SAN LUCAS 10:28 - Chatino Tataltepec

²⁸ Li' nacui̱ Jesús ji'i̱ yu bi': ―Tso'o tsa cha' nu nguxacui̱ nu'u̱ 'na. Si jua'a̱ cua'ni nu'u̱, caja chalyuu bi' jinu'u̱ li'.

SAN LUCAS 10:28 ပူးပေါင်းရင်းမြစ်များ

SAN MATEO 19:17

Lo'o li' nchcui' Jesús lo'o yu: ―¿Ni cha' nchcui' nu'u̱ cha' tso'o tsa ndu'ni na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni. Pana taquiya' nu'u̱ ji'i̱ lcaa cña nu ngulo ycui' Ndyosi ji'i̱ ma̱, si nti' nu'u̱ caja chalyuu nu ná nga'a̱ cha' tye jinu'u̱.

SAN MARCOS 12:34

Ngua cuayá' tso'o ti' nu qui'yu bi', ngua ti' Jesús. ―Ná quiña'a̱ tsa lyiji jinu'u̱ cha' tyatí̱ nu'u̱ cha' ji'i̱ ycui' Ndyosi cha' caca Ni loo ne' cresiya jinu'u̱ ―nacui̱ Jesús ji'i̱ mstru bi'. Lo'o ndye nchcui' Jesús cha' bi', nga'aa nchcui' ngu' xi xa' la cha' lo'o, cha' ntsi̱i̱ ngu' xi ji'i̱.

SAN LUCAS 7:43

Li' nguxacui̱ Simón cha' ji'i̱ Jesús: ―Bi' laca nu quiña'a̱ la ndacui, nu ngüi'ya nu culiya' bi' cha' clyu ti' ji'i̱. Jua'a̱ nti' na' ―nacui̱ Simón. ―Chañi cha' nu nchcui' nu'u̱ ―nacui̱ Jesús li'.

ROMANOS 10:4

Pana cua ñaa Jesús chalyuu juani, cua ngusñi na cha' ji'i̱ yu, bi' cha' taca ca tso'o cresiya ji'na cuentya ji'i̱ ycui' Ndyosi; nga'aa nti' cha' taquiya' tsa na cha' cusu' nu cua nda jyo'o Moisés bi', cha' si jua'a̱ taca ca tso'o cresiya ji'na.

ROMANOS 3:19

Cua jlo ti' na cha' cua nscua lcaa cha' cusu' bi', cha' cube ti' ngu' judío nu ntsu'u cha' ji'i̱ lo'o cha' bi'; jua'a̱ nguscua jyo'o cusu', cha' cua nti' ycui' Ndyosi cha' caca cuayá' ti' lcaa ñati̱ tyucui ña'a̱ chalyuu cha' ná caja ñi'ya̱ nu cua'ni lyaá ngu' ji'i̱ ycui' ca ngu' lo'o Ni, cha' nga'a̱ cha' cua'ni cuayá' Ni ji'i̱ ngu'.

ROMANOS 7:10

Ngua ti' ycui' Ndyosi cha' caja chalyuu ji'na nquicha', nu lo'o taquiya' na ji'i̱ lcaa cña nu ngulo Ni nu ngua sa'ni. Pana si'i jua'a̱ ngua lo'o na'; cua chcuna' ti chalyuu 'na li', cha' ngua tii na' cha' ntsu'u tsa qui'ya 'na li'.

GÁLATAS 3:12

Pana lo'o xcui' ndaquiya' na ji'i̱ cha' cusu' bi', li' ná ntsu'u sca cha' ji'i̱ Cristo nu nga'a̱ cha' xñi na hasta ca ne' cresiya ji'na, cha' ndi'ya̱ nchcui' cha' cusu' bi' lo'o na: “Sca ti si cua'ni na lcaa ca cña nu culo ycui' Ndyosi ji'na, caca tyi'i̱ tso'o ti na chalyuu li'”, nacui̱ quityi bi'.