SAN JUAN 7:35 - Chatino Tataltepec

³⁵ ―¿Macala tsaa yu jua, su ná taca quije yu ji'na? ―nacui̱ nu ngu' judío bi' ji'i̱ tya'a ngu'―. ¿Ha tsaa yu tyijyu' la ca su ndi'i̱ xa' la ngu' judío tya'a na? ¿Ha tsaa yu cha' culu'u yu cha' ji'i̱ ycui' Ndyosi ji'i̱ xa' ñati̱ nu ndi'i̱ ca bi'? ―nacui̱ ngu'―.

SAN JUAN 7:35 ပူးပေါင်းရင်းမြစ်များ

SAN MATEO 12:21

Ndu̱ ti' ñati̱ tyucui ña'a̱ chalyuu cha' cua ca̱a̱ ti yu. Jua'a̱ nscua cha' ji'i̱ Cristo lo quityi bi'.

SAN LUCAS 2:32

Caca ycui' nu bi' sca xee tlyu nu tyu'u ne' cresiya ji'i̱ ñati̱ tyucui ña'a̱ chalyuu; tlyu tsa cha' tso'o caca ycui' nu bi' cuentya ji'i̱ ñati̱ jinu'u̱, nu ngu' Israel bi'. Jua'a̱ cha' nda nu cusu' Simeón bi' lo'o ycui' Ndyosi.

SAN JUAN 12:20

Lo'o ngu' griego ndyalaa laja ñati̱ nu ndya'a̱ ta'a bi' nde Jerusalén.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

SAN JUAN 8:22

―¿Ha cujuii yu ji'i̱ ycui' ca yu? ―nacui̱ ngu' judío ji'i̱ tya'a ngu'―. ¿Ha jua'a̱ ntsu'u tyiquee yu lo'o nacui̱ yu: “Ná caja chacuayá' tsaa ma̱ ca su tyi'i̱ na' li'”?

LOS HECHOS 11:18

Nu lo'o ndyuna ngu' cha' nu nchcui' Pedro lo'o ngu', nga'aa ngua chcui' tyaala ngu' bi' lo'o Pedro. Li' ngua'ni tlyu ngu' bi' ji'i̱ ycui' Ndyosi. Ndi'ya̱ nchcui' ngu' lo'o Ni li': ―Ndyosi Sti ya, tso'o tsa ndu'ni nu'u̱ lo'o ngu' xa' tsu', masi si'i ngu' judío laca ngu' bi' ―nacui̱ ngu' ji'i̱ ycui' Ndyosi―. Ndu'ni nu'u̱ cha' ca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi'.

LOS HECHOS 11:20

Tiya' la li', ndyaa xi xa' la ñati̱ ji'i̱ Jesús ca quichi̱ Antioquía; ngu' ca tyi loyuu su cuentya Chipre lo'o jua'a̱ loyuu su cuentya Cirene laca ngu' bi'. Nchcui' ngu' bi' lo'o lcaa ngu' quichi̱, masi lo'o ngu' judío, masi lo'o xa' ñati̱; ngulu'u ngu' cha' tso'o ji'i̱ Jesucristo ji'i̱ lcaa ngu' quichi̱ bi'.

LOS HECHOS 14:1

Lo'o cua ndyalaa Pablo lo'o Bernabé ca quichi̱ Iconio, ndyatí̱ ngu' ndyaa ngu' ne' laa ji'i̱ ngu' judío tya'a ngu'. Ndejua ngulu'u ngu' cha' ji'i̱ Jesús; bi' cha' quiña'a̱ tsa ngu' ngusñi ngu' cha' bi', masi ngu' judío, masi xa' ñati̱.

LOS HECHOS 17:4

Ngusñi tucua sna tya'a ti ngu' judío cha' bi', li' ndya'a̱ ngu' bi' lo'o Pablo lo'o Silas; jua'a̱ ngusñi tyu̱u̱ tya'a ngu' griego nu ndu'ni tlyu ji'i̱ ycui' Ndyosi cha' bi'; jua'a̱ tyu̱u̱ tya'a nu cuna'a̱ tlyu nu ndi'i̱ quichi̱ bi', ngusñi ngu' cha' bi' li'.

LOS HECHOS 18:4

Ndyaa Pablo ne' laa ji'i̱ ngu' judío lcaa tsa̱ ta'a nu ndi'i̱ cña' ngu', cha' culu'u yu cha' ji'i̱ Jesús ji'i̱ ngu' nu ndyu'u ti'i̱ li', masi ji'i̱ ngu' judío, masi ji'i̱ ngu' xa' tsu'.

LOS HECHOS 21:21

Lo'o jua'a̱ cua nquijeloo cha' ji'i̱ ngu' cha' ngulu'u nu'u̱ ji'i̱ ngu' judío tya'a na nu ndi'i̱ xa' quichi̱, cha' nga'aa ntsu'u cha' taquiya' ngu' bi' ji'i̱ cha' cusu' nu nguscua jyo'o Moisés bi', ni ná ntsu'u cha' xi'yu ngu' quiji̱ sñi' ngu' cha' culacua̱ ngu'; ngulu'u nu'u̱ cha' ná nga'a̱ cha' cua'ni ngu' bi' ñi'ya̱ nu ndu'ni na cha' laca na ngu' judío, nacui̱ ngu'.

LOS HECHOS 22:21

“Tyaa nu'u̱ juani”, nacui̱ ycui' nu Xu'na na jna' li'. “Culo na' cña jinu'u̱ cha' tsaa nu'u̱ xa' quichi̱ tyijyu' la, cha' culu'u nu'u̱ ji'i̱ xa' ñati̱; nga'aa si'i ji'i̱ ngu' judío tya'a nu'u̱ ti culu'u nu'u̱.”

ROMANOS 1:16

Ná ntyuju'u ti' na' tsiya' ti cha' culu'u na' cha' tso'o nu ntsu'u ji'i̱ Jesús ji'i̱ ñati̱. Lijya̱ cha' bi' lo'o lcaa chacuayá' ji'i̱ ycui' Ndyosi, cha' cua'ni lyaá Ni ji'i̱ lcaa ñati̱ nu xñi cha' ji'i̱ ycui' Ni. Tya clyo nda Ni cha' tso'o bi' lo'o ngu' judío ti, li' lo'o nda Ni cha' tso'o bi' lo'o ngu' xa' tsu'.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

COLOSENSES 1:27

Sca cha' tlyu nu tso'o tsa laca cha' bi', sca cha' nu caja ji'i̱ lcaa lo ñati̱ chalyuu laca cha' ji'i̱ ycui' Ndyosi bi'; pana ná ngujui chacuayá' cha' caca cuayá' ti' ñati̱ ji'i̱ ycui' Ndyosi cha' bi' nu ngua cua sa'ni la. Ndi'ya̱ ndyu'u cha' bi', cha' nu bilya cuna ngu': Taca tyi'i̱ Cristo lo'o na nde chalyuu, masi juani ti; lo'o jua'a̱ tiya' la li' taca tyu'u cha' ji'na lo'o ycui' Ndyosi ca su tlyu su xee tsa ca su ntucua ycui' Ni.

1 TIMOTEO 2:7

Ngusubi Ni 'na cha' ndya'a na' nda na' cha' tso'o bi' lo'o ñati̱ cuentya ji'i̱ ycui' Ni, cha' lo'o ngu' xa' tsu' ndyuna ngu' cha' tso'o bi' li'; ndya'a na' ngulu'u na' ji'i̱ ngu' ñi'ya̱ caca xñi ngu' cha' ji'i̱ ycui' Ndyosi. Cha' liñi nscua na' nde, si'i cha' cuiñi nchcui' na'.

2 TIMOTEO 1:11

Cha' ji'i̱ Jesucristo, bi' laca cha' nu nchcui' na' lo'o ñati̱. Cua ngusubi ycui' Ndyosi 'na cha' ndya'a na' nclyu'u na' cha' bi' ji'i̱ ngu' xa' tsu' cuentya ji'i̱ ycui' Ni,

SANTIAGO 1:1

Santiago laca na' nu nscua̱ quityi re cha' ca̱a̱ ca su ndi'i̱ cu'ma̱, ñati̱ ji'i̱ ycui' Ndyosi nu ndyaa ma̱ tyucui ña'a̱ chalyuu. Cña laca na' cuentya ji'i̱ ycui' Ndyosi, la cui' jua'a̱ laca na' cña ji'i̱ Jesucristo nu Xu'na na. Cua nti' na' chcui' na' xlyo ni'i̱ lo'o lcaa ma̱ lo'o tya'a ma̱.

1 PEDRO 1:1

Pedro laca na' nu nscua na' quityi re cha' ca̱a̱ slo lcaa cu'ma̱ nu ngusñi ma̱ cha' ji'i̱ Jesús, cu'ma̱ ngu' nu ndi'i̱ tyijyu'. Ntsu'u cu'ma̱ nu ndyalaa ma̱ nde loyuu su cuentya Ponto; xi xa' la tya'a cu'ma̱ ndyalaa ma̱ nde loyuu su cuentya Galacia, jua'a̱ loyuu su cuentya Capadocia, jua'a̱ loyuu su cuentya Asia, jua'a̱ loyuu su cuentya Bitinia cua lye tsa ngañi ma̱. Cña nu nda ycui' Jesucristo 'na, bi' laca cha' tsa'a na' chcui' na' cha' ji'i̱ Ni lo'o xa' la ñati̱.