SAN LUCAS 1:66 - Chatino Tataltepec

⁶⁶ Ngulacua tsa ti' lcaa ñati̱ nu ndyuna cha' bi': ―¿Ni cña caca nu piti re? ―nacui̱ ngu' ji'i̱ tya'a ngu'. Chañi cha' tso'o tsa ndyu'ni ycui' Ndyosi lo'o nu piti bi'.

SAN LUCAS 1:66 ပူးပေါင်းရင်းမြစ်များ

SAN LUCAS 1:80

Cua ndyaluu la nu piti, lo'o jua'a̱ cua ngua tlyu la tyiquee yu. Pana xcui' ne' quixi̱' ndi'i̱ yu ña'a̱ cuayá' nu nguluu yu, ña'a̱ cuayá' nu ndu'u tucua yu slo ngu' Israel tya'a yu.

SAN LUCAS 2:19

Tyiquee ti María ndyanu cha' bi', quiña'a̱ tsa ngulacua ti' cha' ngua jua'a̱.

SAN LUCAS 2:40

Ca Nazaret bi' nguluu nu piti bi'; ngua lye la juersa ji'i̱ yu, cua nchca cuayá' la ti' yu. Lo'o jua'a̱ ycui' Ndyosi, tso'o tsa nti' Ni ña'a̱ Ni ji'i̱ yu.

SAN LUCAS 2:51

Li' ndu'u nu piti bi' ndyaa nde Nazaret chaca quiya' lo'o ngu' cusu' ji'i̱ yu. Ña'a̱ ti tya ndaquiya' tsa yu ji'i̱ cha' nu nchcui' ngu' bi'. Lo'o jua'a̱ xtya'a̱ yu ni, nchco'o ma' lcaa cha' bi' ne' cresiya ji'i̱.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

LOS HECHOS 11:21

Tlyu tsa chacuayá' ntsu'u ji'i̱ ngu' xqui'ya Jesús nu Xu'na na, bi' cha' ngusñi quiña'a̱ ñati̱ cha' ji'i̱ ycui' Ni, bi' cha' nguxtyanu ngu' cha' cuxi nu ntsu'u tsa tyiquee ngu' ji'i̱ clyo.

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.