SAN LUCAS 14:17 - Chatino Tataltepec

¹⁷ Nu lo'o cua ndyalaa hora caca si̱i̱, li' ngulo yu cña ji'i̱ msu ji'i̱ cha' tsaa chcui' lo'o ngu' ndi'ya̱: “Cua laca ngua tso'o scuaa nu caca si̱i̱ ji'i̱ ma̱, nacui̱ xu'na na'”.

SAN LUCAS 14:17 ပူးပေါင်းရင်းမြစ်များ

SAN LUCAS 14:16

Li' nguxacui̱ Jesús sca cui̱i̱ ji'i̱ yu, cha' ca cuayá' ti' ngu' ñi'ya̱ caca ji'i̱ ñati̱ chalyuu lo'o ca̱a̱ ycui' Ndyosi cha' caca Ni loo. ―Sca nu qui'yu ngua'ni sca ta'a, nda yu sca si̱i̱ cha' cacu ngu' ―nacui̱ Jesús ji'i̱ ngu'―. Cua nchcui' yu lo'o quiña'a̱ tsa ñati̱ cha' tyi'i̱ ngu' ta'a.

SAN LUCAS 14:18

Li' lcaa ngu' nu cua nchcui' yu lo'o tya tsubi' la cha' ca̱a̱ ngu' ta'a bi', nguxana ngu' ndijña ngu' cha' clyu ti' ji'i̱ yu. Ndi'ya̱ nacui̱ tsaca ngu': “Cua'ni clyu ti' nu'u̱ jna', ná caca 'na ca̱a̱ na' slo nu'u̱ juani. Ntsu'u cha' tsa'a̱ tsaa na'a̱ na' sca se'i̱ su ngüi'ya ca ti na' yuu, bi' cha' nti' na' cha' cua'ni clyu ti' nu'u̱ 'na.”

SAN JUAN 7:37

Lo'o cua tye ti ta'a, tsa̱ ycui' ta'a li' tya ndu̱ Jesús ne' laa tonu. Cui̱i̱ nchcui' yu lo'o ñati̱ ca bi': ―Lo'o nguityi ca ma̱ hitya, ca̱a̱ ma̱ ca slo na' cha' ta na' hitya co'o ma̱ ―nacui̱ yu―.

LOS HECHOS 13:26

’Lcaa na nu laca na la cui' tya'a ñati̱ ji'i̱ jyo'o Abraham, lo'o jua'a̱ lcaa ma̱ nu ndaquiya' ma̱ ji'i̱ ycui' Ndyosi, cuentya ji'i̱ lcaa na laca cha' tso'o nu nda Ni lo'o na, cha' tso'o nu nchcui' ñi'ya̱ ndu'ni lyaá Ni ji'i̱ ñati̱ chalyuu.

2 CORINTIOS 5:18

Ycui' Ndyosi laca nu ndu'ni lcaa cha' bi', cha' cua ndyaca stu'ba cha' ji'na lo'o Ni xqui'ya Cristo. Lo'o juani cua nda Ni cña ji'na cha' chcui' na lo'o ngu' ñi'ya̱ caca stu'ba cha' ji'i̱ ngu' lo'o ycui' Ni.