SAN LUCAS 12:40 - Chatino Tataltepec

⁴⁰ Lo'o jua'a̱ cu'ma̱ ni, tii ti ti' tyi'i̱ ma̱ chalyuu; tya̱a̱ na' nu cua nda Ni 'na lijya̱a̱ cha' caca na' ñati̱, ná tyiquee' tya̱a̱ na' sca hora nu ná culacua ti' ma̱ cha' ca̱a̱ na'.

SAN LUCAS 12:40 ပူးပေါင်းရင်းမြစ်များ

SAN MATEO 24:42

’Bi' cha' cua'ni tii ti' ma̱, cha' ná jlo ti' ma̱ tsiya' ti ni tsa̱ laca nu ca̱a̱ ycui' nu Xu'na ma̱.

SAN MATEO 24:44

Lo'o jua'a̱ lcaa tsa̱ ntsu'u cha' tii ti' tyi'i̱ ma̱ chalyuu, cha' ná tyiquee' tsa tsiya' ca tyu'u tucua na' ca̱a̱ na' nu cua nda Ni 'na lijya̱a̱ cha' caca na' ñati̱. ¿Ñi'ya̱ cua'ni ma̱ si ná ndi'i̱ ma̱ tii ti ti' ma̱ li'?

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

ROMANOS 13:11

Cua'ni ma̱ cha' tyi'u ti' ma̱ lcaa cha' bi'. Cua jlo ti' ma̱ cha' cua ndyalaa hora cha' clyana na ji'i̱ ycui' Ndyosi; bi' cha' juani que ti' ma̱ lacua, cha' tii ti ti' ma̱ tyi'i̱ ma̱ chalyuu. Cua tya̱a̱ ti ycui' Jesús cha' cua'ni lyaá Ni ji'na, cha' ca̱qui'ya Ni ji'na. Nu lo'o ngusñi na cha' ji'i̱ Jesús tya clyo, li' ngua ti' na cha' tya lyiji tsa tyalaa tsa̱ bi' cha' tya̱a̱ ycui' Jesús; pana juani cua ngulala ti tyalaa tsa̱ bi'.

ROMANOS 13:14

Ta ma̱ chacuayá' cha' caca loo ycui' Jesucristo nu Xu'na na ji'i̱ tyucui ña'a̱ ma̱; nga'aa taquiya' na ji'i̱ lcaa lo cha' cuxi, cha' nu tiji̱' tsa ti' na ji'i̱ xqui'ya cha' laca na ñati̱ ti.

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.

APOCALIPSIS 19:7

bi' cha' tso'o tsa caca tyiquee na, ca chaa ti' na juani, cua'ni chi̱ na loo ycui' Ni. Cua ndyalaa tsa̱ cha' caja clyo'o ycui' yu nu ngujuii lo crusi cuentya ji'na. Lo'o lcaa na, ñati̱ nu ngusñi cha' ji'i̱ Ni nde chalyuu, laca na ñi'ya̱ si laca na cuxi̱i̱ ji'i̱ yu, masi tsa tlyu ti na sca tyempo ti. Cua ngua'ni cho'o na ñi'ya̱ si caja clyo'o na lo'o ycui' yu, nacui̱ ngu'.