LOS HECHOS 27:4 - Chatino Tataltepec

⁴ Lo'o li' ndu'u ya ndyaa ya chaca quiya' lo'o yaca ni'i̱ bi'. Cacua ti tu'ba yuu Chipre nteje tacui ya li'; la'a tsu' coca ndyanu loyuu btyi bi', cha' ná nda cui'i̱ chacuayá' tsaa ya chaca tsu' loyuu bi'.

LOS HECHOS 27:4 ပူးပေါင်းရင်းမြစ်များ

LOS HECHOS 4:36

La cui' jua'a̱ ngua'ni sca ngu' Chipre nu naa José. Ngu' Leví laca yu; ñi'ya̱ ndu'ni xirta cña ne' laa, jua'a̱ ndu'ni ngu' Leví bi' cña. Xa' xtañi ngusta nu tii tyucuaa tya'a ngu' bi' ji'i̱ nu José bi'; Bernabé ngua xtañi yu li', cha' tso'o tsa nxaala' yu tyiquee tya'a ñati̱.

LOS HECHOS 27:7

Tyu̱u̱ tsa tsa̱ nguta'a̱ ya lo hitya li', cha' tiya' tsa ndya'a̱ yaca ni'i̱ bi'. Lqui'ya ti ndyalaa ya cacua ti quichi̱ Gnido li', cha' lye tsa ngua'a cui'i̱ ji'i̱ yaca ni'i̱ bi'. Li' nteje tacui ya cacua ti to' quichi̱ Salmón cha' tsaa ya cacua la to' yuu nu naa Creta nu ndi'i̱ cla'be tyujo'o, cha' nga'aa ndyaca lye cui'i̱ nde jua, ngua ti' ngu'.

LOS HECHOS 21:16

Tyu̱u̱ tya'a ngu' tya'a na ndyaa lo'o ji'i̱ ya cha' culu'u ngu' ji'i̱ ya macala ndi'i̱ chaca yu tya'a na nu naa Mnasón. Ngu' Chipre laca nu Mnasón bi'. Cua ngusñi yu cha' ji'i̱ Jesús tya sa'ni la, lo'o nu juani ntucua tyi yu ca Jerusalén. Slo yu bi' ndyanu ya li'.

LOS HECHOS 21:3

Cua nteje tacui ya cacua ti loyuu su cuentya Chipre, la'a tsu' coca ndyanu yuu btyi bi', cha' tsaa liñi ya ca loyuu su cuentya Siria. Ntsu'u cha' tsaa yaca ni'i̱ ca quichi̱ Tiro cha' tyanu yu'ba ji'i̱ ndejua. Lo'o ndyalaa ya quichi̱ bi' ndu'u ya ne' yaca ni'i̱ bi',

LOS HECHOS 15:39

Ná stu'ba ntsu'u tyiquee Pablo lo'o Bernabé li', nga'aa ndya'a̱ ngu' stu'ba ti; bi' cha' ndyaa Bernabé ndyatí̱ ne' yaca ni'i̱ cha' tsaa ca loyuu Chipre chaca quiya'; lo'o nu Marcos bi' ndyaa lo'o Bernabé li'.

LOS HECHOS 13:4

Li' ndyaa Bernabé lo'o Saulo ca quichi̱ Seleucia cha' tyatí̱ ngu' ne' yaca ni'i̱, cha' tsaa ngu' chaca tsu' tyujo'o ca loyuu su naa Chipre. Ca bi' cua'ni ngu' cña nu ngulo Xtyi'i ycui' Ndyosi ji'i̱ ngu'.

SAN MARCOS 6:48

Na'a̱ Jesús cha' lye tsa ndyu'ni ngu' cña cha' xna yaca ni'i̱ bi' lo hitya, cha' nguula tsa cui'i̱ ndyaca lo hitya. Lo'o cua quixee ti, li' lijya̱ Jesús ndya'a̱ lo hitya ti. Cua tyeje tacui ti Jesús,

SAN MATEO 14:24

Laja li' tyijyu' ndya'a̱ yaca ni'i̱ bi' lo tayu'. Lqui'ya ti nxna yaca ni'i̱ bi', xqui'ya cha' lye tsa ndyatu̱ clyoo' lo hitya, cha' lye tsa ndyaca cui'i̱.

SAN LUCAS 8:22

Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti. ―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'. Ndyaa ngu' li'.