SAN LUCAS 11:4 - Chatino Tataltepec

⁴ Cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ngua'ni ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya. Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Jua'a̱ ngulu'u Jesús ji'i̱ nu ngu' nu ndyaca tsa'a̱ ji'i̱ bi'.

SAN LUCAS 11:4 ပူးပေါင်းရင်းမြစ်များ

SAN MATEO 18:35

’Ñi'ya̱ ngua'ni rey bi' ―nacui̱ Jesús ji'i̱ ngu'―, jua'a̱ cua'ni Sti na' nu ntucua nde cua̱ lo'o lcaa ma̱ nu ná tyucui tyiquee ma̱ ndyi'ya ma̱ cha' clyu ti' ji'i̱ tya'a ma̱.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

SAN LUCAS 11:5

Li' xa' nchcui' yu lo'o ngu' bi': ―Nde chcui' na' sca cha': Sca yu tya'a cu'ma̱ ntsu'u sca tya'a tso'o yu. Lo'o li' sca talya ntsu'u cla'be talya, ndyaa yu toni'i̱ ji'i̱ tya'a tso'o yu cha' ñacui̱ yu ji'i̱: “Tyocue, ta xi sna tya'a tyaja jñi' ti na' xi.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

SAN LUCAS 22:46

Li' nacui̱ yu ji'i̱ ngu': ―¿Ni cha' laca ndi'i̱ ma̱ laja' ti ma̱? Tyatu̱ clya ma̱ cha' chcui' ma̱ lo'o ycui' Ndyosi, cha' ná tyiji̱loo nu xña'a̱ ji'i̱ ma̱.

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

SAN JUAN 17:15

Bi' cha' chcui' na' lo'o nu'u̱ juani, Sti na' ―nacui̱ Jesús―, cha' nti' na' cha' ña'a̱si̱i̱ nu'u̱ ji'i̱ ngu' bi', cha' ná cua'ni lya' ti' nu xña'a̱ ji'i̱ ngu', masi si'i cha' ca̱a̱ ca̱qui'ya nu'u̱ ji'i̱ ngu' bi' chcui' na' lo'o nu'u̱.

1 CORINTIOS 10:13

Lcaa quiya' lo'o tyacua sca cha' cuxi ji'i̱ ma̱, ná cube ti' ma̱ li', la cui' jua'a̱ ndyaca ji'i̱ cua ña'a̱ ca ñati̱ chalyuu. Pana ná cube ti' ma̱, ña'a̱ ycui' Ndyosi ji'na; lcaa cña nu nacui̱ Ni cha' cua'ni Ni cuentya ji'na, ndu'ni Ni cña bi'. Ná ta Ni chacuayá' cha' tyiji̱loo sca cha' cuxi ji'i̱ ma̱ ña'a̱ cuayá' nu nga'aa caca xtyanu ma̱ ji'i̱; pana la cui' hora lo'o cua cñilo'o ti cha' cuxi bi' ji'i̱ ma̱, li' xtyucua Ni ji'i̱ ma̱ cha' ná cua'ni ma̱ ji'i̱, lo'o li' taca clyaá ma̱ ji'i̱ cha' cuxi bi'.

COLOSENSES 3:13

Talo tyiquee ma̱ ji'i̱ xa' la tya'a ñati̱ ma̱ lacua, ña'a̱ cuayá' nu cui'ya ma̱ cha' clyu ti' ji'i̱ ngu' lo'o ntsu'u qui'ya ji'i̱ ngu' lo'o ma̱. Tsa ña'a̱ nu ndyi'ya nu Xu'na na cha' clyu ti' ji'i̱ ma̱, jua'a̱ nga'a̱ cha' cua'ni clyu ti' ma̱ ji'i̱ tya'a ñati̱ ma̱.

2 TESALONICENSES 3:3

Chañi cha' ndu'ni nu Xu'na na lcaa cha' nu ñacui̱ Ni ji'na, cua'ni Ni cha' caca tlyu tyiquee ma̱, cua'a Ni ji'i̱ ma̱ cha' ná cala' nu xña'a̱ ji'i̱ ma̱.

2 TIMOTEO 4:18

Lo'o jua'a̱ tya cua'a Ni jna' ji'i̱ lcaa lo cha' cuxi nu tyacua na' ji'i̱; jlo ti' na' cha' ña'a̱ ti tya ña'a̱si̱i̱ Ni jna', cha' tso'o ti tyalaa na' su nclyo ycui' Ndyosi cña. Nga'aa tye tsa̱ cha' cua'ni tlyu na ji'i̱ ycui' Ndyosi ca bi'. Jua'a̱ caca cha' tu'ni.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.

APOCALIPSIS 3:10

Cua ndyi'u ti' ma̱ cha' nu nacui̱ na' ji'i̱ ma̱ tsubi', cha' talo tyiquee ma̱ cha' tu̱ ti' ma̱ 'na ni tsa̱ tya̱a̱ na' chaca quiya'; bi' cha' juani cua'ni na' cha' ná sca caca ji'i̱ ma̱ lo'o tyalaa tyempo cuxi nde chalyuu. Cua lijya̱ caca cha' cuxi bi', nu cua'ni cuayá' ji'i̱ lcaa ñati̱ chalyuu.