SAN LUCAS 1:76 - Chatino Tataltepec

⁷⁶ Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN LUCAS 1:76 ပူးပေါင်းရင်းမြစ်များ

SAN MATEO 14:5

Nu ngua li' ngua ti' Herodes cujuii ji'i̱ Juan bi', pana ndyutsi̱i̱ yu ji'i̱ ñati̱, cha' ngua ti' ngu' cha' cua nchcui' Juan cha' ji'i̱ ycui' Ndyosi lo'o ngu'.

SAN MATEO 21:26

Lo'o si ñacui̱ na: “Chacuayá' ji'i̱ ñati̱ ti ntyucuatya Juan bi'”, la cui' ti ná tso'o si ñacui̱ na jua'a̱, cha' ntsi̱i̱ na ji'i̱ lcaa ngu' quichi̱ re, cha' lcaa ngu' jlya ti' ngu' cha' chañi cha' ngua Juan bi' tu'ba ji'i̱ ycui' Ndyosi.

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN MATEO 3:3

Lo'o nu Juan ni, laca yu la cui' ñati̱ nu nchcui' jyo'o cusu' Isaías ji'i̱ sa'ni, cha' jyo'o cusu' bi' ngua tu'ba ji'i̱ ycui' Ndyosi. Ndi'ya̱ nscua lo quityi bi': Cui̱i̱ xi'ya sca ñati̱ ne' quixi̱': “Xaala clya ma̱ sca tyucui̱i̱ su ca̱a̱ ycui' nu Xu'na na; xquiñi tso'o ma̱ tyucui̱i̱ su tyeje tacui ycui'”, ñacui̱ ñati̱ bi'. Jua'a̱ nguscua jyo'o cusu' cuentya ji'i̱ ñati̱ bi', lo'o Juan laca ñati̱ bi'.

SAN MARCOS 11:32

¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'. Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.

SAN LUCAS 1:32

Caca yu bi' sca ñati̱ tlyu. Ñacui̱ ngu' ji'i̱ yu cha' Sñi' ycui' Ndyosi nu Xu'na na nu tlyu la caca yu. La cui' tya'a cña tlyu nu ngua'ni jyo'o rey David, nu tya'a yu nu ya̱a̱ chalyuu cua sa'ni la, bi' cña laca nu ta ycui' nu Xu'na na ji'i̱ Jesús,

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN JUAN 1:23

Li' nguxacui̱ Juan cha' ji'i̱ ngu' bi': ―Ndi'ya̱ cha' ndu'ni na' lo'o cui̱i̱ nchcui' na' nda na' cha' lo'o ñati̱ su ndu̱ na' ne' quixi̱': “Xquiñi clya ma̱ tyucui̱i̱ su ca̱a̱ nu Xu'na na”. Bi' laca sca cha' ji'i̱ ycui' Ndyosi nu cua nchcui' jyo'o Isaías lo'o ngu' sa'ni.

SAN JUAN 1:27

Tso'o tsa cña ngujui 'na nti' na' ―nacui̱―, masi caña nu ntsu'u quiya' ñati̱ bi' sati̱' na' juata.

SAN JUAN 3:28

Cua ndyuna ma̱ ñi'ya̱ nu ni na' ji'i̱ ma̱ tsubi' ti, cha' si'i na' laca̱ Cristo, nu ñati̱ tlyu nu cua ca̱a̱ ti chalyuu. Cua laca ti cña ntsu'u jna' cha' yala la ngutu'u tucua na' loyuu re cha' quiñi tyucui̱i̱ su ca̱a̱ ycui' ―nacui̱ Juan―.

LOS HECHOS 16:17

Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.