SAN LUCAS 12:30 - Chatino Tataltepec

³⁰ cha' xcui' jua'a̱ nclacua ti' lcaa ñati̱ chalyuu nu ndi'i̱ jua'a̱ ti. Pana cu'ma̱ ni, ná cube ti' ma̱, jlo ti' ycui' Sti ma̱ ñi'ya̱ caca caja lcaa na nu lyiji cha' tyiji̱ yu'u ji'i̱ ma̱ chalyuu.

SAN LUCAS 12:30 ပူးပေါင်းရင်းမြစ်များ

SAN MATEO 10:20

cha' si'i cha' ji'i̱ ti ma̱ nu chcui' ma̱ li'; cha' ji'i̱ Xtyi'i ycui' Ndyosi Sti na, bi' caca cha' nu chcui' ma̱ lo'o ngu'.

SAN MATEO 18:14

Ñi'ya̱ nu ndu'ni nu xu'na xlya' bi', cha' ná chcuna' ni sca xlya' ji'i̱ yu, la cui' jua'a̱ ndu'ni ycui' Ndyosi Sti ma̱ nu ntucua nde cua̱, cha' ná nti' Ni cha' chcuna' chalyuu ji'i̱ ni tsaca ñati̱ xqui'ya cha' cuxi nu ntsu'u ji'i̱. Ná nti' ycui' Ni tsiya' ti cha' tye cha' ji'i̱ ngu', masi sube tsa ngu' nti' ma̱.

SAN MATEO 5:47

Lo'o chcui' ma̱ cha' tso'o sca ti lo'o tya'a tso'o ma̱, ná tso'o bi', cha' la cui' jua'a̱ ndu'ni cua ña'a̱ ca ñati̱; masi ngu' nu ná ntsu'u cha' ji'i̱ lo'o ycui' Ndyosi tsiya' ti, lo'o ngu' bi' nchcui' tso'o lo'o tya'a tso'o ngu'. Quiña'a̱ la cha' tso'o cua'ni ma̱ nti' ycui' Ndyosi.

SAN MATEO 6:1

’Lo'o chaca cha' ni, ná ta ma̱ sca na ji'i̱ ngu' ti'i nu lo'o ña'a̱ xa' ñati̱ ji'i̱ ma̱, cha' ná ña'a̱ ngu' ñi'ya̱ laca cha' tso'o nu ndu'ni ma̱ cuentya ji'i̱ ycui' Ni. Ná taca xco'o ycui' Ndyosi Sti na sca cha' tso'o nu tyacua ji'i̱ ma̱ ca su ntucua ycui' Ni, si cha' ña'a̱ xa' ñati̱ ji'i̱ ma̱ ndyu'ni ma̱ cha' tso'o ti.

SAN MATEO 6:32

Jua'a̱ nclacua ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Pana jlo ti' ycui' Ndyosi Sti na nu ntucua nde cua̱ cha' lyiji cha' bi' ji'i̱ ma̱,

SAN MATEO 6:8

Pana, ná chcui' ma̱ jua'a̱, cha' jlo ti' ycui' Ndyosi Sti na cua ña'a̱ ca cha' nu lyiji ji'i̱ ma̱, masi bilya jña ma̱ cha' bi' ji'i̱ Ni.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN LUCAS 12:31

Si'i xcui' cuentya ji'i̱ ycui' ca ti ma̱ culacua ti' ma̱. Ndi'ya̱ cua'ni ma̱: taquiya' ma̱ ji'i̱ lcaa cha' nu nchcui' ycui' Ni, cha' caca Ni loo ne' cresiya ji'i̱ ma̱ su ndi'i̱ ma̱ nde chalyuu; jua'a̱ ta Ni lcaa na nu lyiji xi ji'i̱ ma̱ li'.

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

EFESIOS 4:17

Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',

1 TESALONICENSES 4:5

cha' ná nti' ycui' Ndyosi cha' cua'ni suba' ma̱ lo'o clyo'o ma̱, ñi'ya̱ nu ndu'ni ngu' nu ná ndaquiya' ji'i̱ ycui' Ni tsiya' ti.