SAN JUAN 9:22 - Chatino Tataltepec

²² Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

SAN JUAN 9:22 ပူးပေါင်းရင်းမြစ်များ

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN JUAN 19:38

Nde ngusi̱i̱ la ndyaa tsaca yu nu naa José Arimatea slo nu Pilato bi'. La cui' ñati̱ nu ngua tsa'a̱ ji'i̱ Jesús laca bi', masi cuaana ti ndyaca tsa'a̱ nu José bi'. Ntsi̱i̱ yu si ca cuayá' ti' ngu' judío tya'a quichi̱ tyi yu cha' ndyaca tsa'a̱ yu ji'i̱ Jesús. Ndyaa yu ngüijña yu chacuayá' ji'i̱ Pilato cha' tsaa lo'o yu ji'i̱ jyo'o Jesús cha' tyatsi', lo'o li' nda Pilato chacuayá' tyaa lo'o yu ji'i̱. Li' ndyaa José ca su ndu̱ crusi, ndyaa ndyiqui'ya ji'i̱ jyo'o Jesús, cha' tsaa lo'o yu ji'i̱ ca to' cuaá.

SAN JUAN 20:19

La cui' talya tsa̱ clyo ji'i̱ semana bi', cua nga'a̱ ya' ni'i̱ su ndyu'u ti'i̱ ngu' nu ngua tsa'a̱ ji'i̱ Jesús, cha' ntsi̱i̱ ngu' ji'i̱ ngu' judío. Li' ya̱a̱ Jesús, ndatu̱ slo ngu' bi'. ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu' bi'.

SAN JUAN 7:13

Pana ntsi̱i̱ ngu' si cuna ngu' judío cha' nu nchcui' ngu', bi' cha' cuaana ti nchcui' ngu' lo'o tya'a ngu'.

SAN JUAN 9:18

Ná jlya ti' nu ngu' judío bi', cha' ca ña'a̱ cuityi̱' nu qui'yu bi' lo'o ngula, lo'o nu juani tyaca̱' tso'o xee ña'a̱. Su ndye cha', li' ngusi'ya ngu' ji'i̱ ngu' cusu' ji'i̱.

SAN JUAN 9:21

pana ná nda ya cuentya tsiya' ti ñi'ya̱ ngua cha' ngujui xee nu ntsu'u cloo yu juani. Ná jlo ti' ya tilaca laca nu ngua'ni jo'o ji'i̱ yu. Xcuane ma̱ ji'i̱ ycui' yu; cua tlyu yu bi', ycui' yu taca ta liñi yu cha' lo'o ma̱.

SAN JUAN 9:34

―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.

SAN JUAN 9:35

Li' ngujui cha' ji'i̱ Jesús, ndyuna yu cha' ngulo'o ngu' ji'i̱ nu qui'yu bi' ne' laa. Lo'o ngujyacua Jesús ji'i̱, nchcuane yu ji'i̱ li': ―¿Ha jlya ca ti' nu'u̱ ji'i̱ ycui' nu cua lijya̱ chalyuu cha' caca ñati̱? ―nacui̱ Jesús ji'i̱.

LOS HECHOS 4:18

Li' ngusi'ya ngu' cusu' ji'i̱ ngu' bi', cha' tya̱a̱ ngu' nde ni'i̱ chaca quiya'. Ngulo ngu' cusu' cña ji'i̱ ngu' bi' li': ―Nga'aa chcui' ma̱ tsiya' ti cha' ji'i̱ Jesucristo lo'o xa' ñati̱ ―nacui̱ ngu' cusu' ji'i̱ ngu'.

LOS HECHOS 5:13

Xa' la ngu' quichi̱ ni, ndyutsi̱i̱ tsa ngu'; ná ndya'a̱ ngu' slo ngu' bi', masi tso'o tsa nchcui' ngu' ji'i̱ lcaa ñati̱ nu ntsu'u cha' ji'i̱ lo'o Jesucristo.

LOS HECHOS 5:40

Ndyuna ngu' cusu' cha' nu nchcui' nu cusu' bi' lo'o ngu'. Li' ngusi'ya ngu' ji'i̱ ngu' nu ndu̱ nde liya' bi' cha' tya̱a̱ ngu' nde ni'i̱ chaca quiya'. Ngulo ngu' cña ji'i̱ xca̱ cha' quiji'i̱ ji'i̱ preso bi'. Li' liñi tsa ngulo ngu' cusu' bi' cña ji'i̱ preso bi', cha' nga'aa chcui' ngu' cha' ji'i̱ Jesucristo lo'o xa' ñati̱. Lo'o cua ndye cha', li' ndyaa laja ti ngu' nu ngua tsa'a̱ ji'i̱ Jesucristo.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.