SAN JUAN 7:18 - Chatino Tataltepec

¹⁸ Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

SAN JUAN 7:18 ပူးပေါင်းရင်းမြစ်များ

SAN MATEO 6:9

Tso'o la si ndi'ya̱ chcui' ma̱ lo'o ycui' Ni lacua: Ndyosi Sti ya nu ntucua nde cua̱, tacati tsa cha' jinu'u̱.

SAN JUAN 11:4

Lo'o ndyuna Jesús cha' bi', li' nacui̱: ―Ná nga'a̱ cha' cajaa nu quicha bi'. Na quicha yu bi' cha' caca tlyu la ycui' Ndyosi, cha' cua'ni tlyu ngu' jna', cha' na' laca̱ nu sca ti Sñi' ycui' Ndyosi. Lo'o ña'a̱ ngu' ñi'ya̱ cña tonu nu cua'ni na' cha' caca jo'o ji'i̱ yu, li' cua'ni tlyu ngu' ji'i̱ ycui' Ndyosi.

SAN JUAN 12:28

Li' nchcui' Jesús lo'o ycui' Ndyosi Sti yu: ―Sti na', tso'o la si caca tlyu ycui' nu'u̱. Li' nguañi nchcui' ycui' Ndyosi nde cua̱. Ndi'ya̱ nchcui' Ni: ―Cua laca ndu'ni tlyu ngu' ji'i̱ ycui' ca na', lo'o jua'a̱ tya caca tlyu la na' chaca quiya' xqui'ya nu'u̱.

SAN JUAN 12:43

Ndiya la ti' ngu' bi' cha' tso'o ti chcui' ñati̱ chalyuu cha' ji'i̱ ycui' ngu'. Ná nti' ngu' cha' caca tso'o tyiquee ycui' Ndyosi ña'a̱ Ni ji'i̱ ngu'.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 8:54

Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

1 TESALONICENSES 2:6

Ná nti' ya cha' cua'ni chi̱ ma̱ loo ya, masi chacuayá' ji'i̱ ycui' Jesucristo ndyalaa ya slo cu'ma̱; si'i na nchcui' tyucuaa ti' ya lo'o ma̱, cha' loo laca ya ji'i̱ ma̱, ni si'i na tyixi ya cha' loo laca ya ji'i̱ xa' ñati̱.

1 PEDRO 4:11

Culu'u ma̱ cha' ji'i̱ ñati̱, si bi' laca cña nu cua nda Ni ji'i̱ ma̱ cha' cua'ni ma̱; culu'u ma̱ tsa ña'a̱ cha' nu nti' ycui' Ndyosi chcui' Ni lo'o ngu'. Lo'o jua'a̱ xtyucua ma̱ ji'i̱ tya'a ñati̱ ma̱ lo'o tyucui juersa nu nda ycui' Ndyosi ji'i̱ ma̱, si bi' laca cña nu cua nda Ni ji'i̱ ma̱ cha' cua'ni ma̱. Nu lo'o ña'a̱ ngu' cña tso'o nu ndyu'ni ma̱ bi', li' cua'ni tlyu ngu' ji'i̱ ycui' Ndyosi xqui'ya Jesucristo. Lo'o li' ná nga'a̱ cha' tye cha' cua'ni tlyu ngu' ji'i̱ Cristo bi', cha' laca Cristo loo tsiya' ti. Jua'a̱ caca cha' tu'ni.

1 JUAN 2:29

Cua nchca cuayá' ti' ma̱ cha' lubii tsa cresiya ji'i̱ Jesucristo, bi' cha' tso'o si ca cuayá' ti' ma̱ cha' cua ña'a̱ ca ñati̱ nu ndu'ni cha' tso'o ñi'ya̱ ndyu'ni ycui' Jesús, caca ngu' bi' sñi' ycui' Ndyosi.