LOS HECHOS 10:9 - Chatino Tataltepec

⁹ Nguxee chaca tsa̱ ndya'a̱ ngu' nde tyucui̱i̱ Jope. Lo'o ndyalaa nde hora, xi tya lyiji tyalaa ngu' quichi̱ bi'. La cui' hora bi' ndyacuí̱ Pedro ndyaa yu que ni'i̱ cha' chcui' yu lo'o ycui' Ndyosi. Jlyacua tsa que ni'i̱ bi'.

LOS HECHOS 10:9 ပူးပေါင်းရင်းမြစ်များ

SAN MATEO 20:5

Lo'o li' xa' ndyaa xu'na msu bi' lcaya' nde hora, jua'a̱ chaca quiya' na'a̱ yu ji'i̱ xi xa' la ngu' cha' na ndu̱ ti ngu'. La cui' ti cha' nchcui' yu lo'o ngu' bi' li', lo'o li' la cui' jua'a̱ ngua chaca quiya' hora cua sna nde ngusi̱i̱.

SAN MATEO 24:17

Si ndu̱ ñati̱ que ni'i̱ ji'i̱ tsa̱ bi', nga'aa ta tyempo tyatí̱ ngu' ni'i̱ cha' culo ngu' yu'ba nu ntsu'u ji'i̱ ngu'; nga'a̱ cha' ca'ya clya ngu' bi' nde lo yuu cha' xna clya ngu' li'.

SAN MATEO 27:45

Lo'o li' ngua talya chalyuu chu̱' sna hora; nde hora nguxana cha' bi', hasta ña'a̱ cuayá' nu ndyalaa hora cua sna nde ngusi̱i̱.

SAN MATEO 6:6

Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

SAN MARCOS 1:35

Lo'o bilya quixee chaca tsa̱, li' ndyatu̱ Jesús; ndu'u yu, ndyaa yu xi nde ne' quixi̱' su ti̱ ti ndu̱ chalyuu, cha' chcui' yu lo'o ycui' Ndyosi cajua.

SAN MARCOS 6:46

Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu.

LOS HECHOS 10:3

Lo'o li' ntsu'u sca tsa̱ ndyalaa sca xca̱ ji'i̱ ycui' Ndyosi slo yu bi', hora cua sna nde ngusi̱i̱ ndyalaa xca̱ bi'. Ñi'ya̱ ngua si nchcui' xcalá ti yu, jua'a̱ ngua cha' bi'. Li' nchcui' xca̱ bi' lo'o yu: ―Cornelio ―nacui̱ xca̱ ji'i̱ yu.

LOS HECHOS 6:4

Li' caja la xi tyempo cha' chcui' ya lo'o ycui' Ndyosi, cha' culu'u ya cha' ji'i̱ Jesucristo ji'i̱ xa' ñati̱.

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

1 TIMOTEO 2:8

Bi' cha' lacua, lcaa se'i̱ su ndyu'u ti'i̱ ngu' nu ntsu'u cha' ji'i̱ lo'o Jesucristo tsa tlyu ti, nti' na' cha' chcui' ngu' lo'o ycui' Ndyosi. Tso'o ti tyiquee ngu' ta ngu' cha' lo'o ycui' Ndyosi li', cha' ná tso'o chcui' ngu' lo'o Ni si ñasi̱' ngu', ni ná tso'o chcui' ngu' lo'o Ni laja lo'o nxu̱u̱ tya'a ngu'.