SAN LUCAS 11:35 - Chatino Tataltepec

³⁵ Tii ti' ma̱ lacua; cui'ya ma̱ cuentya cha' chañi cha' ntsu'u xee ne' cresiya ji'i̱ ma̱, cha' si'i chalyuu cuxi ntsu'u tyiquee ma̱.

SAN LUCAS 11:35 ပူးပေါင်းရင်းမြစ်များ

SAN MATEO 6:22

’Nu si'yu cloo na ni, bi' laca nu nda xee ji'i̱ tyucui ña'a̱ na. Nu lo'o tso'o ti si'yu cloo na, li' taca ña'a̱ na cha' cua'ni na lcaa lo cña nu ntsu'u cha' cua'ni na, taca cua'ni na xcui' cha' tso'o.

SAN LUCAS 11:34

Lo'o jua'a̱ cu'ma̱ ni, nda si'yu cloo ma̱ xee cha' tyaca̱' ña'a̱ ma̱ chalyuu. Nu lo'o tso'o ti si'yu cloo ma̱, li' taca ña'a̱ ma̱ cha' cua'ni ma̱ lcaa lo cña nu ntsu'u cha' cua'ni ma̱, taca cua'ni ma̱ xcui' cña tso'o; pana si quicha si'yu cloo ma̱, ná caca cua'ni ma̱ cña, cha' talya xee ña'a̱ ma̱ li'.

SAN LUCAS 11:36

Lo'o lubii ti tyucui ña'a̱ ma̱, lo'o ná ntsu'u cha' ji'i̱ ma̱ tsiya' ti lo'o chalyuu cuxi bi', li' xee ti' ma̱, ñi'ya̱ si tso'o tsa ntyiji'i̱ sca xee tyucui ña'a̱ ma̱.

ROMANOS 1:22

Nacui̱ ngu' cha' nchca tsa ji'i̱ ycui' ca ngu', pana lye tsa ndyu'ni tyucuaa ti' ngu' lo'o nchcui' ngu' jua'a̱; ple tsa ngu' xqui'ya cha' cuxi nu ndu'ni ngu'.

2 PEDRO 1:9

Pana si ná ndu'ni ma̱ lcaa lo cha' bi', si ná ndi'i̱ tso'o ma̱ jua'a̱, laca ma̱ ñi'ya̱ laca sca nu cuityi̱' nu ndacu̱' ycui' ca ti yu cloo yu. Nga'aa nti' yu cuityi̱' bi' tyi'u ti' yu ñi'ya̱ ngua'ni lubii ycui' Ndyosi ne' cresiya ji'i̱ yu, nu lo'o ngüityi̱ Ni cha' cuxi nu ntsu'u ne' cresiya ji'i̱ yu.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

APOCALIPSIS 3:17

Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.