Quiña'a̱ tsa ñati̱ ndyalaa slo yu li'; ndya'a̱ lo'o ngu' ji'i̱ quiña'a̱ tsa ngu' quicha, lo'o ngu' nu quicha quiya', lo'o ngu' cuityi̱', lo'o ngu' cu'u̱, lo'o nu cu' ya', nu cu' quiya', lcaa lo nu quicha. Nsta ngu' ji'i̱ ngu' quicha bi' lo yuu slo Jesús, lo'o ngua'ni Jesús cha' ndyaca tso'o ngu' li'.
SAN LUCAS 14:13 - Chatino Tataltepec13 Pana si'i jua'a̱ cua'ni ma̱; nu lo'o cua'ni ma̱ sca ta'a, li' xuti'i̱ ma̱ ji'i̱ ngu' ti'i, lo'o ji'i̱ ngu' quicha, lo'o ji'i̱ ngu' nu cu' quiya', lo'o ji'i̱ ngu' cuityi̱' cha' cacu ngu' lo'o ma̱. အခန်းကိုကြည့်ပါ။ |
SAN LUCAS 14:13
34 ပူးပေါင်းရင်းမြစ်များ
Li' ndi'ya̱ nacui̱ Jesús ji'i̱ nu ñati̱ nu cua nchcui' lo'o cha' ca̱a̱ tyi'i̱ ta'a ca slo yu: ―Nu lo'o chcui' ma̱ lo'o ngu' cha' ca̱a̱ ngu' cacu ngu' xlyaa lo'o ma̱, si'i lo'o tya'a tso'o ti ma̱ chcui' ma̱, ni si'i lo'o tya'a ngula ti ma̱ chcui' ma̱, ni si'i lo'o tya'a tyijyu' ti ma̱ chcui' ma̱, ni si'i lo'o ngu' culiya' ti nu ntucua tyi cacua ti slo ma̱ chcui' ma̱ li'. Stu'ba ti cua'ni ngu' bi' lo'o ma̱ ca tiya' la, nu lo'o ntsu'u sca ta'a ji'i̱ ngu'; ñi'ya̱ nu ngua'ni ma̱ lo'o ngu', jua'a̱ cua'ni ngu' bi' lo'o ma̱ li'.
Li' tso'o tsa tyi'i̱ ma̱ chalyuu si jua'a̱ cua'ni ma̱, cha' nu ngu' quicha bi' ni, ná caja ñi'ya̱ nu tya ngu' cha' tso'o ji'i̱ ma̱. Pana tiya' la caja cha' tso'o ji'i̱ ma̱, nu lo'o tyu'ú ma̱ chaca quiya' lo'o lcaa ngu' jyo'o nu ngua tso'o cresiya ji'i̱ ngu' cuentya ji'i̱ ycui' Ndyosi lo'o tya nguti'i̱ ngu' chalyuu.
Lo'o ndyalaa msu slo xu'na chaca quiya', li' lcaa cha' nu nacui̱ ngu' ji'i̱ ndacha' ji'i̱ xu'na. Lye tsa ngunasi̱' xu'na ni'i̱ bi' li'. Lo'o li' nacui̱ yu ji'i̱ msu bi': “Yaa clya nu'u̱ lquichi̱ chaca quiya' cha' chcui' nu'u̱ lo'o ngu' nu ntsu'u nde calle jua, cha' ca̱a̱ ngu' ta'a slo na'. Chcui' nu'u̱ lo'o ngu' ti'i, lo'o ngu' quicha, lo'o ngu' nu cu' quiya', lo'o ngu' cuityi̱', lo'o lcaa ngu' quicha; li' tya̱a̱ lo'o ji'i̱ lcaa ngu' bi' ca nde”, nacui̱ xu'na msu bi'.
Hora ti ndu'u Pedro lijya̱ lo'o ngu' li'. Nu lo'o ndyalaa ngu' ca toni'i̱, ngulu'u ngu' ji'i̱ Pedro macala su nscua jyo'o bi'. Ndi'i̱ lcaa nu cuna'a̱ ti'i ca slo, nxi'ya tsa ngu' ndi'i̱ ngu' cha' cua ngujuii. Nda ngu' cha' lo'o Pedro cha' quiña'a̱ tsa cha' tso'o ngua'ni nu jyo'o bi' lo'o ngu', jua'a̱ ngulu'u ngu' ji'i̱ yu lcaa late' nu cua ngujyacua̱ nu jyo'o bi' cha' ta xlya'be ti ji'i̱ ngu'.
Si laca sca ñati̱ loo ji'i̱ ña'a̱ taju tya'a ñati̱ ji'i̱ Jesucristo, li' ntsu'u cha' cua'ni yu xcui' cha' tso'o lo'o ñati̱, cha' ná caja ñi'ya̱ jña ngu' qui'ya ji'i̱ yu li'. Caja clyo'o yu bi' lo'o sca ti nu cuna'a̱; jua'a̱ ntsu'u cha' culacua tso'o ti' yu, cha' cua'a yu ji'i̱ cha' cuxi nu ntsu'u tyiquee ycui' ca yu, cha' tso'o ti tyi'i̱ yu lo'o tya'a ñati̱. Ntsu'u cha' ta yu ni'i̱ ji'i̱ yu lo'o jña ñati̱ nu lijya̱ tyijyu', jua'a̱ ntsu'u cha' ta yu na cacu ngu' bi'. Ntsu'u cha' culu'u yu cha' ji'i̱ ycui' Ndyosi ji'i̱ ñati̱, bi' cha' ná tso'o si ná nchca ji'i̱ yu.
Scua ngu' xtañi ma' cusu' nu nchcui' ngu' ji'i̱ cha' tso'o tsa cña ndu'ni ma' cusu' bi': si cua ngua'ni cu'ú tso'o ma' ji'i̱ nu sube; si cua nda ma' su tyi'i̱ ñati̱ nu lijya̱ tyijyu'; si cua nguxtyucua ma' ji'i̱ tya'a ñati̱ ji'i̱ Jesucristo, masi tlyu cña ntsu'u cha' cua'ni ma'; si ngua tya'na ti' ma' ji'i̱ ñati̱ nu quicha ti'. Si jua'a̱ xcui' cña tso'o ndu'ni ma' cusu' bi', scua ngu' xtañi ma' lo quityi bi' lacua.
clyana nu'u̱ ji'i̱ ngu' nu nda su tyi'i̱ ñati̱ nu lijya̱ tyijyu', ngu' nu ndiya ti' cua'ni xcui' cha' tso'o, ngu' nu tso'o ti nchcui' lo'o ñati̱, ngu' nu sca ti cha' ji'i̱ Jesús ntsu'u tyiquee ngu', nu ndu'ni cua ña'a̱ ca cha' nu nti' ycui' Ndyosi cha' cua'ni na, ngu' nu nchca ji'i̱ cua'a ji'i̱ ycui' ca ngu'.
Tyi'u ti' ma̱ cha' chcui' tso'o ma̱ lo'o cua ña'a̱ ca ngu' xta, ngu' xa' quichi̱, si tyalaa ngu' toni'i̱ ji'i̱ ma̱; ta ma̱ su tyi'i̱ ngu' bi', cha' jua'a̱ ngua'ni xi jyo'o cusu' ji'i̱ ma̱ nu ngua sa'ni la, lo'o tiya' la li' nquijeloo ji'i̱ ngu' cha' xca̱ ji'i̱ ycui' Ndyosi nu ntsu'u nde cua̱ laca ñati̱ nu ngulaa toni'i̱ ji'i̱ ngu' bi'.
ကြော်ငြာတွေ