’¡Tya'na tsa cu'ma̱ ngu' mstru cha' jo'ó lo'o cu'ma̱ ngu' fariseo, cha' tucua cha' ntsu'u tyiquee ma̱! Ñi'ya̱ sca ni'i̱ sube nu ndu̱ chu̱' cuaá nu ndu'ni ngati̱ ngu' ji'i̱, tso'o tsa ña'a̱ ni'i̱ bi' li', la cui' jua'a̱ laca cu'ma̱. Pana xcui' tyijya̱ jyo'o ntsu'u ne' cuaá bi', xcui' na tyucu̱ ntsu'u bi'.
SAN LUCAS 11:47 - Chatino Tataltepec47 ’Tya'na tsa cu'ma̱, cha' tso'o tsa ni'i̱ ndiña ma̱ hique cuaá su ntsiya jyo'o cusu' nu ngua tu'ba ji'i̱ ycui' Ndyosi cua sa'ni la; pana la cui' jyo'o cusu' tya'a ma̱ laca nu ndyujuii ji'i̱ jyo'o cusu' tso'o tyiquee bi'. အခန်းကိုကြည့်ပါ။ |
SAN LUCAS 11:47
5 ပူးပေါင်းရင်းမြစ်များ
Lo'o jua'a̱ caca cuayá' ti' na cha' sca ti cuayá' cha' cuxi nu ntsu'u tyiquee ma̱ lo'o jyo'o cusu' tya'a ma̱; na cua ndyujuii jyo'o cusu' bi' ji'i̱ ñati̱ nu ngua'ni cña ji'i̱ ycui' Ndyosi cua sa'ni la, lo'o juani cu'ma̱ laca nu ndiña ma̱ ni'i̱ hique cuaá su ntsiya ngu' jyo'o nu ngua tu'ba ji'i̱ ycui' Ndyosi bi'.
Tya nchcui' la Esteban lo'o ngu' cusu' li': ―Ná ntaja'a̱ ma̱ taquiya' ma̱ cha' nu nchcui' ycui' Ndyosi lo'o ma̱. Tacalya tsa hique ma̱, cha' ná nduna ma̱ cha' ji'i̱ ycui' Ndyosi tsiya' ti; jua'a̱ lcaa tsa̱ chi̱i̱ nti' ma̱ lo'o nclyacua ti' ma̱ cha' ji'i̱ Xtyi'i ycui' Ndyosi. La cui' ñi'ya̱ ngua'ni jyo'o cusu' ji'na cha' cuxi sa'ni, la cui' jua'a̱ ndyu'ni ma̱ juani.
Ñi'ya̱ lo'o ndyujuii ngu' judío cuxi nu nguti'i̱ nu ngua sa'ni la ji'i̱ jyo'o nu ngua tu'ba ji'i̱ ycui' Ndyosi, la cui' jua'a̱ cua ndyujuii nu ngu' judío cuxi bi' ji'i̱ ycui' Jesús nu Xu'na na cua tsubi'. Ca tiya' la li' lo'o ji'i̱ cuare ngulo'o nu ngu' judío bi'. Ná ndiya ti' ycui' Ndyosi cha' ndyu'ni ngu' bi' jua'a̱, cha' nxu̱u̱ tya'a ngu' bi' lo'o lcaa ñati̱.
ကြော်ငြာတွေ