SAN LUCAS 14:15 - Chatino Tataltepec

¹⁵ Tya ndi'i̱ ngu' to' mesa, ngua'a̱ jyaca̱ ngu' ji'i̱ cha' nu nda Jesús lo'o ngu'. Li' nguxacui̱ sca yu tya'a ntucua ngu' cha' ji'i̱ Jesús: ―Tso'o tsa caca ji'i̱ ñati̱ nu cacu scuaa ca su laca ycui' Ndyosi loo ―nacui̱ yu bi'.

SAN LUCAS 14:15 ပူးပေါင်းရင်းမြစ်များ

SAN MATEO 25:10

Laja lo'o ndyaa ngu' cuna'a̱ tonto bi', cha' cui'ya ngu' la xi setye, li' ndyalaa cutsii. Nu ngu' cuna'a̱ nu cua laca ngua'ni cho'o candil ji'i̱ ngu' ni, ndyaa ngu' nde ni'i̱ ji'i̱ cuxi̱i̱ lo'o cutsii bi', cha' cacu ngu' slo; hora ti ndyacu̱' toni'i̱ li'.

SAN MATEO 8:11

Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

SAN LUCAS 13:29

Lcaa quichi̱ chalyuu ntsu'u ngu' nu tya̱a̱ ngu' cacu ngu' lo'o ycui' Ndyosi, nu lo'o caca Ni loo lo'o tye chalyuu; nde su ntyucua cuichaa tyu'u ngu' tya̱a̱ ngu', jua'a̱ tyu'u ngu' nde su ndyaa cuichaa, lo'o nde tyá' tyu'u ngu', lo'o nde calacui tyu'u ngu', tya̱a̱ lcaa ngu' ca su tlyu su ntucua ycui' Ni.

SAN LUCAS 22:16

Nti' na' cacha' na' ji'i̱ ma̱ cha' ni chaca quiya' nga'aa cua'ni na' ta'a re lo'o cu'ma̱ ña'a̱ cuayá' nu tye chalyuu, lo'o li' cacu na stu'ba ti lo'o caca ycui' Ndyosi loo ji'i̱ lcaa ñati̱.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.