SAN LUCAS 13:13 - Chatino Tataltepec

¹³ Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN LUCAS 13:13 ပူးပေါင်းရင်းမြစ်များ

SAN MATEO 9:8

Quiña'a̱ tsa ñati̱ na'a̱ ji'i̱ cha' bi', ndyutsi̱i̱ tsa ngu' li'. Ngua'ni tlyu ngu' ji'i̱ ycui' Ndyosi li', cha' cua nda Ni chacuayá' ji'i̱ ñati̱ chalyuu cha' cua'ni cña tonu jua'a̱, ngua ti' ngu'.

SAN MARCOS 16:18

masi xñi ngu' ji'i̱ cuaña tyaala, masi co'o ngu' taná tyaala, ná sca cha' cuxi caca ji'i̱ ngu' bi' li'; lo'o sta ya' ngu' bi' hichu̱' ngu' quicha, tyaca tso'o nu quicha bi' ―nacui̱ Jesús ji'i̱ ngu'.

SAN MARCOS 5:23

Tya'na tsa nchcui' yu lo'o Jesús li': ―Cua cajaa ti sñi' na' ―nacui̱ yu ji'i̱―. Cua'ni nu'u̱ cha' tso'o tsaa nu'u̱ ca su ntsiya nu cuna'a̱ piti bi' 'na, cha' cua'ni nu'u̱ jo'o ji'i̱ cho'; sta ya' nu'u̱ chu̱' nu piti cha' cu'ú cho'.

SAN MARCOS 6:5

Lo'o jua'a̱ ngua cha' ná ngua cua'ni Jesús cha' tlyu slo ngu' bi', xqui'ya cha' ná jlya ti' ngu' ji'i̱; pana ngua'ni yu cha' ndyaca tso'o xti ti ngu' quicha lo'o ngusta ya' ti yu lo ngu', tsa bi' ti cha' ngua'ni yu.

SAN MARCOS 8:25

Xa' ngusta ya' Jesús cloo nu quicha bi'. Lo'o nguxña'a̱ tso'o nu quicha chaca quiya', li' cua ngua ña'a̱ tso'o ji'i̱ lcaa ñati̱; cua ndyaca tso'o cloo li'.

SAN LUCAS 13:12

Lo'o na'a̱ Jesús ji'i̱ ma' cusu' bi', li' nchcui' yu lo'o ma': ―Cua ndyaca tso'o nu'u̱ juani, nga'aa tyacua quicha jua jinu'u̱ chaca quiya' ―nacui̱ yu ji'i̱ ma' cusu' bi'.

SAN LUCAS 18:43

Hora ti ndyaca tso'o loo nu cuityi̱' bi', ngua ji'i̱ yu na'a̱ yu. Lo'o li' ndu'u yu ndya'a̱ yu lo'o Jesús, ndyu'ni tlyu yu ji'i̱ ycui' Ndyosi. Lo'o jua'a̱ lcaa ñati̱ nu na'a̱ cha' bi', lo'o ngu' bi' ngua'ni tlyu ngu' ji'i̱ ycui' Ndyosi li'.

SAN LUCAS 4:40

Lo'o ndyaa cuichaa, li' ndyaa lo'o ngu' ji'i̱ lcaa tya'a ngu' nu quicha tsa cha' ngusñi tyu̱u̱ lo quicha ji'i̱ ngu', ndyalaa ngu' ca slo Jesús. Li' ngusta ya' Jesús hichu̱' ngu' quicha cuentya scaa ti ngu'. Hora ti ndyaca tso'o ngu' li'.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.