SAN JUAN 6:65 - Chatino Tataltepec

⁶⁵ Li' nacui̱ Jesús: ―Bi' cha' nacui̱ na' ji'i̱ ma̱ tsa̱ cha' ná tucui caca ñati̱ jna' si ná cua'ni Sti na' cha' ñati̱ 'na caca ngu' bi'.

SAN JUAN 6:65 ပူးပေါင်းရင်းမြစ်များ

SAN MATEO 13:11

Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 3:27

Li' nguxacui̱ Juan cha' ji'i̱ ngu' bi': ―Tsa lo cua ti cña nchca ji'i̱ scaa na cua'ni na, tsa ña'a̱ nu nda ycui' Ndyosi chacuayá' cua'ni scaa na ―nacui̱―.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

FILIPENSES 1:29

Tso'o tsa laca cha' nda ycui' Ndyosi chacuayá' cha' ngusñi ma̱ cha' ji'i̱ Cristo; pana cua nscua cha' caja xi cha' ti'í ji'i̱ ma̱, nu lo'o cua ngusñi ma̱ cha' ji'i̱ Cristo bi'.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.