SAN LUCAS 10:29 - Chatino Tataltepec

²⁹ Pana nu mstru cha' jo'ó bi' ni, cua nti' yu cha' tyu'u liñi la cha' nu cua nchcui' yu, bi' cha' nacui̱ yu ji'i̱ Jesús: ―¿Tilaca laca tya'a ñati̱ na' lacua?

SAN LUCAS 10:29 ပူးပေါင်းရင်းမြစ်များ

SAN MARCOS 8:34

Lo'o li' ngusi'ya Jesús ji'i̱ nu ngu' nu ndyaca tsa'a̱ ji'i̱, lo'o ji'i̱ nu quiña'a̱ tsa ñati̱ nu lca'a̱ ji'i̱ cha' tya̱a̱ ngu' slo yu. Nchcui' yu lo'o ngu' li': ―Si ntsu'u ngu' nu chañi cha' nti' ngu' tsaa ngu' lo'o na' ―nacui̱ yu―, nga'a̱ cha' xtyanu ngu' bi' lcaa cha' nu ntsu'u tsa tyiquee ngu' bi' ji'i̱, cha' tya'a̱ ngu' lo'o na' lcaa tsa̱, masi cujuii ñati̱ ji'i̱ ngu' bi' cuentya 'na.

SAN LUCAS 10:36

―Tso'o lacua. Nu sna tya'a ñati̱ nu nteje tacui tyucui̱i̱ su ntsiya nu quicha bi' ni, ¿tilaca nu nguna'a̱si̱i̱ tso'o la ji'i̱ yu nu ngua quicha bi'? ¿Tilaca laca nu chañi cha' laca tya'a ñati̱ lo'o nu quicha bi'?

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

ROMANOS 10:3

ná nchca cuayá' ti' ngu' bi' ñi'ya̱ ndu'ni Ni cha' ca tso'o cresiya ji'i̱ ñati̱ cuentya ji'i̱ ycui' Ni. Xa' ña'a̱ nti' ngu' bi'; cha' ji'i̱ ycui' ca ngu' nclyana ngu' ñi'ya̱ caca tso'o cresiya ji'i̱ ngu', cha' ná ntaja'a̱ ngu' jlya ti' ngu' ji'i̱ cña nu ndyu'ni ycui' Ndyosi.

ROMANOS 4:2

Ycui' ca Abraham ni, ná ngua cua'ni yu cha' ca tso'o cresiya ji'i̱ ycui' ca yu cuentya ji'i̱ ycui' Ndyosi, ni ná ngua ji'i̱ yu xacui̱ yu cha' ji'i̱ ycui' Ndyosi cha' ngua ji'i̱ ycui' yu.

GÁLATAS 3:11

Bi' cha' caca jlo ti' na cha' ná nchca ca lubii cresiya ji'na cuentya ji'i̱ ycui' Ndyosi lo'o ndaquiya' ti na ji'i̱ cña nu nda cha' cusu' bi', cha' ná nchca tyi'u ti' na lcaa ca cha' bi'. Chaca cha' nchcui' quityi bi': “Caca tso'o cresiya ji'na cuentya ji'i̱ ycui' Ndyosi xqui'ya cha' ngusñi na cha' ji'i̱ ycui' Ni; li' taca caja sca chalyuu nu ná nga'a̱ cha' tye tsiya' ti ji'na”.

SANTIAGO 2:24

Jua'a̱ ca cuayá' ti' cu'ma̱ lacua, cha' ntaja'a̱ ycui' Ndyosi tucuá Ni cha' ji'i̱ ñati̱ lo'o ndyu'ni ngu' cha' tso'o, si'i xqui'ya cha' nacui̱ ti ngu' cha' jlya ti' ngu' ji'i̱ Ni.