Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.
SAN JUAN 8:55 - Chatino Tataltepec55 masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―. အခန်းကိုကြည့်ပါ။ |
SAN JUAN 8:55
25 ပူးပေါင်းရင်းမြစ်များ
Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.
Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.
Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.
Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.
Ndyaa na'a̱ na' xi calle quichi̱ re, lo'o li' na'a̱ na' lcaa jo'ó nu cuentya ji'i̱ cu'ma̱. Li' na'a̱ na' sca mesa nu ndu̱ laja ti su nscua sca cha'cña nde sii' mesa bi' nu ndi'ya̱ nchcui': “Nde laca mesa ji'i̱ jo'ó nu bilya tyuloo ya ji'i̱”. Cha' ji'i̱ ycui' Ndyosi nu bilya slo ma̱ tilaca laca Ni, cha' ji'i̱ nu ycui' Ndyosi bi' ta na' lo'o ma̱ juani ―nacui̱ yu―.
La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.
¿Tilaca laca nu cuiñi lacua? Ñati̱ cuiñi bi' laca nu ñacui̱ cha' si'i Cristo laca Jesús, la cui' Cristo nu cua nda ycui' Ndyosi ji'i̱ cha' ya̱a̱ yu chalyuu. Nxu̱u̱ tya'a ngu' bi' lo'o ñati̱ nu ntsu'u cha' ji'i̱ lo'o Cristo, cha' ñacui̱ ngu' bi' cha' si'i nu sca ti Sñi' ycui' Ndyosi laca Jesucristo, cha' si'i ycui' Ndyosi laca Sti Jesucristo.
Ñati̱ nu jlya ti' ji'i̱ yu cha' laca yu nu sca ti Sñi' ycui' Ndyosi, ycui' ca ngu' jlo ti' ngu' ne' cresiya ji'i̱ ngu' cha' chañi tsa laca cha' bi'; ñati̱ nu ná ntaja'a̱ tucuá cha' ji'i̱ Ni, cha' laca Jesucristo Sñi' ycui' ca Ni, bi' ngu' laca nu ná jlya ti' tsiya' ti cha' cua nchcui' ycui' Ndyosi cha' ji'i̱ Sñi' ycui' ca Ni. Ñati̱ cuiñi laca ycui' Ndyosi nti' ngu' bi'.
Ntsu'u xi taju ñati̱ nu cuiñi ti nda cha' lo'o tya'a ngu' cha' ñati̱ jna' laca ngu'; liñi la ñacui̱ na cha' ntsu'u cha' ji'i̱ ngu' bi' lo'o Satanás. Ca tiya' la xi cuane na' ji'i̱ ngu' bi', cha' tya̱a̱ ngu' ca slo cu'ma̱, tyu̱ sti̱' ngu' slo ma̱ cha' cua'ni tlyu ngu' ji'i̱ ma̱ li'; caca cuayá' ti' ngu' jua'a̱ cha' tyaca'a tsa cu'ma̱ 'na.
ကြော်ငြာတွေ