SAN JUAN 9:28 - Chatino Tataltepec

²⁸ Li' nchcui' nu ngu' judío bi' cha' ti'í lo'o: ―Nu'u̱ laca sca nu ndyaca tsa'a̱ ji'i̱ yu bi' ―nacui̱ ngu'―, cuare laca ya ñati̱ nu ndyaca tsa'a̱ ji'i̱ jyo'o cusu' Moisés.

SAN JUAN 9:28 ပူးပေါင်းရင်းမြစ်များ

SAN MATEO 27:39

Lo'o jua'a̱ ntsu'u tsa ñati̱ nu nteje tacui su ndu̱ crusi bi', nxtyí lo'o ngu' bi' ji'i̱ Jesús.

SAN MATEO 5:11

’Lo'o jua'a̱ tso'o ntsu'u tyiquee ma̱ masi xtyí lo'o ngu' ji'i̱ ma̱ xqui'ya na', masi lya' tsa ti' ngu' ji'i̱ ma̱, masi cuiñi tsa ngu', masi chcui' tsa ngu' cuentyu ji'i̱ ma̱ xqui'ya na'.

SAN JUAN 7:19

’¿Ha si'i la cui' jyo'o cusu' Moisés nu ngulu'u ji'na cha' cua'ni na lcaa cña nu nti' ycui' Ndyosi? Pana ná ndaquiya' ma̱ tsiya' ti ji'i̱ cha' bi' ―nacui̱ Jesús―. Lo'o nu juani nti' ma̱ cujuii ma̱ jna'. ¿Ni cha' laca bi'?

SAN JUAN 9:34

―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.

ROMANOS 2:17

Pana nu cu'ma̱ ni, nacui̱ ma̱ cha' ngu' judío laca ma̱, bi' cha' jlya tsa ti' ma̱ ji'i̱ lcaa cha' nu nda ycui' Ndyosi lo'o jyo'o Moisés nu ngua sa'ni. Lye tsa ndu'ni tyucuaa ti' ma̱ lo'o xa' ñati̱, cha' nacui̱ ma̱ cha' sca ti cu'ma̱ laca ma̱ ñati̱ ji'i̱ ycui' Ndyosi.

1 CORINTIOS 4:12

Ti'i̱ tsa cña nu ndu'ni ya cha' caja ñi'ya̱ nu tyiji̱ yu'u ji'i̱ ya chalyuu. Nu lo'o ti'í tsa cha' nu nda ngu' lo'o ya, ná nsacui̱ tu'ba ya ji'i̱ ngu'; tso'o ti nchcui' ya lo'o ngu' li'. Lo'o ndu'ni lya' ti' ngu' ji'i̱ ya, ndalo ya li'; ná nsacui̱ ya' ya ji'i̱ ngu' tsiya' ti.

1 CORINTIOS 6:10

lo'o jua'a̱ nu cuaana, lo'o jua'a̱ nu nxlyaá na nu ntsu'u ji'i̱ tya'a ngu', lo'o jua'a̱ nu cu'bi, lo'o jua'a̱ nu nchcui' cha' cuxi ji'i̱ tya'a ngu', lo'o jua'a̱ nu cuxi ti ndu'ni ngana ji'i̱ tya'a ngu', ná tsaa chca ñati̱ cuxi bi' ca su tso'o su ntucua ycui' Ndyosi.

1 PEDRO 2:23

masi nchcui' ngu' cha' suba' lo'o yu, ni sca cha' tyaala ná nguxacui̱ yu ji'i̱ ngu'; nguxcube' tsa ngu' ji'i̱ yu, pana ná ngua ñasi̱' yu ji'i̱ ngu' li'. Sca ti lo'o ycui' Ndyosi Sti yu nchcui' yu ji'i̱ cha' cuxi nu ndyu'ni ngu' lo'o, cha' sca ti ycui' Ni laca nu xcui' liñi ndu'ni cuaya' ji'i̱ ñati̱.