SAN LUCAS 1:69 - Chatino Tataltepec

⁶⁹ Cua nda ca ti ycui' Ndyosi lijya̱ sca nu tso'o tsa nchca ji'i̱, cha' cua'ni lyaá yu ji'na ji'i̱ lcaa cha' cuxi nu ntsu'u ji'na; bi' laca sca ñati̱ nu la cui' ñati̱ tya'a ji'i̱ jyo'o David nu ngua'ni cña ji'i̱ ycui' Ndyosi cua sa'ni la.

SAN LUCAS 1:69 ပူးပေါင်းရင်းမြစ်များ

SAN MATEO 1:1

Nde nscua na' qui'i ti cha' ji'i̱ lcaa ñati̱ nu ngua jyo'o cusu' ji'i̱ Jesucristo, cha' ñati̱ tya'a ji'i̱ jyo'o David laca yu, lo'o jua'a̱ ñati̱ tya'a ji'i̱ jyo'o Abraham laca yu, masi tyijyu' ti.

SAN MARCOS 11:10

Tso'o tsa si cua'ni tlyu na ji'i̱ yu re, cha' cua ngulala ti cha' caca ycui' Ndyosi loo ca nde. Li' caca ñi'ya̱ nu ngua lo'o ngua jyo'o cusu' David loo cua sa'ni la ―nacui̱ ngu'―. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.