SAN JUAN 8:44 - Chatino Tataltepec44 Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi. အခန်းကိုကြည့်ပါ။ |
SAN JUAN 8:44
41 ပူးပေါင်းရင်းမြစ်များ
Tacalya tsa cresiya ji'i̱ ngu' tya'a ma̱, cha' ná nti' ngu' taquiya' ngu' jna'. Ná nduna tso'o ngu', cha' ná ntaja'a̱ ngu' taquiya' ngu' cha' jna'. Ná nti' ngu' ta ngu' cuentya, bi' cha' ná nchca ji'i̱ ngu' ña'a̱ tso'o ngu'. Ná ntaja'a̱ ngu' culochu̱' ngu' cha' cuxi nu ntsu'u ji'i̱ ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi', nacui̱ ycui' Ndyosi. Jua'a̱ nscua lo quityi ji'i̱ ycui' Ni.
masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―.
bi' cha' nchcui' lo'o nu cucha'a̱ bi': ―Lye tsa ñilo'o nu'u̱ ji'i̱ ngu' ―nacui̱ Pablo ji'i̱ nu cucha'a̱ bi'―. Liye' tsa ti' nu'u̱ ña'a̱ nu'u̱ ji'i̱ ya, cha' msu ji'i̱ nu xña'a̱ laca nu'u̱ ―nacui̱―. Ndaca'a tsa nu'u̱ ji'i̱ ngu' cha' ná cua'ni ngu' sca cha' tso'o ti; bi' cha' juani culo na' cña jinu'u̱ cha' nga'aa cua'a nu'u̱ ji'i̱ ngu' nu nti' xñi cha' ji'i̱ ycui' Ndyosi nu Xu'na ya.
Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.
ndube tsa ti' na' si quiñu'u̱ chca cresiya ji'i̱ ma̱. Tya sa'ni ni, cua nguñilo'o nu cuaña ji'i̱ Eva, cha' tajua' tsa nchcui' nu xña'a̱ bi'. Pana ná nti' na' cha' quiñu'u̱ cha' ji'i̱ ma̱ lo'o Cristo jua'a̱, ná nti' na' cha' ñilo'o nu xña'a ji'i̱ ma̱ xqui'ya xa' ñati̱; juani tso'o tsa cha' tyucui tyiquee ma̱ cua ngusñi ma̱ cha' ji'i̱ ycui' Cristo.
Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.
Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.
Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'.
Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.
Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.
To' lo'o nde liya' tyanu lcaa ñati̱ nu chiya'a̱ tsa ndu'ni, lo'o jua'a̱ ñati̱ nu jlya tsa ti' ji'i̱ cha' cucha'a̱, lo'o ñati̱ nu ndu'ni suba' lo'o nu cuna'a̱, lo'o nu ndujuii ji'i̱ ñati̱; la cui' jua'a̱ lcaa ñati̱ nu ndu'ni tlyu ji'i̱ lcui̱ jo'ó ti, lo'o ñati̱ nu ndiya ti' ndu'ni ngu' cha' cuiñi, lcaa ñati̱ bi' tyanu nde chu̱' lo'o ji'i̱ quichi̱ bi'. Ni sca ñati̱ bi' ná ntsu'u chacuayá' tyatí̱ ngu' ne' lo'o quichi̱ bi'.
ကြော်ငြာတွေ