SAN LUCAS 11:41 - Chatino Tataltepec

⁴¹ Pana si tyucui tyiquee ma̱ ta ma̱ lcaa cha' tso'o ji'i̱ ma̱ cha' xtyucua ma̱ ji'i̱ ngu' ti'i, li' tucuá ycui' Ndyosi cña nu ngua'ni ma̱ cha' lubii cresiya ji'i̱ ma̱.

SAN LUCAS 11:41 ပူးပေါင်းရင်းမြစ်များ

SAN MATEO 26:11

Lcaa tsa̱ ndi'i̱ ngu' ti'i lo'o ma̱ nde chalyuu cha' xtyucua ma̱ ji'i̱ ngu', pana cua tye ti tsa̱ nu tyi'i̱ na' lo'o ma̱.

SAN MATEO 5:42

Lo'o jña sca ñati̱ cua ña'a̱ ca na ji'i̱ ma̱, ta ma̱ na bi' ji'i̱; jua'a̱ si jña ngu' xi cñi ji'i̱ ma̱, tso'o ti chcui' ma̱ lo'o ngu' bi' li'.

SAN MARCOS 7:19

Lo'o cacu na sca na, li' tyatí̱ bi' nde tyuu tu'ba na, ca ti'i̱ bi' nde ne' na li'; lo'o tsaa na liya' tye lyiji cha' ji'i̱ li' ―nacui̱ Jesús. Jua'a̱ nchcui' Jesús cha' ca cuayá' ti' na cha' tso'o cacu na lcaa na nu ndacu ñati̱.

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 16:9

’Ndi'ya̱ chcui' na' lo'o ma̱ lacua: Tso'o ti cua'ni ma̱ lo'o lcaa cha' tso'o nu ntsu'u ji'i̱ ma̱ nde chalyuu; xtyucua ma̱ ji'i̱ xa' ñati̱ lo'o cha' tso'o nu ntsu'u ji'i̱ ma̱ ña'a̱ cuayá' tye chalyuu ji'i̱ ma̱, cha' jua'a̱ caja tya'a tso'o ma̱ nde chalyuu. Lo'o li' ta ycui' Ndyosi su tyi'i̱ ma̱ slo Ni, su ná nga'a̱ cha' tye chalyuu ji'i̱ ma̱ li'.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

SAN LUCAS 19:8

Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.

LOS HECHOS 10:15

Xa' nchcui' ycui' Ndyosi lo'o yu li': ―Ná tso'o ñacui̱ nu'u̱ cha' na'ni cuxi laca jua, si cua nacui̱ ycui' Ndyosi cha' lubii ni'.

LOS HECHOS 11:29

Li' ngüiñi cha' ji'i̱ ñati̱ ji'i̱ Jesús lo'o tya'a ngu' cha' ta ngu' msta̱ ji'i̱ tya'a ti'i ti ngu', ngu' nu ndi'i̱ quichi̱ su cuentya Judea.

LOS HECHOS 24:17

’Tyu̱u̱ yija̱ ndya'a̱ na' xa' quichi̱ tyijyu' la, lo'o tsubi' ti nguxtyu̱u̱ na' ndyalaa na' nde loyuu su ndi'i̱ quichi̱ tyi ya chaca quiya', cha' ta na' sca msta̱ nu xtyucua xi ji'i̱ ngu' ti'i nde jua, la cui' msta̱ nu cua nda ngu' tyijyu' cha' tsaa slo ngu' ti'i bi'. Lo'o jua'a̱ na', ngua ti' na' cha' ta na' sca msta̱ ji'i̱ ycui' Ndyosi.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

EFESIOS 4:28

Cu'ma̱ nu nguaana ma̱ na nu ntsu'u ji'i̱ ñati̱ tya tsubi' la, nga'a̱ cha' xtyanu ma̱ cña bi' ji'i̱ ma̱, clyana ma̱ cña tso'o la nu cua'ni ycui' ma̱; tso'o la si cua'ni ma̱ cña lo'o ya' ycui' ma̱, cha' jua'a̱ caja xi ñi'ya̱ nu xtyucua ma̱ ji'i̱ tya'a ma̱ nu lyiji tsa ji'i̱.

TITO 1:15

Lubii tsa laca lcaa lo na, jua'a̱ nti' sca ngu' nu lubii cresiya ji'i̱ cuentya ji'i̱ ycui' Ndyosi; pana ná ntsu'u na lubii tsiya' ti nti' ngu' nu cuxi tyiquee, cha' ná jlya ti' ngu' bi' ji'i̱ cha' liñi. Lo'o cua'ni ngu' nu cuxi tyiquee cha' cuxi, li' nga'aa nda ngu' bi' cuentya cha' xcui' cha' cuxi laca nu ndu'ni ngu'.

HEBREOS 13:16

La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

SANTIAGO 1:27

Si tyucui tyiquee na tsiya' ti ndu'ni na cha' tacati cuentya ji'i̱ Ni, si si'i na tucua cha' ntsu'u tyiquee na, ndi'ya̱ nti' ycui' Ndyosi Sti na cha' cua'ni na li': nga'a̱ cha' xtyucua na ji'i̱ nu sube ti'i, jua'a̱ nga'a̱ cha' xtyucua na ji'i̱ nu cuna'a̱ nu ndyanu ti'i ti, nu lo'o nchcube' tsa ngu' ndi'i̱ ngu' chalyuu; pana ná tso'o tyatí̱ yu'u na lo'o cha' cuxi nu ntsu'u nde chalyuu.