SAN JUAN 8:15 - Chatino Tataltepec

¹⁵ Cua laca ngusta ma̱ yabe' chu̱' na'. Lo'o ndyu'ni ma̱ jua'a̱, ndyu'ni ma̱ ñi'ya̱ ndu'ni ñati̱ chalyuu ti. Si'i na lijya̱ na' chalyuu cha' sta na' yabe' chu̱' ñati̱ ―nacui̱―,

SAN JUAN 8:15 ပူးပေါင်းရင်းမြစ်များ

SAN LUCAS 12:14

Li' nguxacui̱ Jesús cha' ji'i̱ yu bi': ―Si'i cña 'na laca cua, cha' cua'ni cuayá' na' ji'i̱ ma̱; si'i cña 'na laca bi', cha' sa'be na' cha' culiya' nu tyacua ji'i̱ scaa ma̱.

SAN JUAN 12:47

Nda na' cha' lo'o ngu'; pana si cuna ngu' cha' bi', lo'o li' ná taquiya' ngu' ji'i̱ cha' bi', si'i na' nu sta̱ qui'ya ji'i̱ ngu' bi' li' ―nacui̱ Jesús―. Ná lijya̱ na' cha' cua'ni cuayá' na' ji'i̱ ñati̱ chalyuu; cha' cua'ni lyaá na' ji'i̱ ngu', bi' cha' lijya̱ na'.

SAN JUAN 18:36

―Si laca na' sca rey jua'a̱ ―nacui̱ Jesús―, li' cua nxu̱u̱ tya'a ngu' tya'a ndya'a̱ na' lo'o ngu' judío jua cha' ná xñi ngu' 'na ―nacui̱―. Pana si'i ñati̱ chalyuu laca nu cua ngusta 'na cha' caca na' loo ji'i̱ ngu'.

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

SAN JUAN 7:24

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

SAN JUAN 8:11

―Ná tucui ndu̱ nu ngusta qui'ya 'na, cusu' ―nacui̱ nu cuna'a̱ bi'. ―Tso'o lacua ―nacui̱ Jesús ji'i̱―. Jua'a̱ na', ná ntsu'u qui'ya nu sta na' jinu'u̱. Tyaa clya nu'u̱ juani ―nacui̱―, nga'aa cua'ni la nu'u̱ cha' cuxi.

ROMANOS 2:1

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

1 CORINTIOS 2:15

Taca ca cuayá' ti' na ñi'ya̱ ndyu'u lcaa cha' si cua ntsu'u Xtyi'i ycui' Ndyosi ne' cresiya ji'na, lo'o li' ná taca xacui̱ ngu' xi xa' la cha' ji'na.

2 CORINTIOS 5:16

Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

SANTIAGO 2:4

Ntsu'u qui'ya ji'i̱ ma̱ li', xqui'ya cha' xa' ña'a̱ ntsu'u tyiquee ma̱ ña'a̱ ma̱ ji'i̱ xi scaa ñati̱, lo'o jua'a̱ cuxi ti ntsu'u tyiquee ma̱ ña'a̱ ma̱ ji'i̱ nu xa' ñati̱ bi' li'.