SAN JUAN 8:28 - Chatino Tataltepec

²⁸ Bi' cha' tya nchcui' la Jesús lo'o ngu' li': ―Tiya' la lo'o sicua̱ ma̱ jna' lo crusi, li' caca cuayá' ti' ma̱ cha' laca na' ñi'ya̱ nu ni na' ji'i̱ ma̱, na' nu lijya̱a̱ chalyuu cha' caca̱ ñati̱ ―nacui̱ Jesús―. Ná sca cña ndu'ni na' chacuayá' ji'i̱ ycui' ca na'; ycui' Ndyosi Sti na', bi' laca nu ngulu'u 'na lcaa ca cha' nu nchcui' na' ―nacui̱―.

SAN JUAN 8:28 ပူးပေါင်းရင်းမြစ်များ

SAN MATEO 24:5

Nde loo la ca̱a̱ tyu̱u̱ tya'a ngu' cuiñi nu ñacui̱ cha' cuentya jna' lijya̱ ngu'. “Cristo laca na'”, ñacui̱ ngu' bi' ji'i̱ ma̱, lo'o jua'a̱ cñilo'o ngu' ji'i̱ quiña'a̱ ñati̱ nu jlya ti' cha' bi'.

SAN MARCOS 13:6

Nde loo la ca̱a̱ quiña'a̱ ñati̱ nu chcui' cha' cuiñi ti ji'i̱ ycui' na'. Chcui' ngu' cha' ycui' Cristo laca ngu', lo'o jua'a̱ cñilo'o ngu' bi' ji'i̱ quiña'a̱ ñati̱ nu jlya ti' cha' bi'.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 13:19

Na nda ti na' sca cha' lo'o ma̱ juani, nu lo'o tya lyiji caca cha' bi'; lo'o cua ngua jua'a̱, li' caca jlya ti' ma̱ jna', cha' chañi cha' laca na' nu sca ti Sñi' ycui' Ndyosi nu lijya̱ chalyuu, ñi'ya̱ nu ni na' ji'i̱ ma̱.

SAN JUAN 16:10

Lo'o jua'a̱ cua'ni Ni cha' tyi'u ti' ngu' jna' cha' liñi tsa ndu'ni na', cha' liñi tsa cha' nu nchcui' na'; pana cua tsa'a ti na' slo ycui' Ndyosi Sti na', lo'o li' nga'aa ña'a̱ ma̱ 'na ―nacui̱―.

SAN JUAN 18:32

Lo'o ngua'ni ngu' jua'a̱, li' ngutu'u tucua cha' nu cua nchcui' Jesús lo'o ngu', ñi'ya̱ ña'a̱ cajaa ycui' ca.

SAN JUAN 19:18

Ca bi' ngujui'i̱ ca'a̱ ngu' ji'i̱ Jesús lo crusi, lo'o tya tyucuaa tya'a ñati̱ tya'a ndyujuii ngu' ji'i̱ lo'o Jesús; la'a tsu' cui̱ nguxtyu̱ ngu' crusi ji'i̱ tsaca yu, la'a tsu' coca nguxtyu̱ ngu' crusi ji'i̱ chaca yu li'. Crusi ji'i̱ Jesús nguxtyu̱ ngu' cla'be la.

SAN JUAN 3:11

Liñi tsa cha' nu nda na' lo'o nu'u̱. Nu cuare, liñi nchcui' ya ji'i̱ sca cha' nu cua jlo ti' ya, sca cha' nu cua na'a̱ ya, pana ná ntucuá ma̱ tsiya' ti cha' nu nchcui' ya ―nacui̱ yu―.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

SAN JUAN 4:26

Li' nacui̱ Jesús ji'i̱ nu cuna'a̱ bi': ―La cui' bi' laca na' nu nchcui̱' lo'o nu'u̱ juani.

SAN JUAN 5:19

Li' nguxacui̱ Jesús cha' ji'i̱ ngu' judío bi': ―Ta na' sca cha' liñi lo'o ma̱ juani ―nacui̱ yu―. Ná sca cña caca cua'ni na' ycui' ti na', na' nu laca̱ Sñi' ycui' Ndyosi. Ñi'ya̱ cña nu ña'a̱ na' cha' ndu'ni Sti na', jua'a̱ ti cña ndu'ni na' ―nacui̱―.

SAN JUAN 5:30

’Ná sca cña caca 'na si sca ti na' ―nacui̱ Jesús―. Lo'o ndyu'ni cuayá' na' ji'i̱ ñati̱, ndu'ni na' ñi'ya̱ nu nacui̱ Sti na' 'na cha' cua'ni na'. Stu'ba ndu'ni cuayá' na' ji'i̱ cua ña'a̱ ca ñati̱, cha' ndu'ni na' ñi'ya̱ nu nti' ycui' Sti na' nu nda 'na lijya̱a̱ chalyuu; ná ndu'ni na' sca cha' nu nda'ya hique ti na' ―nacui̱ Jesús li'―.

SAN JUAN 6:38

Cua ngutu'u na' nde slo ycui' Ndyosi Sti na', lijya̱ na' nde lo yuu cha' cua'ni na' cña nu ngulo Sti na' 'na; si'i cha' cua'ni na' ñi'ya̱ nu nta̱' cua'ni ta̱ ―nacui̱ Jesús―.

SAN JUAN 8:24

Bi' cha' ni na' ji'i̱ ma̱ cha' cajaa ycui' ma̱ ña'a̱ lo'o cresiya cuxi ji'i̱ ma̱; chañi cha' bi': cajaa ma̱ ña'a̱ lo'o cresiya cuxi ji'i̱ ma̱, si ná jlya ti' ma̱ cha' laca na' ñi'ya̱ nu ni na' ji'i̱ ma̱ cha' laca na'.

SAN JUAN 8:27

Ná ngua cuayá' ti' ngu' cha' nu nchcui' Jesús lo'o ngu' cha' ji'i̱ ycui' Ndyosi Sti yu.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

LOS HECHOS 2:41

Lcaa ngu' nu jlya ti' cha' nu nchcui' Pedro lo'o ngu', ndyaa ngu' bi' cha' tyucuatya ngu' ji'i̱ ngu' bi' chacuayá' ji'i̱ Jesús. La cui' tsa̱ bi' nguxana sna mil tya'a ñati̱ ngusñi ngu' cha' ji'i̱ Jesucristo.

LOS HECHOS 4:4

Tso'o tsa ndyuna quiña'a̱ ñati̱ cha' ji'i̱ ycui' Ndyosi nu ngulu'u ngu' bi' ji'i̱ ngu', hora ti ngusñi ngu' cha' bi'. Cua ntsu'u ca'yu mil tya'a nu qui'yu ti nu ngusñi cha' ji'i̱ Jesucristo li'.

ROMANOS 1:4

lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.