SAN LUCAS 12:28 - Chatino Tataltepec

²⁸ La cui' jua'a̱ lo'o quii nu ndi'i̱ ne' quixi̱' jua juani, ndyaluu quii bi' tso'o ti; pana chaca tsa̱, li' nga'aa tyaca̱' cha' cua ndyaqui̱. Ycui' Ndyosi ndu'ni cha' tso'o tsa ña'a̱ quii; jua'a̱ cu'ma̱ ni, chañi cha' ta ycui' Ni late' cacu' ma̱, masi xti tsa cha' jlya ti' ma̱ ji'i̱ Ni.

SAN LUCAS 12:28 ပူးပေါင်းရင်းမြစ်များ

SAN MATEO 14:31

Hora ti ngusñi Jesús ya' Pedro. ―Xti tsa tyempo ndalo nu'u̱ cha' jlya ti' nu'u̱ 'na ―nacui̱ Jesús ji'i̱ Pedro bi'―. ¿Ni cha' ná jlya tso'o ti' 'na?

SAN MATEO 16:8

Pana, ngua tii Jesús cha' ná ngua cuayá' ti' ngu' bi'. ―¿Ni cha' ndube ti' ma̱ cha' ná lo'o xlyá teje' lijya̱ ma̱? ―nacui̱ ji'i̱ ngu' bi'―. Xti tsa cha' jlya ti' ma̱ ji'i̱ ycui' Ndyosi.

SAN MATEO 17:17

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 6:30

Ñi'ya̱ lo'o tso'o tsa ngüiñá ycui' Ndyosi ji'i̱ queé cua, cha' nda Ni sca lo ste' bi', masi sca ti tsa̱ talo queé bi' lo'o li' tyaqui̱ ntsu'u quiya'; la cui' jua'a̱ ta ycui' Ni late' cacu' ma̱, masi xti tsa cha' jlya ti' ma̱ ji'i̱ ycui' Ni.

SAN MATEO 8:26

Li' nguxacui̱ Jesús cha' ji'i̱ ngu' bi': ―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña! Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'.

SAN LUCAS 8:25

Li' nchcui' Jesús lo'o nu ngu' nu ndyaca tsa'a̱ ji'i̱ bi': ―¿Ni cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱ Jesús ji'i̱ ngu' bi'. Pana ntsi̱i̱ tsa ngu' bi', ndube tsa ti' ngu' ña'a̱ ngu' ji'i̱ Jesús li'. ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.

HEBREOS 6:7

Ñi'ya̱ nti' sca yuu tso'o su ndyu'ni ngu' cña ni, lu'ba ti nda'ya tyo ndyalú lo yuu bi'; ndyi'yu yuu hitya tyo bi' li', cha' jua'a̱ nxtyucua ycui' Ndyosi ji'i̱ yuu cha' tyucua na cuiñii nu cua ndyataa lo yuu, cha' cua'nijo'o ji'i̱ ngu' nu ndyu'ni cña bi'.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.