SAN JUAN 8:33 - Chatino Tataltepec

³³ ―Ñati̱ ji'i̱ jyo'o Abraham laca ya ―nacui̱ ngu' judío bi'―, ni sca ñati̱ bilya tatsaa ji'i̱ ya cha' cua'ni ya cña cuxi. ¿Ñi'ya̱ nti' ta nu'u̱ lo'o nacui̱ nu'u̱ cha': “Nga'aa tatsaa ngu' ji'i̱ ma̱ cha' cua'ni ma̱ cña cuxi ca su ndi'i̱ ma̱”? ―nacui̱ ngu' judío bi' ji'i̱ Jesús.

SAN JUAN 8:33 ပူးပေါင်းရင်းမြစ်များ

SAN MATEO 3:9

Ná culacua ti' ma̱ cha' caca tso'o ji'i̱ ma̱ slo ycui' Ndyosi si xcui' ndyi'u ti' ma̱ ji'i̱ jyo'o cusu' ji'i̱ ma̱, nu cusu' Abraham bi'. Ná talo ycui' Ni ji'i̱ cha' cuxi nu ndu'ni ma̱ tsiya' ti, masi ñati̱ tya'a ji'i̱ jyo'o Abraham laca ma̱, nchcui' ma̱. Na cuiñi ma̱. Si nti' ycui' Ndyosi, taca ji'i̱ Ni cuiñá Ni ji'i̱ ñati̱ tya'a ji'i̱ jyo'o Abraham, masi lo'o quee to' sta'a̱ re, taca ji'i̱ Ni si nti' Ni. Nga'aa taquiya' Ni ji'i̱ cu'ma̱ li'.

SAN LUCAS 3:8

Tso'o lacua, culu'u ma̱ ji'i̱ ya si chañi cha' cua ngulochu̱' ma̱ cha' cuxi nu ntsu'u ji'i̱ ma̱; ná ñacui̱ ma̱ cha' sñi' ycui' Ndyosi laca ma̱, xqui'ya cha' ndyu'u ma̱ ji'i̱ jyo'o Abraham. Cha' liñi ta na' lo'o ma̱ ―nacui̱ Juan―, cha' taca ji'i̱ ycui' Ndyosi subi Ni ji'i̱ xa' la ñati̱ nu caca sñi' Abraham ñi'ya̱ laca na juani, masi nti' ma̱ cha' na ple ti nu xa' la ñati̱ bi', masi nti' ma̱ cha' ñi'ya̱ laca quee re, jua'a̱ ti laca ngu' ―nacui̱ Juan ji'i̱ ngu'―.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

SAN JUAN 8:37

Cua jlo ti' na' cha' tya'a ñati̱ ji'i̱ jyo'o Abraham laca cu'ma̱, pana cua nti' ma̱ cujuii ma̱ jna' cha' ná ntucuá ma̱ cha' nu nchcui' na' lo'o ma̱ ―nacui̱ Jesús―.

SAN JUAN 8:39

Li' nguxtyacui ngu' cha' lo'o Jesús: ―Jyo'o Abraham bi' ngua jyo'o cusu' ji'i̱ ya, nu nguti'i̱ cua sa'ni la ―nacui̱ ngu'. ―Si chañi cha' laca ma̱ tya'a ñati̱ ji'i̱ jyo'o Abraham bi', li' cua'ni ma̱ ñi'ya̱ nu ngua'ni ycui' Abraham bi' ―nacui̱ Jesús ji'i̱ ngu' bi'―.

SAN JUAN 8:43

¿Ni cha' laca ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱? ―nacui̱ Jesús ji'i̱ ngu' li'―. Ná nchca ji'i̱ ma̱ tsiya' ti caca cuayá' ti' ma̱ cha' nu nda na' lo'o ma̱ ―nacui̱ yu ji'i̱ ngu' judío bi'―.

ROMANOS 9:7

Lo'o jua'a̱ si'i cua ña'a̱ ca ñati̱ tya'a ji'i̱ jyo'o Abraham nu chañi ca laca ngu' judío. Ná stu'ba ngua'ni jyo'o Abraham lo'o lcaa sñi' yu, cha' cua nda ycui' Ndyosi cha' lo'o yu tya tsubi' la ndi'ya̱: “Sca ti sñi' nu'u̱, nu Isaac ni, ji'i̱ bi' tucuá na' cha' ji'i̱; jua'a̱ tucuá na' cha' ji'i̱ lcaa ñati̱ nu tyu'ú ji'i̱ yu tyempo nde loo la”, nacui̱ ycui' Ndyosi ji'i̱ Abraham.