LOS HECHOS 12:3 - Chatino Tataltepec

³ Chaa tsa ti' ngu' judío cha' ndyujuii rey ji'i̱ Jacobo, bi' cha' lo'o ji'i̱ Pedro ntejeya' nu rey bi' li'. La cui' tsa̱ nu ngusñi rey ji'i̱ yu, li' ngua sca ta'a ji'i̱ ngu' judío, ta'a nu lo'o ndacu ngu' xlyá tiji nu ná lo'o scua̱ tiye' ndya'.

LOS HECHOS 12:3 ပူးပေါင်းရင်းမြစ်များ

SAN MATEO 26:17

Lo'o ngua tsa̱ clyo ji'i̱ ta'a nu lo'o ndacu ngu' xlyá nu ná lo'o scua̱ tiye' ndya', li' ñaa nu ngu' nu ndyaca tsa'a̱ ji'i̱ slo Jesús. Ndi'ya̱ nchcuane ngu' ji'i̱ li': ―¿Macala nti' nu'u̱ cha' cua'ni cho'o ya cha' cacu na si̱i̱ nu cuentya ji'i̱ ta'a pascua? ―nacui̱ ngu'.

SAN JUAN 12:43

Ndiya la ti' ngu' bi' cha' tso'o ti chcui' ñati̱ chalyuu cha' ji'i̱ ycui' ngu'. Ná nti' ngu' cha' caca tso'o tyiquee ycui' Ndyosi ña'a̱ Ni ji'i̱ ngu'.

SAN JUAN 19:11

―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

SAN JUAN 21:18

Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.

LOS HECHOS 12:4

Ntejeya' ngu' ji'i̱ Pedro, li' ndyaa lo'o ngu' ji'i̱, ngusu'ba ngu' ji'i̱ ne' chcua̱. Li' ndyatu̱ jacua latya sendaru cua̱ ji'i̱, jacua tya'a sendaru ntsu'u ji'i̱ sca latya ngu'; ndi'i̱ ngu' bi' cua̱ to' ni'i̱ chcua̱ su ntsu'u Pedro. Nu lo'o tye tsa̱ ta'a pascua, li' tyu'u ti'i̱ lcaa ngu' quichi̱ cha' cua'ni cuayá' nu Herodes bi' ji'i̱ Pedro, nti' ycui' rey bi';

LOS HECHOS 2:14

Lo'o li' ndu̱ Pedro lo'o nu tii chaca tya'a ñati̱ bi', cui̱i̱ nchcui' yu lo'o nu ngu' quiña'a̱ bi' li': ―Ngu' cusu' cu'ma̱, ngu' judío ―nacui̱ Pedro―, lo'o lcaa cu'ma̱ nu ndi'i̱ nde quichi̱ Jerusalén juani ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ ―nacui̱ yu―.

LOS HECHOS 20:6

ndyanu Pablo lo'o na' ti (la cui' Lucas laca na' nu nscua na' quityi re). Ndyanu ya nde quichi̱ Filipos cha' tyeje tacui ta'a lo'o ndacu ngu' xlyá nu ná lo'o scua̱ tiye' ndya'. Ndu'u ya ndyaa ya li', ndyatí̱ ya ne' yaca ni'i̱ cha' tsaa ya tyacua tya'a ya lo'o ngu' bi' ca quichi̱ Troas. Ca'yu tsa̱ nguti'i̱ ya ne' yaca ni'i̱ cha' tyaala ya chaca tsu' tyujo'o bi', lo'o li' cati tsa̱ nguti'i̱ lcaa ya quichi̱ bi'.

LOS HECHOS 24:27

Jua'a̱ ti nteje tacui tucua yija̱. Li' ngutsa'a̱ nu laca loo; nga'aa si'i Félix laca gobernador li', Porcio Festo naa gobernador cui. Pana nguxtyanu Félix ji'i̱ Pablo ne' chcua̱ cha' caca tso'o tyiquee ngu' judío ña'a̱ ngu' ji'i̱ ycui' Félix, ngua ti' nu cusu' bi'.

LOS HECHOS 25:9

Pana nu Festo bi' ni, ngua ti' yu cha' cua'ni tya'a yu lo'o ngu' judío, bi' cha' nchcuane yu ji'i̱ Pablo ndi'ya̱: ―¿Ha nti' nu'u̱ tsaa ca Jerusalén? ―nacui̱ Festo ji'i̱ Pablo―, cha' ca cuayá' jinu'u̱ lo'o na' ca ndacua.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

GÁLATAS 1:10

Lo'o nacui̱ na' jua'a̱, si'i cha' ndyu'ni cña tsa ti' na' cha' caja ñati̱ 'na nu cua'ni chi̱ loo na'. Tsa bi' ti cha' tso'o nti' na', si ycui' Ndyosi cua'ni chi̱ Ni loo na'; si'i na cua nti' na' cha' tso'o ti chcui' ñati̱ jna'. Nga'aa caca cua'ni na' cña ji'i̱ Cristo, si xcui' cha' cua'ni tya'a na' lo'o ñati̱ ntsu'u tyiquee na'.

1 TESALONICENSES 2:4

Cua nda ycui' Ni cha' bi' lo'o ya cha' culu'u ya ji'i̱ ñati̱, bi' cha' liñi nchcui' ya lo'o ngu' nde lcaa quichi̱. Si'i ñati̱ chalyuu laca nu Xu'na na, ycui' Ndyosi laca nu Xu'na na; bi' cha' cuentya ji'i̱ ycui' Ni nclu'u ya cha' tso'o bi' ji'i̱ Ni ji'i̱ lcaa ma̱, cha' jlo ti' Ni lcaa cha' nu ntsu'u ne' cresiya ji'i̱ ya.