LOS HECHOS 5:2 - Chatino Tataltepec

² Li' ndyaa nu qui'yu bi' slo nu tii tyucuaa tya'a ngu' nu ngua tsa'a̱ ji'i̱ Jesucristo tya clyo; pana tsa cla'be ti cñi nda yu ji'i̱ ngu', cha' cuaana ti nguxco'o yu nu chaca tya cla'be cñi bi' toni'i̱ ji'i̱ yu. Lo'o jua'a̱ ngua cuayá' ti' clyo'o yu lcaa ña'a̱ nu ngua'ni yu bi'.

LOS HECHOS 5:2 ပူးပေါင်းရင်းမြစ်များ

SAN MATEO 23:5

Lcaa cha' nu ndu'ni nu ngu' bi' ni, ndu'ni ngu' ji'i̱ cha' ña'a̱ ti ñati̱ ji'i̱ ngu'; bi' cha' ndyaaca̱' juata su nscua cha' ji'i̱ ycui' Ndyosi hique ngu', lo'o jua'a̱ scu̱ ngu', cha' nti' ngu' cha' chcui' ñati̱ ji'i̱ ngu' cha' tacati tsa ndu'ni ngu'. Lo'o jua'a̱ nchcu' ngu' bi' payu̱ nu tonu tsa lsu ndacui lo cha' ña'a̱ ñati̱ ji'i̱.

SAN JUAN 12:6

Cha' cuaana Judas, bi' cha' nacui̱ jua'a̱, si'i cha' tya'na ti' ji'i̱ ngu' ti'i. Ycui' ca Judas laca loo ji'i̱ cuiji̱ su ntsu'u cñi ji'i̱ ngu' tya'a ndya'a̱ lo'o Jesús, pana na ntyucuaana Judas cñi nu ntsu'u ji'i̱ lcaa ngu' bi'.

LOS HECHOS 2:44

Lcaa ngu' stu'ba ti ndi'i̱ ngu' lo'o tya'a ngu' nu ntsu'u cha' ji'i̱ Jesucristo, nda ngu' cha' tso'o nu ntsu'u ji'i̱ ngu' cha' tacha ngu' ji'i̱ tya'a ngu';

LOS HECHOS 4:37

Ntsu'u xi yuu ji'i̱ yu bi'. Lo'o cua ndyujui' yu yuu bi' ji'i̱ xa' ñati̱, li' ñaa nu Bernabé bi', nda yu lcaa cñi caya' lo yuu bi' ji'i̱ ngu' nu ngua tsa'a̱ ji'i̱ Jesucristo tya clyo.

LOS HECHOS 5:1

Lo'o jua'a̱ ntsu'u chaca yu nu naa Ananías, lo'o clyo'o yu naa Safira. Ndyujui' ngu' xi yuu ji'i̱ ngu' ji'i̱ xa' ñati̱.

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

LOS HECHOS 5:8

Li' nchcui' Pedro lo'o nu cuna'a̱ bi': ―Cacha' nu'u̱ jna' ―nacui̱ ji'i̱―, ¿ha tsa lo cua ti cñi nda ngu' ji'i̱ ma̱ cha' ndyujui' ma̱ yuu bi' ji'i̱ ngu'? ―Chañi ―nacui̱ nu cuna'a̱ bi'―, la cui' tsa lo cua ti cñi nda ngu' ji'i̱ ya.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 TIMOTEO 6:10

Lo'o ntsu'u tsa tyiquee ñati̱ ji'i̱ cñi, bi' laca su̱u̱ quiña'a̱ tsa cha' cuxi. Ntsu'u ñati̱ nu tiji̱' tsa ti' ji'i̱ cñi, bi' cha' cua ngulochu̱' ngu' cha' ji'i̱ nu Xu'na na, cha' nga'aa taquiya' ngu' bi' cha' ji'i̱ Ni. Xñi'i̱ tsa ti' ndi'i̱ ngu' bi' li', cha' nchcube' ngu' ji'i̱ ycui' ca ngu'.