LOS HECHOS 4:3 - Chatino Tataltepec

³ Li' ngulo ngu' cña cha' xñi ngu' policía ji'i̱ Pedro lo'o ji'i̱ Juan, cha' su'ba ngu' ji'i̱ ne' chcua̱ sca talya, cha' ngusi̱i̱ tsa lo'o ngujui ngu' bi' ji'i̱ ngu'.

LOS HECHOS 4:3 ပူးပေါင်းရင်းမြစ်များ

SAN MATEO 4:12

Ca tiya' la ndu'u Jesús ndyaa, cha' ndyuna yu cha' cua ntejeya' ngu' ji'i̱ Juan, ndyaa lo'o ngu' ji'i̱ yu ne' chcua̱. Li' nguxtyu̱u̱ Jesús chaca quiya' nde quichi̱ Nazaret, nde loyuu su cuentya Galilea.

SAN LUCAS 22:52

Lo'o ti nchcui' Jesús lo'o ngu' sti jo'ó nu laca loo, lo'o ngu' nu laca cña ne' laa, jua'a̱ lo'o ngu' cusu' ji'i̱ quichi̱, lcaa ngu' nu ñaa cha' tyaa lo'o ngu' ji'i̱: ―¿Ha na ndu'u cu'ma̱ lijya̱ ma̱ lo'o maxtyi ji'i̱ ma̱, lo'o yaca ji'i̱ ma̱, cha' quiji'i̱ yaca ma̱ 'na ñi'ya̱ nu ntyiji'i̱ na ji'i̱ sca cuaana?

SAN LUCAS 22:54

Lo'o li' ngusñi ngu' ji'i̱ Jesús cha' caca preso, ndyaa lo'o ngu' ji'i̱ nde toni'i̱ ji'i̱ xu'na sti jo'ó. Lo'o Pedro ni, ndyaa lca'a̱ yu ji'i̱ ngu' tyijyu' ti li'.

SAN JUAN 18:12

Cua ngua li', lo'o nu sendaru, lo'o xu'na sendaru, lo'o policía ji'i̱ ngu' judío, ntejeya' ngu' ji'i̱ Jesús, tachaa ngusca̱' ngu' ji'i̱ yu li'.

LOS HECHOS 5:18

Bi' cha' ngulo ngu' cña cha' xñi ngu' ji'i̱ ca ta'a nu tii tyucuaa tya'a ngu' bi', cha' tsaa lo'o ngu' ji'i̱ ngu' bi' ne' chcua̱.

LOS HECHOS 6:12

Nda ngu' cuiñi bi' cha' bi' lo'o lcaa ngu' quichi̱, masi lo'o ngu' cusu', masi lo'o ngu' nu nclyu'u cha' jo'ó ne' laa. Ndyuna ngu' cha' nu nchcui' nu ngu' cuiñi bi' lo'o ngu', ngunasi̱' tsa ngu' ji'i̱ Esteban li'. Ngusñi ngu' ji'i̱ yu, ndyaa lo'o ngu' ji'i̱ yu slo ngu' nu laca loo cha' caca cuayá' ji'i̱ yu lo'o ngu'.

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

LOS HECHOS 9:2

cha' nti' yu culo yu quityi chacuayá' ji'i̱ cha' tsaa sca̱' yu ji'i̱ ngu' nu ngusñi cha' ji'i̱ Jesucristo. Nti' yu tsaa yu quichi̱ Damasco cha' culu'u yu quityi chacuayá' bi' ji'i̱ ngu' nu laca loo ne' laa bi', nu laa ji'i̱ ngu' judío bi'. Li' nti' Saulo sca̱' ji'i̱ ñati̱ ji'i̱ Jesucristo quichi̱ bi', cha' xtyu̱u̱ yu tya̱a̱ lo'o yu ji'i̱ ngu' nde Jerusalén; masi ngu' qui'yu, masi ngu' cuna'a̱, lcua ti ña'a̱ ñati̱ bi' tejeya' yu ji'i̱ ngu', nti' yu.