SAN LUCAS 13:28 - Chatino Tataltepec

²⁸ Xi'ya tsa ma̱ li', cacu la'ya ma̱ cha' lye tsa ñasi̱' ma̱. Ca xñi'i̱ tsa ti' ma̱ lo'o ña'a̱ ma̱ su ndi'i̱ quiña'a̱ tsa ñati̱ slo ycui' Ndyosi ca lo'o tye chalyuu; masi jyo'o Abraham, masi jyo'o Isaac, masi jyo'o Jacob, masi lcaa jyo'o cusu' nu ngua tu'ba ji'i̱ ycui' Ndyosi sa'ni la, ña'a̱ ma̱ ji'i̱ ngu' ndi'i̱ ngu' ca bi'. Lo'o cu'ma̱ ni, xtyanu Ni ji'i̱ ma̱ nde liya'.

SAN LUCAS 13:28 ပူးပေါင်းရင်းမြစ်များ

SAN MATEO 13:42

Li' xcua̱a̱ xca̱ ji'i̱ ngu' bi' lo quii' tlyu; xi'ya tsa ngu' ca bi' li', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

SAN MATEO 13:50

Xcua̱a̱ xca̱ bi' ji'i̱ ñati̱ xña'a̱ lo quii' tlyu, masi xi'ya tsa ngu' bi' li'; ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' nti' ngu' li'.

SAN MATEO 22:13

bi' cha' ngulo rey bi' cña ji'i̱ msu ji'i̱: “Xñi ma̱ ji'i̱ nu qui'yu re, sca̱' ma̱ ya' yu, lo'o jua'a̱ sca̱' ma̱ quiya' yu. Lo'o li' xcua̱a̱ ma̱ ji'i̱ yu nde ca bilyaa su talya tsa ña'a̱, ca su nxi'ya tsa ngu' ndi'i̱ ngu', ca su lye tsa ndacu la'ya ngu' cha' ñasi̱' ngu'”, nacui̱ rey bi'.

SAN MATEO 24:51

Li' lye xcube' xu'na yu ji'i̱ msu xña'a̱ bi', ña'a̱ cuayá' nu cajaa msu bi'; culo xu'na yu cña ji'i̱ msu bi', cha' tsaa yu ca bilyaa su lye tsa nchcube' ngu', ca su nxi'ya tsa ngu', lo'o jua'a̱ ndacu tsa la'ya ngu' cha' ñasi̱' ngu'. Stu'ba ti tsaa yu lo'o ngu' cuiñi nu tucua cha' ntsu'u tyiquee ngu'.

SAN MATEO 25:30

Nu juani tsaa lo'o ma̱ ji'i̱ msu xña'a̱ re, cha' xcua̱a̱ ma̱ ji'i̱ yu ca bilyaa, su nxi'ya tsa ngu', lo'o jua'a̱ lye tsa ndacu la'ya ngu' cha' ñasi̱' ngu', cha' lye tsa nchcube' ngu' cajua.”

SAN LUCAS 10:15

Lo'o cu'ma̱ ngu' quichi̱ Capernaum ni, nti' ma̱ cha' tso'o tsa caca ji'i̱ quichi̱ tyi ma̱. ¿Ha ná lo'o xcube' Ni ji'i̱ ma̱ nti' ma̱? Pana culo'o Ni ji'i̱ ma̱ cha' tyaa ma̱ ca bilyaa. Tya nchcui' la Jesús lo'o nu snayala tyii tya'a ngu' bi' li':

SAN LUCAS 14:15

Tya ndi'i̱ ngu' to' mesa, ngua'a̱ jyaca̱ ngu' ji'i̱ cha' nu nda Jesús lo'o ngu'. Li' nguxacui̱ sca yu tya'a ntucua ngu' cha' ji'i̱ Jesús: ―Tso'o tsa caca ji'i̱ ñati̱ nu cacu scuaa ca su laca ycui' Ndyosi loo ―nacui̱ yu bi'.

SAN LUCAS 16:23

Pana nu lo'o cua ntsu'u nu culiya' bi' su nchcube' yu ca bilyaa, li' ngusicua̱ hique yu na'a̱ yu ji'i̱ jyo'o cusu' Abraham tyijyu' ti, lo'o jua'a̱ na'a̱ yu cha' stu'ba ti ntucua jyo'o Lázaro lo'o.

2 TESALONICENSES 1:5

Liñi tsa ndu'ni cuayá' ycui' Ndyosi ji'i̱ ñati̱; bi' cha' caja su tyi'i̱ ma̱ ca su laca ycui' Ndyosi loo ca nde loo la, masi xña'a̱ tsa ngu' lo'o ma̱ juani xqui'ya cha' ji'i̱ ycui' Ndyosi nu cua ngusñi ma̱.

2 PEDRO 1:11

ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.

APOCALIPSIS 22:15

To' lo'o nde liya' tyanu lcaa ñati̱ nu chiya'a̱ tsa ndu'ni, lo'o jua'a̱ ñati̱ nu jlya tsa ti' ji'i̱ cha' cucha'a̱, lo'o ñati̱ nu ndu'ni suba' lo'o nu cuna'a̱, lo'o nu ndujuii ji'i̱ ñati̱; la cui' jua'a̱ lcaa ñati̱ nu ndu'ni tlyu ji'i̱ lcui̱ jo'ó ti, lo'o ñati̱ nu ndiya ti' ndu'ni ngu' cha' cuiñi, lcaa ñati̱ bi' tyanu nde chu̱' lo'o ji'i̱ quichi̱ bi'. Ni sca ñati̱ bi' ná ntsu'u chacuayá' tyatí̱ ngu' ne' lo'o quichi̱ bi'.