SAN LUCAS 1:67 - Chatino Tataltepec

⁶⁷ Cua ngutsa'á̱ tyiquee Zacarías ntsu'u nu Xtyi'i ycui' Ndyosi lo yu. Li' nguxana nu cusu' bi' nda cha' lo'o ñati̱ ca bi', lcaa ña'a̱ cha' nu cua nda Ni lo'o ycui' yu. Ndi'ya̱ nchcui' yu:

SAN LUCAS 1:67 ပူးပေါင်းရင်းမြစ်များ

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN LUCAS 1:41

pana laja lo'o ndyuna Elisabet cha' nu nchcui' María lo'o, hora ti ngüiña xi cubi' nu ntsu'u ne' ma'. Li' ngutsa'á̱ tyiquee Elisabet ntsu'u Xtyi'i ycui' Ndyosi,

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

LOS HECHOS 2:8

¿Ni cha' laca ndyuna na nchcui' ngu' jua cha'cña ji'na? ―nacui̱ ngu'―.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.

2 PEDRO 1:21

Lcaa ñati̱ nu ngua tu'ba ji'i̱ ycui' Ndyosi sa'ni la ni, ná nchcui' ngu' cua ña'a̱ ca cha' nu ndiya ti ti' ngu', nu lo'o nchcui' ngu' cuentya ji'i̱ ycui' Ndyosi; xcui' cha' nu nda Xtyi'i ycui' Ndyosi lo'o ngu' bi', bi' laca cha' nu nchcui' ngu' cuentya ji'i̱ ycui' Ni.