̱ li'.

SAN MATEO 11:5

Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.

SAN MATEO 15:12

Lo'o li' ñaa ngu' nu ndyaca tsa'a̱ ji'i̱ cacua la slo Jesús. ―Ná ndiya ti' nu ngu' fariseo bi' lo'o ndyuna ngu' cha' nu nchcui' nu'u̱ ―nacui̱ ngu' bi' ji'i̱ Jesús.

SAN MATEO 18:31

Lo'o cua na'a̱ lcaa tya'a msu yu ñi'ya̱ ngua cha' cuxi nu ngua'ni yu tyaala bi', xñi'i̱ xi ti' ngu' cuentya ji'i̱ nu nga'a̱ ne' chcua̱ bi' li'. Bi' cha' ndyaa ngu' ca slo xu'na ngu' bi', ndacha' ngu' lcaa cha' bi' ji'i̱ xu'na, ñi'ya̱ nu ngua ji'i̱ nu ndacui cñi bi'.

SAN MATEO 20:7

“Ná ntsu'u ñati̱ nu nti' msu juani”, nacui̱ ngu' ji'i̱. “Yaa clya ma̱ cua'ni ma̱ xi cña ne' lo'o 'na lacua”, nacui̱ xu'na msu bi' ji'i̱ ngu' li'.

SAN LUCAS 14:13

Pana si'i jua'a̱ cua'ni ma̱; nu lo'o cua'ni ma̱ sca ta'a, li' xuti'i̱ ma̱ ji'i̱ ngu' ti'i, lo'o ji'i̱ ngu' quicha, lo'o ji'i̱ ngu' nu cu' quiya', lo'o ji'i̱ ngu' cuityi̱' cha' cacu ngu' lo'o ma̱.

SAN LUCAS 14:20

Li' nacui̱ chaca yu: “Na ngujui clyo'o ca ti na', bi' cha' ná ntsu'u chacuayá' ca̱a̱ na' slo nu'u̱ juani”.

SAN LUCAS 14:22

Ca tiya' la li' nacui̱ nu msu bi' ji'i̱ xu'na: “Cusu'”, nacui̱, “cua ngua'ni na' lcaa cña nu ngulo nu'u̱ 'na, lo'o ña'a̱ ti tya ntsu'u la se'i̱ su tyi'i̱ ngu' ta'a re.”

SAN LUCAS 14:24

Ndi'ya̱ cha' ta na' lo'o nu'u̱, cha' ni tsaca ngu' nu cua nchcui' na' lo'o tya clyo la, nga'aa cacu ngu' bi' si̱i̱ re 'na tsiya' ti”, nacui̱ xu'na ni'i̱ bi'. Cua ndye cui̱i̱ nu nda Jesús lo'o ngu' li'.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN LUCAS 9:10

Nu lo'o nguxtyu̱u̱ ngu' tya'a ndya'a̱ Jesús ndyalaa ngu' slo yu, li' nchcui' ngu' lo'o yu lcaa ña'a̱ cña nu ngua'ni ngu' ca su ndyaa ngu' bi'. Li' ndyaa yu lo'o nu ngu' nu ndyaca tsa'a̱ ji'i̱ bi' sca se'i̱ su ná ntsu'u ñati̱ ngua ti' yu, sca se'i̱ cacua ti quichi̱ Betsaida.

SAN JUAN 9:39

Li' nchcui' Jesús lo'o: ―Cua lijya̱ na' chalyuu cha' cua'ni cuayá' na' ji'i̱ ñati̱, tilaca laca nu xñi cha' jna', tilaca laca nu ná tyaja'a̱ xñi cha' jna' ―nacui̱ Jesús―. Ta na' xee nu tyu'ú ne' cresiya ji'i̱ ngu' nu xñi cha' jna', masi ñi'ya̱ nti' cuityi̱' ti ngu' ndi'i̱ ngu' chalyuu; tacu̱' na' xee ji'i̱ ngu' nu ná tyaja'a̱ xñi cha' jna' tsiya' ti, masi ndu'ni ngu' cha' tso'o tsa ycui' ngu'.

HEBREOS 13:17

Taquiya' ma̱ ji'i̱ ñati̱ nu laca cña cuentya ji'i̱ ña'a̱ taju ngu' tya'a ma̱; cua'ni ma̱ lcaa cña nu ndijña ngu' bi' ji'i̱ ma̱ cha' cua'ni ma̱. Tlyu tsa cña nu ntsu'u ji'i̱ ngu' bi', cha' xcui' ndube ti' ngu' ñi'ya̱ nu ndyu'ni sa scaa ma̱; nga'a̱ cha' xacui̱ ngu' cha' ji'i̱ ycui' Ndyosi si chañi cha' ña'a̱ ti tya tso'o ndyu'ni ma̱, xqui'ya cha' ngusñi ma̱ cha' ji'i̱ Ni. Pana tso'o la nti' ngu' bi', si ña'a̱ ti tso'o ntsu'u tyiquee ma̱ cua'ni ma̱ ñi'ya̱ nu nacui̱ ngu' ji'i̱ ma̱ cha' cua'ni ma̱. Si ná cua'ni ma̱ jua'a̱, caca xñi'i̱ ti' ngu' bi' li', cha' nga'aa caca xtyucua ngu' ji'i̱ ma̱ li'.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

SANTIAGO 2:5

Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.

APOCALIPSIS 19:15

Liñi tsa cha' nu ndyu'u tu'ba Ni lo'o nda Ni cha' lo'o ñati̱ chalyuu. Lo'o jua'a̱ tatsaa Ni ji'i̱ ñati̱ tyucui ña'a̱ chalyuu cha' taquiya' ngu' cha' ji'i̱ Ni. Lye tsa culo Ni cña ji'i̱ ngu', jua'a̱ xcube' Ni ji'i̱ ñati̱ cuxi; ñi'ya̱ laca lo'o satá ngu' si'yu losu' tyixi ne' sca pilya quee nu tlyu xi cha' tyu'u hitya si'yu bi', la cui' jua'a̱ xcube' Ni ji'i̱ ñati̱ bi', xqui'ya cha' ñasi̱' tsa ycui' Ndyosi ji'i̱ ngu', ycui' Ni nu nchca ji'i̱ ndu'ni Ni lcaa lo cña.

APOCALIPSIS 22:17

―Tya̱a̱ ma̱ ca nde ―nacui̱ nu laca Xtyi'i ycui' Ni. La cui' jua'a̱ laca cha' nu nda lcaa na nu ngusñi na cha' ji'i̱ ycui' Ndyosi, tyucui ña'a̱ taju ñati̱ tya'a na nu ntsu'u cha' ji'na lo'o nu ñi'ya̱ ña'a̱ xlya' bi'. Lo'o li' la cui' jua'a̱ nga'a̱ cha' chcui' lcaa na nu ndyuna na cha' re: ―Tya̱a̱ cu'ma̱ lo'o cua ―ñacui̱ na li'. Lcaa ñati̱ nu lyiji tsa cha' ji'i̱, tya̱a̱ ngu' cha' co'o ngu' hitya nu ta ycui' Ndyosi ji'i̱ ngu' xlya'be ti; caja chalyuu cucui nu ta ycui' Ndyosi ji'i̱ ngu' li', lcaa ñati̱ nu nti' tsa cha' caja cha' bi' ji'i̱.