SAN LUCAS 12:17 - Chatino Tataltepec

¹⁷ Lo'o li' nguxana nu culiya' bi', ngulacua ti' yu ndi'ya̱: “¿Na ca cua'ni na' ni? Ná tyu'u scua su tyuco'o ltya 'na.

SAN LUCAS 12:17 ပူးပေါင်းရင်းမြစ်များ

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MATEO 5:42

Lo'o jña sca ñati̱ cua ña'a̱ ca na ji'i̱ ma̱, ta ma̱ na bi' ji'i̱; jua'a̱ si jña ngu' xi cñi ji'i̱ ma̱, tso'o ti chcui' ma̱ lo'o ngu' bi' li'.

SAN LUCAS 10:25

Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN LUCAS 11:41

Pana si tyucui tyiquee ma̱ ta ma̱ lcaa cha' tso'o ji'i̱ ma̱ cha' xtyucua ma̱ ji'i̱ ngu' ti'i, li' tucuá ycui' Ndyosi cña nu ngua'ni ma̱ cha' lubii cresiya ji'i̱ ma̱.

SAN LUCAS 12:16

Lo'o li' nda Jesús cui̱i̱ re lo'o ngu': ―Ntsu'u sca yu culiya'. Tso'o tsa yuu nu ntsu'u ji'i̱ yu, quiña'a̱ tsa ltya ngujui ji'i̱ yu li'.

SAN LUCAS 12:18

Ndi'ya̱ cua'ni na' lacua: tso'o la cuityi̱ na' lcaa ja'ba 'na cha' tya' xa' ni'i̱ tlyu la. Ca bi' xco'o na' ltya 'na, lo'o jua'a̱ lcaa lo yu'ba 'na.

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 16:3

Quiña'a̱ tsa ngulacua ti' msu nu laca loo bi' li': “¿Na laca cua'ni na' juani, si nga'aa ta xu'na na' cña nu cua'ni na'? Nga'aa jlo ti' na' ñi'ya̱ cua'ni na' li'. Ná qué na' cha' cua'ni na' cña lo yuu; lo'o si tsa'a̱ jña na' msta̱, la cui' ti jua'a̱ ca tyuju'u tsa ti' na' li'.

SAN LUCAS 16:9

’Ndi'ya̱ chcui' na' lo'o ma̱ lacua: Tso'o ti cua'ni ma̱ lo'o lcaa cha' tso'o nu ntsu'u ji'i̱ ma̱ nde chalyuu; xtyucua ma̱ ji'i̱ xa' ñati̱ lo'o cha' tso'o nu ntsu'u ji'i̱ ma̱ ña'a̱ cuayá' tye chalyuu ji'i̱ ma̱, cha' jua'a̱ caja tya'a tso'o ma̱ nde chalyuu. Lo'o li' ta ycui' Ndyosi su tyi'i̱ ma̱ slo Ni, su ná nga'a̱ cha' tye chalyuu ji'i̱ ma̱ li'.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

SAN LUCAS 19:17

Li' nguxacui̱ rey cha' ji'i̱ msu bi': “Tso'o tsa lacua. Sca msu tso'o laca nu'u̱. Liñi tsa ngua'ni nu'u̱, masi lo'o sca cña xti ti; bi' cha' ta na' chacuayá' cha' caca nu'u̱ loo ji'i̱ tii tya'a quichi̱ cuentya jna'.”

SAN LUCAS 3:11

Li' ngulu'u Juan ji'i̱ ngu': ―Nde laca cña nu cua'ni ma̱ ―nacui̱ Juan―. Si ntsu'u tucua tya'a camxa ji'i̱ sca ma̱, ta ma̱ tsaca ji'i̱ sca ñati̱ ti'i nu ná ntsu'u ji'i̱ tsiya' ti; si ntsu'u na cacu ma̱, li' sa'be ma̱ xi cha' ta ma̱ xi cacu ñati̱ nu ná ntsu'u tsiya' ti ji'i̱ ―nacui̱ Juan ji'i̱ ngu'.

LOS HECHOS 16:30

Li' ngulo yu ji'i̱ ngu' ne' chcua̱. ―Cusu' ―nacui̱ yu ji'i̱ Pablo lo'o Silas―, cuxi tsa ñati̱ laca na'. ¿Ñi'ya̱ cua'ni na' cha' cua'ni lyaá Ni jna'? ―nacui̱ nu laca loo bi'.

LOS HECHOS 2:37

Lo'o ndyuna ngu' cha' nu nchcui' Pedro, ntyuju'u tsa ti' ngu' li'. Nchcuane ngu' ji'i̱ Pedro lo'o ji'i̱ lcaa ngu' nu ngua tsa'a̱ ji'i̱ Jesús tya clyo: ―¿Ñi'ya̱ cua'ni ya juani? ―nacui̱ ngu' ji'i̱ ngu' bi'.

ROMANOS 12:13

Nu lo'o lyiji sca na ji'i̱ sca ngu' tya'a ngusñi ma̱ cha' ji'i̱ Cristo, nga'a̱ cha' tya'be cha' tso'o nu ntsu'u ji'i̱ ycui' ca ma̱, cha' ta ma̱ na ji'i̱ ngu' bi', na laca nu lyiji ji'i̱ ngu'. Lcaa tyempo ta ma̱ to' tyi ma̱ cha' tyi'i̱ ñati̱ nu lijya̱ ti.

1 TIMOTEO 6:17

Lo'o jua'a̱ ntsu'u cha' culo nu'u̱ cña ji'i̱ ngu' culiya' tya'a ngusñi ma̱ cha' ji'i̱ Jesús, cha' ná cua'ni tyucuaa ti' ngu' bi' lo'o tya'a ngu'. Ná tso'o si xcui' culacua tsa ti' ngu' bi' ji'i̱ cñi ji'i̱ ngu'; la cui' ti ná culacua tsa ti' ngu' ji'i̱ lcaa cha' tso'o nu ntsu'u ji'i̱ ngu', cha' yala ti ndye cñi ji'na. Tso'o la si cube ti' ngu' bi' ji'i̱ ycui' Ndyosi nu lu'ú ca, cha' cua nda Ni lcaa lo na nu ntsu'u ji'na cha' caca tso'o tyiquee na nde chalyuu.

1 JUAN 3:16

Nu lo'o cube ti' na cha' cuentya ji'na ntaja'a̱ Cristo ngujuii yu lo crusi, cha' ntsu'u tsa tyiquee Ni ña'a̱ Ni ji'na, li' ca cuayá' ti' na ña'a̱ cha' nu tso'o la cua'ni na, si ntsu'u tyiquee na ña'a̱ na ji'i̱ tya'a ngusñi na cha' ji'i̱ Ni. Tso'o si tyaja'a̱ na xtyucua na ji'i̱ tya'a na jua'a̱, masi hasta cajaa ycui' na cuentya ji'i̱ ngu' tya'a na.