SAN LUCAS 12:24 - Chatino Tataltepec

²⁴ Culacua xi ti' ma̱ ñi'ya̱ laca ji'i̱ na'ni nu naa cuitya̱'; ná ntyaa ni' nscua', ná ndu'ni ni' clacua, ná ntsu'u ni'i̱ ji'i̱ ni', ni ná ndiñá ni' ja'ba su xco'o ni' na cacu ni'; pana nda Ni na cacu ni' jua'a̱ ti. Lo'o cu'ma̱ ni, quiña'a̱ la ntsu'u loo cu'ma̱ que cuitya̱' bi' cuentya ji'i̱ ycui' Ndyosi.

SAN LUCAS 12:24 ပူးပေါင်းရင်းမြစ်များ

SAN MATEO 10:31

Lo'o cu'ma̱ ni, quiña'a̱ tsa ntsu'u lo cu'ma̱ ca slo ycui' Ndyosi; ná stu'ba ma̱ tsiya' ti masi lo'o quiña'a̱ tsa quiñi sube. Bi' cha' ná ntsu'u cha' cutsi̱i̱ ma̱ ji'i̱ ñati̱.

SAN MATEO 3:12

Ñi'ya̱ ndu'ni xu'na ltya, jua'a̱ cua'ni Ni; ñi'ya̱ ndyu'u co'o yu nscua', pana ndaqui̱ yu cualya' lo'o nguti, jua'a̱ sa'be tya'a Ni ji'i̱ ñati̱, lo'o li' su'ba Ni ji'i̱ ñati̱ cuxi cha' tyaqui̱ ngu' lo quii' su nga'aa tye cha' tyaqui̱. Jua'a̱ ngulu'u Juan ji'i̱ ñati̱ nu ndya'a̱ slo.

SAN MATEO 6:26

Culacua xi ti' ma̱ ñi'ya̱ nu ndyaca ji'i̱ quiñi nu ndyacui cua̱: ná ntyaa ni' nscua', ná ndu'ni ni' clacua, ná ndiñá ni' ja'ba su xco'o ni' na cacu ni'; pana ycui' Ndyosi Sti na nu ntucua nde cua̱, nda Ni na cacu ni' jua'a̱ ti. Lo'o cu'ma̱ ni, ¿ha xti la ntsu'u loo ma̱ que quiñi bi' ca slo ycui' Ndyosi? Si'i. Quiña'a̱ la ntsu'u loo ma̱ cuentya ji'i̱ ycui' Ni.

SAN MARCOS 6:26

Xñi'i̱ tsa ti' rey li', masi ná ngua ji'i̱ tacu̱' cha' ji'i̱ nu cuna'a̱ bi'; ná caca jua'a̱, cha' slo ngu' tya'a ndyacu cua ngua'ni rey jura cha' ta lcaa na nu jña nu cuna'a̱ cuañi' bi' ji'i̱.

SAN LUCAS 12:18

Ndi'ya̱ cua'ni na' lacua: tso'o la cuityi̱ na' lcaa ja'ba 'na cha' tya' xa' ni'i̱ tlyu la. Ca bi' xco'o na' ltya 'na, lo'o jua'a̱ lcaa lo yu'ba 'na.

SAN LUCAS 12:23

Cuayá' cha' lu'ú ti na, masi si'i quiña'a̱ tsa na cacu na; cuayá' tsa si tso'o ti ti' na, masi si'i tso'o tsa ña'a̱ ste' na.

SAN LUCAS 12:7

Lo'o jua'a̱ cu'ma̱, nda Ni cuentya ji'i̱ scaa ma̱, cua jlo ti' Ni ni lcua tya'a quicha̱' hique scaa ma̱; bi' cha' ná cutsi̱i̱ ma̱, cha' quiña'a̱ tsa ntsu'u loo cu'ma̱ ca slo ycui' Ndyosi. Ná stu'ba ntsu'u loo quiñi sube lo'o ma̱ tsiya' ti, masi lo'o quiña'a̱ tsa bi'.